Jeremia 25:16 - Iaai Bible 1901 (New Caledonia)

¹⁶ Ke adre me he ka ic me ta tot, me ti hmonyin, can hele vat oge me he ka kunâ kodra.

Jeremia 25:16 ပူးပေါင်းရင်းမြစ်များ

Jeremia 13:12

Anyin a wale, u me he ka ha kodra hofuc ang, ka habe, Walang hna ha hnö Iehova Khongu Isaraela, ka habe, Ame he ka unö-ngöt ta je kaia hia ge waina: ke adre me he ka ha köu, ka habe, Hawa, e ca khanʼ ohmun a gʼ ame he ka unöngöt dö ta je kaia ge waina?

Jeremia 13:14

Ke oge me he ka öûsetuödraköu ödra, a je kamen me lakon, haingö Iehova: oge me ca he ka menyik, me hokhnyok, me betenge, ke oge me he ka ohiʼ ödra.

Jeremia 25:27

Ke u me he ka ha kodra, ka habe, Walang hna ha hnö Iehova tuhan sabaoth, Khongu Isaraela, ka habe, Ijem dʼöbun, ke monu thö, me hmita but, me ta ju, ke ca tot hmetu bi, can hele vat oge me he ka kunâ köbun.

Jeremia 45:5

Ke hawa, u me elâm je ûnyi ae gan hobi köu bi? ca elâm bi: anyin a wâ bi, oge me he ka oâ okongon ka tavat hia thithö, haingö Iehova; ke oge me he ka ham köu ânyâm bi mot hnân jekhom hnyi ta je dok hia thithö waleji u me he ka he ka hnyin.

Jeremia 48:26

Habelen ju ge grâg me me monu; anyin a e ame bi gan kö Iehova: ke ame he Moaba ka seset hnyi hûen hna hmita, ke adre me he ka wia e hnân hlumâ.

Jeremia 51:39

Ödra ka kahwa me oge me he ka bi jeu hobi kodra, me omonu ödra ge grâg, mʼ adre me he ka hobâ, me mokut nyiele balua, me ca hmak hmetu, haingö Iehova.

Jeremia 51:7

Babulona ehac, me helâji me kaia gol hnyi hnyamö Iehova, kʼ ame omono hmeledrany hia: kʼ ame hia but ijem wainainy ge ta je hnyei; anyin a wale ame monu thö ta je hnyei.

Je tenge anyi Jeremi 3:15

E ame hia but öunöngöti nya ge ûnyi ae hiny me osekuni nya ge khökhö-long.

Je tenge anyi Jeremi 4:21

Senyin dö me hobâ thö, u hluiny Edoma, at ame laba hnyi Uza: Ke ame he ka o köu minya kaia; u me he ka monu ge grâg, me he thu ka ûnyi bi gam.

Obadia 1:16

Anyin a öbun e hia but ic hon anyik bucen ae kap, me ame he bala bi ta je hnyei ka ic helâe, eke, adre me he ka ic me utâ, kʼ adre me he ka helâ me at adre ca hnokoâ.

Nahuma 3:11

U me he minya ka monu ge grâg, ke u me he ka ikhölö; ke u me he ka heleû hnabâ can je iwahnaihmiony.

Hna Omanenâ 14:10

wale at ame he minya ka ijem wainainy tang hmonyin anyin Khong, wale adre penapena ke adre me ca ûhaniken, hnyi kaiainy anyin tang hmonyin; ke adre me he ka ovecâ e hnen meic me teio hnyi hnyimakan ta je angela ae kap, ke hnyi hnyimakan Arenio:

Hna Omanenâ 14:8

Ke ame he hoton e ke angela, at a loiny, kʼ ame ha, ka habe, A ū but, A ū but Babulona ae gan, waleji at ame kunâ ta je hnyei hia he ka ijem wainainy tang hmonyin hnyi bi ûnyi monu a e.

Hna Omanenâ 18:3

Anyin a ū but ta je hnyei hia ge wainainy tang hmönyininy bi ûnyi monu anyin momo; ke ame bi ûnyi monu me je than eang hmeledrany, kʼ ame tren omjeû tavat ûcû eang hmelen ge maniny hna osenyinâ unyin momo.