Jeremia 23:4 - Iaai Bible 1901 (New Caledonia)

⁴ Ke oge me he ka otilâ hudrin tavat tuö mamoe, he ka ha ö ʼdra: ke adre me ca he hmetu ka ot, me hlohlo, me hia, haingö Iehova.

Jeremia 23:4 ပူးပေါင်းရင်းမြစ်များ

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Jeremia 30:10

Anyin a wale Jekob lö, athnyabaik, ca ot, haingö Iehova; ke Isaraela lö, ca hlohlo bi: anyin a wâ bi, oge me he ka omeli u ûnyi hnyi dok ae sâkâû, me je mâtrânâm ûnyi hnyi hnyei waleji adre hwenbʼ ödra hnyin; ke ame he Jekob ka hmetu me menâ, me laba hnahic, ke ba at ame he ka ootâ e.

Jeremia 31:10

Je hnyēi lö, löng ju hofuc ho Iehova, ke haimemenâ thö e hnyi je bomene ae sâkâû: me ha, ka habe, Haba at ame ovesei Isaraela ame he ka ûkhacaköu ödra hmetu, me tuʼ ödra, helâ me at ame tuö haleny hnahat mamoe.

Jeremia 33:26

awe, oge me he ka hna degecâ je mâtrâni Jekob, me Davita athnyabaik, mʼ oge me ca he ka hom unyin je mâtrâniny hnân muso je mâtrâni Aberahama, me Isaaka, me Jekob: anyin oge me he ka ohmetu ödra ûhedra hnyi hna bâ, me betenge gadra.

Ezekiela 36:11

ke oge me he ka osehia tavat me meno unyibun; ke adre me he ka osehia me si: ke oge me he ka olabʼ öbun helâ me bongubun ehac, me ânyâ gan hmâ so köbun hon ehac a bânʼ me öbun e he ka wâ a inya Iehova.

Levitiko 26:9

Ke oge me he ka ogânʼ öbun me osiâ me osehiʼ öbun; me ohmâ anyik ûbihinyköu möbun.

Mika 4:4

Ke adre me he ka ve laba hmelen haledra je vine me hmelen haledra je imeta; ke ba at ame he ka ooti ödra: anyin a hia but ha hnen hnyimö Iehova tuhan sabaoth.

Mika 5:2

Ke haba u Bethe-leema Eferatha, a at ae ûhnyûkong unyin ta je thauzan hnyi Juda, me ame he ka o hobi könya ûnyi gam at musi hnyi Isaraela; at ame he ehele hwân kâû adrem, ke nyiele balua.

Mika 7:14

Han ju lakem ge ânyâm uci, wale hnahat mamoe a jekhom, wale hnyat adre me hake laba hnyi hnyot hnyi wanben Karemela: e so adre me he ka an tot hmetu hnyi Basana me Gileada helâ me hnyi je bong kâû adrem.

Zefania 3:13

Ke ame ca he je kolon! hnyi Isaraela ka ânyâ hulö me ha thoi; kʼ adre me ca he ka wâ hnyi je hnyimödra bohmen ae iyawö; anyin adre me he ka han me mokut, ke ba at ame he ka ooti ödra.

Numera 31:49

ke ödrin e ha kö Mose, ka habe, Ohmun je lathnyabaem, ohmun e aû ûseiny tavat vat unyihmun, me ca hia ke at gahmun.

Ioane 17:12

Oge tuʼ ödrin hnyi iâm, waleji ke tiga inya unyidrin, hnyat u je ham könya: ke oge tuʼ ödrin me ba ke at gadrin ae hia, ke aten thiju hnaûhango; me me hwâdâ hna sihnalimen.

Ioane 18:9

me me hwâdâ hofuc e ame ha, ka habe, E ca hia ke at gadra u je ham könya.

I. Peteru 1:5

kʼ adre me tuʼ öbun hnen man maniny Khong deny labageju ka hnyi möt adre me penapena he ka omanenâ hnyi ûen a biliny.