Jeremia 25:13 - Iaai Bible 1901 (New Caledonia)

¹³ Ke oge me he ka oâ ka hnyei eling ta je hofuc hia oge hia but ha gan, wale hna sihnalimen hia hnyi tusi ang, waleji hnö Jeremia perofeta ge ta je hnyei hia.

Jeremia 25:13 ပူးပေါင်းရင်းမြစ်များ

Isaia 55:11

ke ame he ka helâe hok hofuc wale ame he but ûnyi hnyi hnyimök: a gʼ ame ca he ka hmetu baû könya, ke so bi, ame he ka ânyâ wek, kʼ ame he bi ka aat hnyi ûnyi oge me kunâ e ka hnyin.

Jeremia 1:10

wâ bi, oge hia but ötilö u hnyi bong ang hon ta je hnyei me hon ta je dokhu, he ka oc degecâ me hagutâ, ke he ka ohia, ke he ka öüo; he ka op goranyai, me tä.

Jeremia 1:5

Oge bok ka ö u, ke ödra tiga ca up u hnyi hnyok, ke oge bok ka okabi u, ke u tiga ca o bi ûhem hnyi hnyok; oge hia but ip u hnân peropeta ka ta je hnyei.

Jeremia 30:2

Walang hna ha hnö Iehova, Khongu Isaraela, ka habe, Sihnalimen ju hnyi tusi ta je hofuc hia wale oge me ha köu.

Jeremia 36:2

Hom dö tusi adre vhec, me sihnalimen hnyin e ta je hofuc hia waleji oge ha köu ge Isaraela, me Juda, me je hnyei hia, hwân hnyi bong waleji oge fuc hnyin köu, hwân hnyi ta je bong bongu Josea, ke ne o but hnyi bong ang.

Jeremia 36:29

Ke u me he ka ha ga Jehoiakama than Juda, ka habe, Walang hna ha hnö Iehova, ka habe, U je hia but thong tusi ang, haingâm, Anyin a ieû u je sihnalimen hnyin e, ka habe, Ame he ka o than Babulona me okongoâ hnyei ang, me ohia hnyin e at me meno?

Jeremia 36:4

Haba Jeremia ame hao Baruka nöku Neria; ke haba Baruka ame sihnalimen hia ûnyi hnyi hnyimö Jeremia ta je hofuc ho Iehova waleji e ame ha kâu, hnyi tusi adre vhec.

Daniela 5:28

PARES; adre hia but kia dokhom dökhu me ham ka at Madai me Peresi.

Daniela 5:31

Ke haba Dariu at Madai ame kap musi hnyi dökhu, kʼ ame ne sikste tu je hunainy.

Hna Omanenâ 10:11

Me adre me ha könya, ka habe, E ûcû köu he ka perofeta hmetu ge tavat me ta je hnyei me ta je hwen hnyei me ta je than ae se hia.