Jeremia 23:39 - Iaai Bible 1901 (New Caledonia)

³⁹ anyin a wale oge me he ka ti hnying öbun, ke oge me he ka obâ degeci öbun ûnyik, öbun, me taun, waleji oge ham köbun me lakamöbun:

Jeremia 23:39 ပူးပေါင်းရင်းမြစ်များ

Genese 4:16

Ke Kaina ame he but ûheny hnyi hnyimakö Iehova, me laba hnyi hnyei Noda, Edena ke e deiö.

Genese 6:17

Ke wâ bi, inya oge me he ka oûkhutukhavâ hmeledrany ge uoû, me me he ka ohia unyin hia ae hu hnyin homenâiny möt ûnyi eang hmelen; kʼ ame he ka mokcu ta je ûnyi hia thithö eang hmelen.

II. Je Than 23:27

Ke haba Iehova ame ha, ka habe, Oge me he ka hom Juda ûnyi hnyi hnyimakök, helâ me hnok hna hom Isaraela, ke oge me he ka degec taun ang oge ûca wale Jerusalema, me uma wale oge ha gan, ka habe, Ame he ka hnen e iök.

Salamo 51:11

Ca digic nya bi hnyi hnyimâkâm; Ke ca hom bi gak hanom ae kap.

Ta je Vejec 13:13

Haba at ame hûkötiâ hofuc, me ame okongoâ e bi: Ke ame he ka hu troban ge at ame outen hnanyibu.

Isaia 48:15

Inya, inya at ame ha; eke, oge hia but hawâ e: oge hia but hom e, ke e ame bi sot hnyi deny bi gethen.

Isaia 51:12

Inya, inya at ame otubweli öbun: u ia, at ame outen at ame he ka mok, ke nokon at adre me he ka wia me me ûcû me hna önying:

Jeremia 12:7

Oge hia but hna umök uma, oge hia but hna degecâ ik hnyei; oge hia but hna oûnykûmik ka hnyi hnyamen je iwahnaihmiony më.

Jeremia 23:33

Ke e ka he ka hnei u hnen tavat ang, ame ne perofeta, ame ne at bihut me ha, ka habe, Ieû hok ûnyi ga Iehova? me u me he ka thu kodra, ka habe, Ie hok? Oge me he ka hna degeci öbun, haingö Iehova.

Jeremia 23:38

Ke öbun e ha, ka habe, Hok ûnyi ga Iehova; awe, walang hna ha hnö Iehova, ka habe, Can hnobun hna ha hofuc ang, ka habe, Hok ûnyi ga Iehova, ke so bi, oge ûkhûnöng köbun mʼ öbun e ca he ka ha, ka habe, Hok ûnyi ga Iehova:

Jeremia 35:17

anyin a wale walang hna ha hnö Iehova Khongon sabaoth, Khongu Isaraela, ka habe, Wâ bi, oge me he ka oâ ka at Juda, me aten Jerusalema, hia ta je ûnyi ae kong waleji oge ha gadra: anyin a oge hia but fuc ködra ke adre me ca löng bi: ke oge hia but hongot ködra ke adre me ca ieû bi.

Jeremia 36:31

Ke oge me he ka bi hwaban kâu, me je mâtrâniny, me je athynabainy, can hwakecidra ae kong: ke oge me he ka oâ kodra me aten Jerusalema, me at Juda ta je ûnyi hia ae kong waleji oge ha gadra, ke adre me ca löng bi.

Jeremia 52:3

Anyin a can hmonyin anyi Iehova adre me ânyâ ka Jerusalema me Juda ke ne o but ame digic ödra hnyi hnyimakan: ke haba Zedekia ame ûkhin fuc ka than Babulona.

Jeremia 7:14

anyin a wale oge me he ka ânyâ ka uma wale adre ip hon iök waleji öbun e labageju kâu, me ka hnyi dok waleji oge ham köbun me lakamöbun helâ me hnok hna ânyâ ka Silo.

Jeremia 7:15

Ke oge me he ka digic öbun ûnyi hnyi hnyimakök, helâji me hnok hna degec je liamekeiny möbun hia, je mâtrâni Eferaima hia.

Je tenge anyi Jeremi 5:20

Anyin a ieû u je hnying ohmun bala, Me hnʼ ohmun hnyi je bong helâe, ae se hia hmonyin?

Ezekiela 34:11

Ke walang hna ha hnen Than Iehova, ka habe, Wâ bi, hamök he ka elâm hnok hnahat mamoe me elelâm.

Ezekiela 34:20

Anyin a wale, walang hna ha hnen Than Iehova, ka habe, hamök a walonya ang, he ka owisa je meno ae pipikhenya me je meno ae delâ.

Ezekiela 5:8

anyin a wale, walang hna ha hnen Than Iehova, ka habe, Wâ bi, e ve inya möu, a inya; ke oge me he ka ti bi hwaban köu eû hnyi wanbâm hnyi hnyimakan ta je hnyei.

Ezekiela 6:3

ma ha, ka habe, Je buceniny Isaraela lö, long ju hofuc hwan Than Iehova, ka habe, Walang hna ha hnen Than Iehova, ka je bucen, me je hut, me je wadeny köiö, me je hnyigöuleny bucen, ka habe, Wâ bi, inya oge me he ka oâ köbun hele vat, ke oge me he ka ohia anyibun je dok ae gorany.

Ezekiela 8:18

Anyin a wale oge me he bi nya ka huliwa hnyi hmonyin: oge me ca he ka hok hnyok, me betenge: eja ke ne adre ne hongot hwege göranyai ka hyni li hnyikönyök, oge me ca he ka ling ödra.

Ezekiela 9:6

hlingâ degecâ but wahingat me wahidröu, me wahlu, me wanakat, me omomo: ke ca he ka hakekenyâ ke at ae hu haten; ke hwân dö hnyi anyik dok ae kap. Me adre me hwân ge wahingat hnyi hnyimakan uma.

Hosea 4:6

Adre me ohia lakeik anyin ae ba wâhmakhmeto: anyin a u je hia but hna degecâ wâhmakhmeto, awe, oge me he bi nya ka hna degeci u, inʼ u me ca at bihut könya: anyin a u je hnying hnanyibu anyin Khongom, me oge me he bi nya ka hnying lakom.

Hosea 5:14

Anyin a oge me he ka helâ me liona ka Eferaima, ke helâ me nak liona ka lap anyi Juda: haba inya me oge me he ka oloû kia me he but; oge me he ka hom, ke ba at ame he ka hûgûnâ.

Levitiko 26:28

me oge me he bi nya ka hna degeci öbun hnyi hmönyin: ke oge me he minya ka oseven kuc öbun can anyibun je hulö.

Mataio 25:41

Ke e ame he ka ha kodra hnyi ke keihen a meny, ka habe, Ûsâkâûö but mönya, öbun tavat ae hnaûhango ka hnyi meic ame ca mok balua, waleji adre penapena hobi kö diabolo me anyin ta je angela:

Deuteronomi 32:39

Wâ bi walang ang, a inya but ang, Ke ba ke khong unyik: Oge me hlingâ, ke oge me omelö; Oge hia but oâtâ, ke oge me ometo: Ke ba at ae khana he ka hûgûnâ ûnyi hnyi hnyamok.

II. Thesalonika. 1:9

tavat adre me he ka kap hwaban, wale hnaûhango ame ca ba balua ûnyi hnyi hnyimakan Than me hmanenanginy maniny man,