Jeremia 25:12 - Iaai Bible 1901 (New Caledonia)

¹² Ke e ka bekhötö ta je huna a sevente, me oge me he ka bi hwaban ka than Babulona ke tavat eling can hwakecidra ae kong, haingö Iehova, ke hnyei Kaledaia: ke oge me he ka wia e me me ba wan nyiele balua.

Jeremia 25:12 ပူးပေါင်းရင်းမြစ်များ

II. Je Than 24:1

HABA hnyi bongon je bong ame o but Nebukaneza than Babulona, me haba Jehoiakima ame bi athnyabainy hnyi kun ta huna: ke e ame tot me hna degecâ e.

II. Man Ûlabainy Je Than. 36:22

Ke haba hnyi huna a bani Koreso than Peresi, me haba Iehova ame bwebwelâ hnyeku Koreso than Peresi, me me hwâdâ hofuc ho Iehova a deny Jeremia, me e ame kunâ metâ ka hnyi dokhon dokhu ehele, me sihnalimen minya, ka habe,

Salamo 137:8

Hlu nöku Babulona lö, adre me he ka ohiö u, Ame he ka hnahic ut at ame bi hwaban köu, Hnâm hna ânyâ kohmun.

Isaia 13:19

Ke ame he Babulona, hmanenanginy je dokhu, me soiny mec anyin at Kaledaia, ka helâ me Sodoma me Gomora hnyi ûen Khong ame hagutʼ ödru.

Isaia 14:23

Ke oge me he ka wia e hnân iny kifoda, me hnân je wadutö; ke oge me he ka aba e ge brum hnân mekiny, haingö Iehova tuhan sabaoth.

Isaia 15:6

Anyin ame he ka mada thö je aniny Nimera: anyin a meleca thö önying; e ba but hna önying ae mita, ke ba but hnyot ae hât.

Isaia 20:1

HNYI ûen waleji ame o Taretana Asedoda ai hnyin, wale hnyi ûen Saregon than Asuria ame kunâ e, kʼ ame vat me Asedoda kʼ ame hûgûnâ e;

Isaia 33:1

EKÖLÖ gam at ame söh, kʼ adre ca sei u bi; ke u at ame iyawo, kʼ adre ca iyawo u bi! U ka hia but söh, me adre me he ka sei u; ke u ka bi obiny ânyâm iyawo, me adre me he ka iyawo u.

Isaia 46:1

BEL ame iyâû, Nebo ame he nom; e bi hon je meno anyidra je idola, ke hon je meno ae hnam; e hmak anyibun je hok ka ta je meno, kʼ adre sēnyin dut.

Jeremia 23:2

Anyin a wale walang hna ha hnö Iehova Khongu Isaraela ge tavat tuö mamoe tavat adre me tuö lakeik, ka habe, Öbun e hia but oveseâ halek je mamoe, me obʼ ödra, me ca senʼ ödra; wâ bi, oge me he ka bi hwaban ûkongon anyibun ta je huliwa, haingö Iehova.

Jeremia 25:14

Anyin ame he je hnyei ae se hia me je than ka thaluʼ ödra, ke oge me he ka bi hwaban kodra helâ me hwakecidra, me helâ me hna ânyâ hnen je hnyamödra.

Jeremia 27:22

adre me he ka hom ta je ûnyi e Babulona ai, ke ame he ka hnen ling ke ne o but hnyi bong oge me he ka senʼ ödra hnyin, haingö Iehova; me oge me he ka hom ta je ûnyi e me ohmeto ka hnyi dok ang.

Jeremia 27:7

Ke ame he je hnyei hia thithö ka bi athnyabainy, me lakon, me laöbiny, ke ne o but ame o but ûen iny hnyei bi: ke ame he bi je hnyei ae se hia, me je than ae gan ka thaluâ e.

Jeremia 29:10

Anyin a walang hna ha hnö Iehova, ka habe, E ka bekhot dö ta je huna a sevente hnyi Babulona, oge me he ka senʼ öbun, me ohwâdâ köbun hok hofuc ae so, mʼ adre me ohmetu öbun ka hnyi dok ang.

Ezekiela 35:9

Oge me he ka wiö u me me ba wan nyiele balua, ke adre me ca he ka labâ ânyâm je taun: ke öbun e he ka wâ a inya Iehova.

Daniela 9:2

haba hnyi huna a bâniny anyin musi, inya Daniela oge me wâhmakhmeto ge je tusi numerainy je buna, waleji ge ioiny hofuc ho Iehova kö Jeremia perofeta hnyin, me me he ka hwâdâ je huna a se ven ti waleji hnyi hna öba wan Jerusalema.

Habakuka 1:17

Anyin a wale, hawa, ame he ka öba onyen ûten ert, kʼ ame ca he ka hokhnyok hnyi hnen hna labö ohia ta je hnyei.