Jeremia 23:31 - Iaai Bible 1901 (New Caledonia)

³¹ Wâ bi, ûcûk ta je perofeta, haingö Iehova, tavat adre me fuc ge bohmödra me ha, ka habe, E ame ha.

Jeremia 23:31 ပူးပေါင်းရင်းမြစ်များ

I. Je Than 22:11

Ke haba Zedekia nöku Kenaana ame ânyâ li faoiny meno a fao bi, me ha, ka habe, Walang hna ha hnö Iehova, ka habe, U me he ka hagutâ at Suria ge li ûnyi ang, ke ne o but ame hiʼ ödrin dut.

II. Man Ûlabainy Je Than. 18:5

Me haba than Isaraela ame ûkhacaköuâ ta je perofeta a ödrin foa haded, me ha ködrin, ka habe, Hawa, ohmun e he ka he Ramothe-gileada ai he ka vat, ame ne ba? Me ödrin e ha, ka habe, He thö; kʼ ame he Khong ka hna e ka hnyi hnyamen than.

Isaia 30:10

tavat adre me ha ka tavat wâ, ka habe, Ca wâ ju; me ha ka ta je perofeta, ka habe, Ca omanenâ kohmun wisa, ha bi thö kohmun ûnyi ae menyik, perofeta thö tang iyawo:

Jeremia 23:17

Adre me ha bala bi ka tavat adre me hûkötiö nya, ka habe, Iehova ame ha, ka habe, Öbun e he ka hnahic: ke adre me ha kodra hia thithö tavat adre me hnu hoton hwegien je hnyekudra bi, ka habe, E ba hulo ame he ka o köbun.

Jeremia 23:30

Anyin a wale, wâ bi, ûcûk ta je perofeta, haingö Iehova, tavat adre me ivenâuköuâ hok ta je hofuc.

Jeremia 23:32

Wâ bi, ûcûk ta je perofeta tavat adre me bwi thoi, haingö Iehova, wale tavat adre me ha bi me omono lakeik hnen anyidra ta je thoi, me hwakecidra ae hop: ke oge me ca kunʼ ödra me hûna kodra; ke ame he ka ba troban ka hnyei ang ûnyi gadra, haingö Iehova.

Jeremia 28:15

Me haba Jeremia perofeta ame ha kö Hanania perofeta, ka habe, Hanania lö, long ju walang ang; a ca kunö u Iehova; ke u je olabagejo tavat ang ka hnyi thoi.

Jeremia 28:17

Me ame mokcu Hanania perofeta hnyi huna eling, hnyi tehi a seveniny.

Mika 2:11

Ame ne he ke at wale ame vheno ang me iyawo ka ha thoi, ka habe, Oge me he ka perofeta köu ge waina me grâg; awe, hamen bi he ka perofeta ka tavat ang.

Deuteronomi 18:20

Ke haba perofeta ame he ka ha sheshamökâ ke hofuc hnyi iök, waleji oge me ca hûna kâu he ka ha; kʼ ame ne fuc hnyi ien ke je khong, awe, ame he ka mok perofeta eling.