Jeremia 23:36 - Iaai Bible 1901 (New Caledonia)

³⁶ Ke ca he hmetu öbun ka ha hok ûnyi ga Iehova: anyin a haba ve ifucin tavat wale honödra bi je hok; anyin a öbun e hia but ohavâ hofuc hwan Khong ae mot, Iehova tuhan sabaoth Khonguta.

Jeremia 23:36 ပူးပေါင်းရင်းမြစ်များ

II. Je Than 19:4

Ame ne he Iehova Khongom ka long la je hofuc hia ho Rabesake, wale a kunâ than Asuria a tuhan he ka haikongoâ Khong ae möt, ke e ame he ka thawâ je hofuc a long Iehova Khongom: anyin a wale hic dö hobi kâu je kolon.

Salamo 12:3

Ame he Iehova ka subâ degecâ ta je esongot hia ae ûtakû, Me bohmen minya ame fuc bi gan:

Salamo 120:3

Bohmen ae iyawö lö, Ieû adre me he ka ham köu, ke ie ke ûnyi minya adre me he ka ânyâ köu?

Salamo 149:9

He ka ânyâ hnyi wanbödra hna owisa adre sihnalimen: Wale hna ogânâ hobi kâu anyin wakap hia thithö. Oganö Ja thʼ öbun.

Salamo 64:8

Helâe adre me he ka ta, ke e kong bi je bohmödra bi kodra. Adre me he tavat hia adre me ö ʼdra ka nyinyikâ je bödra.

Ta je Vejec 17:20

Haba at ame hnyok ae hwali me ame ca he ka wâ so: Ke haba at ame hwihwiö ge bohmen, me ame he ka ta ka hnyi ûokonguny.

Isaia 28:22

Ke walang ang ca he öbun ka hlumö at, wâ adre nye ohmâ je hna cʼ öbun: anyin a oge hia but long ûnyi ge Than, Iehova tuhan sabaoth, a gʼ ame ip hmâ he ka ohia hnyi hmeledrany hia.

Isaia 3:8

Anyin ame hangâ but Jerusalema, ke Juda ame ü: anyin ae iwahnaihmiony me Iehova je bohmödra me anyidra je huliwa, he ka ohinyâ li emakan ae hmanenang.

Jeremia 10:10

Ke Iehova Khong ae hnathu, e thibi Khong ae mot, me Than nyiele balua: ame öbubuny hmeledrany hnyi anyin hmonyin, ke ca khana ta je hnyei ka tot hmâ hnyi anyin wathethot.

Jeremia 23:37

U me he ka ha helâng ka je perofeta, Ra habe, Ieû hna thu hnö Iehova köu? ke ieû hnen hna ha?

Je tenge anyi Jeremi 2:14

Ânyâm je perofeta adre hia but wâ hobi köu ta je hna omanenâ ae ûnyi baû me monu; Ke adre me ca omanenâ bi hwakecâm ae monu, he ka ohmetu u ûhem hnyi hna bâ: Ke adre hia but wâ hobi köu je hok ae thoi me hnân omono.

Mataio 12:36

Ke inya oge me ha köbun, a haba ta je hofuc baû hia ame ha hnen at, me adre me he ka ha hmetu hnyi bong owisa.

Luka 19:22

Ke e ame ha kâu, ka habe, U athnyaba ae monu lö, ûnyi hnyi hnyimâm oge me he ka hangö u. E khanö u a iny at û, me hom but ûnyi oge ca ip, me meno hnok hna ca tā;

Ta je huliwa 14:15

ka habe, je than lö, ieû gabun öbun e ânyâ je ûnyi e? Ohmu li at ang helâ me öbun, öhme hom köbun ûthumetu ae so, mʼ öbun e he ka hna degecâ ta je ûnyi e ae ûuyi baû, me hwio ka Khong ae möt, at a op drany me hmeledrany me köiö, me ta je ûnyi hia hnyin:

Galatia 6:5

Anyin ame he tavat hia ka ve hijen honödra ta je hok.

Deuteronomi 5:26

Anyin a ewa at unyin tavat hia ame löng hwan Khong ae möt ame fuc hnyin meic helâ me hnöhmun hna löng, kʼ ame möt bi?

I. Thesalonika 1:9

Anyin a ödra bi adre me haimemenʼ öhmun je bongon ioihmun köbun; me hnobun hna hwio ka Khong ûnyi ge ta je hnatheat, he ka bi athnyaba ka Khong ae möt me hnathu,

II. Peteru 3:16

ke helâe hnyi anyin ta je tusi ame ha hnyin ta je ûnyi e; ke wale thibi e ke je hofuc ae hmak he ka wâ tremângâ, adre wia hnen tavat adre ca nâ me tavat loloâ, helâe minya ke je hna sihnalimen, mʼ adre me ka ohnaûhangʼ ödra bi.

I. Samuela 17:26

Haba Davita ame ha ka tavat adre me tha tot mē, ka habe, Ieû adre me he ka ânyâ ka at, at ame he ka hlingâ at Filisiti e, me ohia hmehma ûnyi ge at Isaraela? anyin a ia at Filisiti ang adre ca peretomonâ, me e ame he ka humbasö je vat anyin Khong ae möt?

I. Samuela 17:36

Inya athnyabaem oge me kot liona me bea; kʼ ame he at Filisiti ang adre ca peritomonâ ka helâ me ke at gadru, anyin a e ame humbasö je vat anyin Khong ae möt.