Jeremia 23:5 - Iaai Bible 1901 (New Caledonia)

⁵ Wâ bi, ame he ka o je bong, haingö Iehova, ke oge me he ka oâ kö Davita? Khûen ae wisa, ke e ame he ka than me; musi me so, me ânyâ ûnyi ae wisa me ûnyi ae ûcû hnyi hnyei.

Jeremia 23:5 ပူးပေါင်းရင်းမြစ်များ

II. Samuela 23:3

Ame ha Khongu Isaraela, Ame fuc könya kic anyi Isaraela: At ame muso tavat hnyi wisa Ame musi me outen Khong;

Salamo 45:4

He thö me hnahic hnyi bongon than gam, Unyi ge hnathu, me menyik, me wisa: Ke ame he hnyam a metâm ka no u ge je huliwa hnân outen.

Salamo 80:15

Ke tuö ju hna ta hnen hnyamâm a metâm, Me anginy u je hat hobi köu bi.

Salamo 99:4

Ke haba hwegien than me ame hnyok ka hna owisa; U je otethmâ hnathu, U je mâdrâ hna owisa me wisa unyi Jekob.

Isaia 33:5

Adre me oganö Iehova; anyin a e ame laba ethö: e ame hia but ounöngötâ Ziona ge hna owisa me hwakecin ae wisa.

Isaia 4:2

Hnyi bong eling ame he ka hmanenang me mec hanö Iehova, kʼ ame he ka so me kese wan kânâ ka at Isaraela tavat adre kec möt.

Isaia 42:6

haba inya Iehova, oge hia but hawo u hnyi wisa, ke oge me he ka kât benyâm, me tuö u, me hnö u hnân I ûhihinyköu me tavat hnân melaminy ta je Ethen;

Isaia 45:24

Ame he ka ha könya ke at, ka habe, E hu but gak thibi ûnyi ga Iehova wisa me hwege: ame he ka o tavat kâu, ke adre me he ka hmehma, waleji tavat adre me hmönyidra kâu.

Isaia 52:13

Wâ bi, ame he athnyabaik ka ânyâ ûnyi ae metâ, adre me he ka ogöranyâ e, me obeönua e, me e ame he ka gorany hmonyin.

Isaia 53:10

Ke so bi e ûcû kö Iehova he ka thu hwetö e; e ame hia but ohlöuhlöuâ e: ke u ka he ka hudo e hnân hudiny hulo, me e ame he ka wâ je mâtrân, e ame he ka osehia bongon je bong, ke haba we Iehova ame he ka sot unyin.

Isaia 53:2

Anyin a e ame kû tot hnyi hnyimakan helâ me bâtân, ke helâ me wân ûnyi hnyi kânâ ae atgec: e ba anyin hmanenang, ke ba meciny; ke ate me wâ e, me ba hmanenang gan mʼ ate me he ka weta.

Isaia 9:5

Anyin a haba je omjehen vat hia anyin tavat penapena hnân vat, ke je ûkhaû adre me kina hnyin dra, me adre me he ka ip hnân thong, ke hnân hlogon meic.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Jeremia 22:15

Hawa, u me he ka musi, anyin a u me bebeönua hnyi arasi? hawa, a ca han kâmâm, me ic, me ânyâ wisa, me ûnyi ae ûcû? me e ame so but.

Jeremia 22:3

Walang hna ha hnö Iehova, ka habe, Anyâ thö wisa me ûnyi ae ûcû, ke omelo thö at adre söh ûnyi hnyi hnyamen at ûöveci: ca he ka ânyâ monu, me ûokonguny ka atkanyua, me nakahme, me safac, ke ca hingâlâ dra ae ba hnyikongon hnyi dok ang.

Jeremia 22:30

Walang hna ha hnö Iehova, ka habe, Sihnalimen ju at ang a gʼ ame he ka ba nokon, ke ame ca he ka so bongon je bong: anyin ame ca he ka hnahic ke mâtrâniny, at ame he ka tabâ theron anyi Davita, me musi hmetu hnyi Juda.

Jeremia 23:6

Hnyi bonginy je bong, ame he ka mot Juda, kʼ ame he Isaraela ka laba khotkic: ke walang ien adre me he ka hawâ, ka habe, Iehova wisaita.

Jeremia 29:11

Anyin ae khanö nya bi ta je ûnykûme, oge me ûnykûme köbun, haingö Iehova, je hna ûnykûme ae hnahic, ke ba kong hnyin, me me he ka hu gejon hnyi obiny.

Jeremia 30:3

Anyin a wâ bi, ame he ka o je bong, haingö Iehova, me oge me he ka ohmeto lakeik a at Isaraela me Juda ûhedra hnyi hna bâ, haingö Iehova: ke oge me he ka ohmetu ödra ka hnyi hnyei, waleji oge ham ka lakamödra, ke adre me he ka hu e.

Jeremia 30:9

ke adre me he ka bi athnyabai Iehova Khongudrin me Davita a tuhödra wale oge me he ka oâ kodra.

Jeremia 31:27

Wâ bi, ame he ka o je bong, haingö Iehova, me oge me he ka tû lap anyi Isaraela me lap anyi Juda, a je wan at, me wan meno.

Ezekiela 21:27

Oge me he ka ohnyimenâ e hnyikânâi, hnyimen hnyikânâi, hnyimen hnyikânâi: kʼ ame he ka hia but ûnyi e, ke ne o but ame o at a hanymen bi; ke oge me he ka ham kâu.

Ezekiela 34:16

Oge me he ka elâm at ae hia, me ohmeto hna obâ me ce ujâ at ae hmetru jein, me ohwegiâ at ae sënyin, ke haba at ae pipikhenya ke at ae hwege, me oge me he ka ohia; kʼ oge me he ka ha ödra ge hna owisa.

Ezekiela 34:29

Ke oge me he ka okûâ hobi kodra ke ûö ae lung, ke adre me ca he hmetu bi ka ohiʼ ödra ge hmiâ hnyi hnyei, ke ame ca he hmetu bi ta je hnyei ka ohmehmai ödra.

Ezekiela 45:8

Ke haba kânâ ame he ka hnân iny bi hnyi Isaraela: ke adre me ca he hmetu je than unyik ka hom ûhnyûkongo lakeik; ke adre me he ka ham kânâ ka lap anyi Isaraela hoton anyidra ta je tribu.

Daniela 9:24

Sevente je wik adre me thu ka hnyi em hnyei, ke ânyâm taun ae kap, mʼ adre me obekhötâ hna hanyâûâ, me bi obiny je hulo, me tube hwakecin ae monu, mʼ adre me oâ wisa a nyiele balua, me ohmâ haten hna omanenâ ke hna perofeta, me hû dok ae ti kap.

Hosea 1:11

Ke ame he ka ûkhacaköu je lakon Juda, me je lakon Isaraela, ke adre me he ka otilâ hobi kodra ke taben a khaca, ke adre me he ka he but ûnyi hnyi hnyei: anyin ame he ka bong ae gan bong bongu Jezerela.

Hosea 3:5

me hwaban e ame he lakon Isaraela ka hmetu me elom Iehova Khongudrin, me Davita a tuhödra; me adre me he ka o me outö Iehova me anyin so hnyi je bong a biliny.

Amosa 9:11

Hnyi bong eling oge me he bi ka hai uma menâ umo Davita a ta, me okhötâ hmetu je dok ae hmouca hnyin; ke oge me he ka otilâ je ke keihen a amam but, me op hmeto e helâ me hnyi je bong ehac;

Mika 5:3

Anyin a wale e ame he ka hnʼ ödra, ke ne o but ûen ame he ka hnokoâ hnen momo ame vec hnyekon: me ame he ka hmetu je kolon a je liamekeiny më ka lakon Isaraela.

Zakaria 3:8

Josua at bihut ae nua lö, long ju walang ang, u me lahanâm tavat adre me tot hnyi hnyimâkâm; anyin a ödra tavat me hnân haten: anyin a wâ bi, oge me he ka oâ athnyabaik wale Khûen.

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

Mataio 2:2

ke haingödrin, ka habe, Ewa at adre hnokoâ me Tuhan at Juda? anyin a ohmun e wâ but jimeyö anyin okhû, ke ohmun e o but he ka khudrung kâu.

Ioane 1:45

Filipo ame ō Nathaniela, me e ame ha kâu, ka habe, Ohmun e wâ but hna sihnalimen hnö Mose hnyi hnanyibu me ta je perofeta minya, wale Iesu at Nazareta, nöku Josefa.

Ioane 1:49

Haba Nathaniela ame thu kâu, ka habe, Kabi, u thibi Nokon Khong; u thibi Than Isaraela.

I. Korinito 1:30

Ke ûnyi gan öbun hnyi Keriso Iesu, at adre wia köta ûnyi ge Khong hnân metâ, me hwakecin ae wisa, me kap, me hnân möt:

Heberu 8:8

Anyin a e ame haikongu ödra me ha, ka habe Haingen Than, ka habe, Wâ bi ame he ka o ta je bong, Me oge me he ka ânyâ ûhihinyköu ae teb ûnyi me lap anyin Isaraela me lap auyin Juda;

Hna Omanenâ 19:11

Ke oge me wâ drany adre khong; ke wâ bi hors ae hau, ke haba li ien at ame tabâ e me Wisa me Hnathu; ke e ame hnei me vat hnyi hwakecin ae wisa.