Jeremia 24:7 - Iaai Bible 1901 (New Caledonia)

⁷ Ke oge me he ka ham kodra hnyok he ka wâhmakhmetu nya, a inya Iehova: ke adre me he ka bi lakeik, ke oge me he ka Khongudrin, anyin adre me he ka hmetu könya ge hnyok ae bekhot.

Jeremia 24:7 ပူးပေါင်းရင်းမြစ်များ

II. Man Ûlabainy Je Than. 6:38

ödrin e ne hmetu köu ge hnyekudrin ae bekhot me hanudrin ae bekhot hnyi hnyei ödrin e laba hwenbâ hnyin, wale adre lili ödrin me hwenbâ ka hnyin, me hic cicö idrin hnyei, waleji u je ham ka lakamödrin, me taun u je ûca, me uma wale o ge ânyâ hobi kâu iâm:

Salamo 119:2

Hnahic hnen tavat adre me vheno hnen ta je hna ohnathoâ, Tavat adre me elâm e hnen hnyok, ae bekhot.

Isaia 51:16

Ke oge hia but ip hok ta je hofuc hnyi hnyimâm, me tubi u hnyi hmenon hnyamok, mʼ oge me he ka ohmâ drany me bi taben hmeledrany, me ha kö Ziona, ka habe, U ik hnyei.

Jeremia 11:4

waleji oge hûna ka lakamöbun, hnyi bong oge hum ödra hnyin ûnyi hnyi hnyei Aigupito, ûnyi hnyi hnyin meic fao me ha, ka habe, Long ju ifucik, me ânyâ thö hoton hnok hna hûna köbun; me öbun e he ka lakeik, ke oge me he inya ka Khongubun:

Jeremia 29:10

Anyin a walang hna ha hnö Iehova, ka habe, E ka bekhot dö ta je huna a sevente hnyi Babulona, oge me he ka senʼ öbun, me ohwâdâ köbun hok hofuc ae so, mʼ adre me ohmetu öbun ka hnyi dok ang.

Jeremia 3:10

Ke so bi, hnyi ta je ûnyi e hia, haba liamekeiny më, jia Juda at iyawo, ame ca hmetu könya me hnyekon ae bekhot, ke ame thoi, haingö Iehova.

Jeremia 30:22

Ke öbun e he ka lakeik, ke oge me he ka Khongubun.

Jeremia 7:23

ke wale bi ang ûnyi oge hûna kodra, ka habe, Long ju öbun hok hofuc, ke oge me he ka Khongubun, ke Öbun e he ka lakeik: ke tha vheno thʼ öbun gethen oge hûna, mʼ öbun e so.

Ezekiela 11:17

Anyin a wale ha thö, ka habe, Walang hna ha hnen Than Iehova, ka habe, Oge me he ka hum öbun ûnyi hnyi je hnyei, me ûkhacaköu öbun ûnyi hnyi je hnyei waleji adre ovesei öbun ka hnyin, ke oge me he ka ham köbun hnyei Isaraela.

Ezekiela 14:11

me me ca he monu hmetu gak lap anyi Isaraela, me oikiki ödra hmetu bi hnyi hnödra je hna hanyâûâ; ke so bi, mʼ adre me he ka lakeik, me oge me he bi nya ka Khongudrin haingen Than Iehova.

Ezekiela 16:62

Ke oge me he ka ohmâ anyik ûhihinyköu möu; me u me he ka wâ a inya Iehova:

Ezekiela 37:23

ke adre me ca he hmetu bi ka kong ge anyidra je idola, me anyidra ta je ûnyi ae ikiki, me hnödra je hna hanyâûâ hia: ke oge me he ka omeli ödra ûnyi hnyi je hnyabadra hia waleji adre ânyâ monu hnyin, ke oge me he ka obosoi ödra: helâe adre me he ka lakeik, ke oge me he ka Khongudrin.

Ezekiela 37:27

Me ame he ka laba unyidra umök uma mano; ke oge me he ka Khongudrin, kʼ adre me he ka lakeik.

Ezekiela 39:22

Me ame he lap anyi Isaraela ka wâ a inya Khongudrin, hwân hnyi bong eling ke ne o but nyiele.

Hosea 2:22

ke ame he hmeledrany ka thu hmetu ka hwit, me waina me wakaco; ke ödrin e he ka thu kö Jezerela.

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.

Zakaria 8:8

ke oge me he ka hum ödra, mʼ adre me he ka laba hnyi wanben Jerusalema; ke adre me he ka lakeik, ke oge me he ka Khongudrin hnyi hnathu me hwakecin ae wisa.

Roma 6:17

Ke oleâ ju ka Khong, anyin a öbun e bi athnyabainy hulo ehac, ke walang ang öbun e long ge hnyekubun hoton tulutiny hofuc adre me hnʼ öbun ka hnyin;

Heberu 11:16

Ke walang ang adre me weny ke hnyei ae beönua hnyin so, a wale thö drany: waleling me me ca hmehma bi Khong, e ka he ka hâiâ e, ka habe, e Khongudrin; anyin a e ame penapena taun hobi ködra.

Heberu 8:10

Anyin a walang ûhihinyköu oge me be ka ânyâ me lap anyin Isaraela Hwaban je bong eling, haingen Than; Oge me he ka ip anyik je hnanyibu hnyi ûnykûmenödra, Ke sihnalimen minya hnyi je hnyekudra: Ke oge me he ka Khong bi kodra, Ke adre me he bi ka lakeik:

I. Samuela 7:3

Ke Samuela ame ha ka lap anyin at Isaraela hia, ka habe, Öbun e ne hmetu kö Iehova me hnyekubun a khaca, awe, degec ut je khong kanyua me Aseira unyibun, me penapena je hnyekubun kö Iehova, me bi athnyaba thibi kâu: ke e ame he ka omeli öbun ûnyi hnyi hnyamen at Filisiti.