Jeremia 24:6 - Iaai Bible 1901 (New Caledonia)

⁶ Ke oge me he ka wâ hmʼ ödra, mʼ adre me so, ke oge me he ka ohmetu ödra ka hnyi hnyei ang: ke oge me he ka up ödra goranyai, ke adre me ca he ka hagut ödra; ke oge me he ka te ödra, me ca he ka oc.

Jeremia 24:6 ပူးပေါင်းရင်းမြစ်များ

Genese 44:21

Kʼ u je ha köhmun a je lathnyabaem, ka habe, Hom but könya me inye he ka wâ e.

II. Man Ûlabainy Je Than. 16:9

Anyin ame labö ngele mweimwei li emakö Iehova hnyi hmeledrany hia, he ka hadruâ tavat ae bekhot ut je hnyekudrin kâu. U je hwen monu hnyi ûnyi ang; anyin a hwân hnyi ûen ang u me he bala ka labö vat.

Nehemia 5:19

Khonguk lo, ûnykûmi nya ju mʼ inya hnahic, e ûcû me ta je ûnyi hia wale oge me ânyâ ka tavat ang.

Salamo 34:15

E bala li emakö Iehova hon tavat ae wisa, Ke haba li hnyikonyen ame long hodrin hwahongot.

Salamo 44:2

U je obâ aten je hnyei ge hnyamâm, me te hwabödra: U je okongoâ je hnyei, me obâ degeci ödra.

Isaia 14:1

A NYIN ame he Iehova ka betenge ga Jekob, ke e ame he hmetu ka ûco Isaraela, me ip ödra hnyi idra: kʼ ame he je atkanyua ka tha e mödra, kʼ adre me he ka kece ka lap anyi Jekob.

Isaia 60:21

Ke ame he ka wisa hia ânyâm tavat, adre me he ka hu hnyei nyiele balua; a bâtân oge tä, huliwa anyin li hnyamok, mʼ adre me he ka oganö nya.

Jeremia 1:10

wâ bi, oge hia but ötilö u hnyi bong ang hon ta je hnyei me hon ta je dokhu, he ka oc degecâ me hagutâ, ke he ka ohia, ke he ka öüo; he ka op goranyai, me tä.

Jeremia 12:15

Ke iny ka hia but uk ödra oge me he ka hmetu me betenge gadra; ke oge me he ka ve ohmetu ödra ka hnyi je idra, me idra ta hnyei.

Jeremia 16:15

ke so bi, Kia inya Iehova at ame hom lakon Isaraela ûnyi hnyi hnyei hnyi hwadro, me ûnyi hnyi je hnyei hia waleji e ame obʼ ödra ka hnyin: ke oge me he ka ohmetu ödra ka hnyi idra hnyei, waleji oge ham ka lakamödra.

Jeremia 21:10

Anyin a inya oge hia but hnyimakök ka hnyi taun ang me me kong, ke ca hnân bi so, haingö Iehova: adre me he ka hna e ka hnyi hnyamen than Babulona, ke e ame he ka thong e ge meic.

Jeremia 23:3

Ke oge me he ka hawâ kolon halek ta je mamoe ûnyi hnyi ta je hnyei hia waleji oge obʼ ödra ka hnyin, me ohmetu ödra ka hnyi hnyeuledra; ke adre me he ka hnokoâ sehia me ti sehia.

Jeremia 29:10

Anyin a walang hna ha hnö Iehova, ka habe, E ka bekhot dö ta je huna a sevente hnyi Babulona, oge me he ka senʼ öbun, me ohwâdâ köbun hok hofuc ae so, mʼ adre me ohmetu öbun ka hnyi dok ang.

Jeremia 31:28

Ke helâ me hnok hna tuʼ ödra he ka oc, me kia, me hagutâ, me ohia, me ovecâ; helâe oge me he ka tuʼ ödra he ka op goranyai, me tä, haingö Iehova.

Jeremia 31:4

Hluiny Isaraela lö, oge me he ka up u hmetu, me adre me he ka up u; adre me he ka ohmanenangi u ge ânyâm je bwinybet, ke u me he ka he hnyi bibiâ anyin tavat adre me senyin.

Jeremia 32:37

haingen, ka habe, Wâ bi, oge me he ka hlu ödra ûnyi hnyi ta je hnyei hia, waleji oge obʼ ödra ka hnyin hnyi anyik hmonyin, me anyik wathethot, me hmonyin ae gan hmâ; ke oge me he ka ohmetu ödra ka hnyi dok ang, me olaba khötkici ödra:

Jeremia 32:41

Eke, oge me he ka senyin ködra, he ka mâdrâ kodra so, ke e hnathu oge me he ka te ödra hnyi hnyei ang, hnyekuk ae bekhot me hanuk ae bekhot.

Jeremia 33:7

Ke oge me he ka ohmeto at Juda me Isaraela ûhedra hnyi hna hwenbâ, me, up ödra hmetu goranyai helâ me hnyi hwân.

Jeremia 33:9

Ke ame he taun ang he ka hnân ien adre senyinâ, me hnân ogânâ, me haisoâ hnyi hnyimakan ta je hnyei hia eang hmeledrany, tavat adre me he ka long ta je so hia thithö wale oge me he ka ânyâ kodra, ke adre me he ka ot me öbu-buny ge ta je so hia me ta je hnahic hia wale oge me he ka oâ kâu.

Jeremia 39:12

Hom dö e, me wâ wia e, ke ca okongoâ e, ke ânyâ thö kâu helâ me ûnyi e ame he ka ha köu.

Jeremia 42:10

Öbunʼ e ne he ka laba bala bi hnyi hnyei ang, oge me he ka up öbun goranyai, me ca hagutʼ öbun, ke oge me he ka konim öbun, me ca oc degeci öbun: anyin oge me ietra ge ûnyi ae kong oge hia but ânyâ köbun.

Ezekiela 36:24

Anyin a oge me he ka hum öbun unyin tavat, me ûkhacaköu öbun ûnyi hnyi je hnyei hia, me hum öbun ka hnyi ibun.

Amosa 9:14

Me oge me he ka ohmeto lakeik a at Isaraela waleji adre me hom bâ, me adre me he bi ka otilâ hmeto ta je taun waleji ae ba wan, me labâ hmetu; ke adre me he ka tā ta je hnyei vine me ic wainainy; ke adre me he ka belökâ ta hnyei me an jeûiny.

Deuteronomi 11:12

e hnyei ame tuö hnö Iehova Khongom; ke e bala bi hon e li emakö Iehova Khongom, hwân hnyi hnyimakan huna ke ne o but hnyi obiny.

I. Peteru 3:12

Anyin a e li emakan Than hon tavat ae wisa, Ke li hnyikonyen ame löng hijidra je hic: Ke e bi hnyimakan Than hon tavat adre me ânyâ hulo.