Jeremia 25:10 - Iaai Bible 1901 (New Caledonia)

¹⁰ Ke oge me he ka ohia gadra hwan senyin me hwan hobâ, me ifucin li at ödre tep faipoipo, me meainy li veto hnân omomono, me melaminy lamepa.

Jeremia 25:10 ပူးပေါင်းရင်းမြစ်များ

Esetera 3:13

Ke adre me kunâ tavat wadringâ je tusi ka hnyi je ke keihen hnyei iny than, he ka ohia me hlingâ, me oba at Juda hia thithö, tavat ae ûhnyûkong me wahingat, me ta je wanakat me omomo, hnyi bong a khaca, wale hnyi bong a thötininy tehi a twelviny, wale tehi Adara, ke adre me he ka söh anyidrin ta je ûnyi.

Esetera 7:4

ânyin a adre hia but ûcû ohmun, inya me ik hnyei, he ka ohia, me hlingâ, me oba. Ke adre ne hia but ûcû ohmun hnân lathnyaba obaga me omomo, me oge me ne he ka laba hnyibû, ke so bi, ae ca ûcû iwahnaihmiony, me je omjeû anyin than ame he ka hia.

Esetera 8:11

haingen tusi, ka habe, haba than ame hna ka at Juda hnyi ke taun me ke taun, he ka ûkhacaköu mʼ adre me tuʼ ödrin bi, he ka okongoâ, me hlingâ, me ohia man maniny tavat hia, me ke keihen hnyei adre me he ka kuc ödrin, me anyidrin tavat ae ûhnyûkong me omomo, me he ka söh anyidrin ta je ûnyi,

Isaia 47:2

Hom dö li veto hnân oamamâ me khenyo falawa: ip ju ûnyi hnân tube hnyimâkâm, kia degecâ but baten khaûâm, omanenâ ju cam, vheno thö je wagewe.

Jeremia 16:9

Anyin a walang hna ha hnö Iehova tuhan sabaoth, Khongu Isaraela, ka habe, Wâ bi, oge me he ka bi obiny hnyi dok ang hnyi hnyimaköbun hnyi bongubun ta je bong hwan senyin me hwan hobâ, me hwan li at ödre tep faipoipo.

Jeremia 48:33

Ke adre hom degecâ senyin me hobâ ûnyi hnyi hnyei a wa so ke ûnyi hnyi hnyei Moaba, ke oge hia but öba waina hnyi hna hlec wan vine: e ba at ame he ka utö me hongot senyin; haba hongot senyin, me helâ me ba hongot senyin.

Jeremia 7:34

Ke oge me he ka obuhlumo hnyi je tauniny Juda, me je gethen minya hnyi Jerusalema, hwan senyin, me hwan hobâ, me hwan li at ödre tep faipoipo: anyin ame he ka ba aten hnyei.

Je tenge anyi Jeremi 5:15

E ba hmetu senyin hnyi ta je hnyekuhmun, Adre me wia anyihmun bibiâ me me hlöuhlöu bi.

Ezekiela 26:13

Ke oge me he ka bi obiny hwan ânyâm khumöng; kʼ adre me ca he hmetu bi ka long hwan ânyâm je kitara.

Hosea 2:11

Ke oge me he ka bi obiny anyin senyin hia, je bijeû, me je tehi a tebûnyi, me je sabath, me anyin je ûkhacaköu hia adre thu.