Jeremia 25:17 - Iaai Bible 1901 (New Caledonia)

¹⁷ Me oge me hom kaia ûnyi hnyi hnyamö Iehova, me habelen je hnyei hia waleji ame kunö nya Iehova ka hnyin:

Jeremia 25:17 ပူးပေါင်းရင်းမြစ်များ

Jeremia 1:10

wâ bi, oge hia but ötilö u hnyi bong ang hon ta je hnyei me hon ta je dokhu, he ka oc degecâ me hagutâ, ke he ka ohia, ke he ka öüo; he ka op goranyai, me tä.

Jeremia 25:28

Ke adre ne höcö hom kaia ûnyi hnyi hnyamâm ke ic, u me he ka ha kodra, ka habe, Walang hna ha hnö Iehova tuhan sabaoth, ka habe, E hnathu öbun e he ka ijem.

Jeremia 25:9

Wâ bi, oge me be ka kunâ me hom je lap hia hnyi hwadro, haingö Iehova, me Nebukaneza than Babulona athnyabaik, me oi ödra ûcûdrin hnyei ang, me tavat adre me laba hnyin, me ta je hnyei hia igigilo e; ke oge me he ka ti ohiʼ ödra, me wiʼ ödra hnân kuko me jû, me ba wan nyiele balua.

Jeremia 27:3

ke kunâ thö ta je ûnyi e ka than Edoma, me than Moaba, me thaniny je laku Amona, me thaniny Turo, me thaniny Zidona, a deny je ûthumetu tavat adre me o hnyi Jerusalema kö Zedekia than Juda;

Ezekiela 29:2

Nokon at lö, hnyimâkâm dö kö Farao than Aigupito me perofeta ûcon me Aigupito hia thithö;

Ezekiela 3:2

Me oge me memang ut, me e ame haök ge tusi adre vhec.

Ezekiela 43:3

Ke haba imaneniny, me helâ me imaneniny oge me wâ, waleji oge wâ hnyi ioik he ka ohia taun; ke haba je hna omanenâ me helâ me hna omanenâ waleji oge wâ hnyi wagewe Kebara: me oge me ta hnyikânâi.

Habakuka 2:16

U je unöngötö ge hmehma ke ca hmanenang bi: bethe ic dö minya, mʼ u me helâ me at adre ca peritomonâ: adre me he ka wia köu kaiainy hnyam a metö Iehova, ke ame he ka e bi hon ânyâm hmanenang hmehma ae ikiki.