Jeremia 23:3 - Iaai Bible 1901 (New Caledonia)

³ Ke oge me he ka hawâ kolon halek ta je mamoe ûnyi hnyi ta je hnyei hia waleji oge obʼ ödra ka hnyin, me ohmetu ödra ka hnyi hnyeuledra; ke adre me he ka hnokoâ sehia me ti sehia.

Jeremia 23:3 ပူးပေါင်းရင်းမြစ်များ

Salamo 106:47

Iehova Khonguhmun lö, omeli öhmun, Me ûkhacaköuʼ öhmun dö ûnyi hnyi ta je hnyei, He ka oleâ iâm ae kap, Me ohobeluâ hnyi hna oganö u.

Jeremia 16:15

ke so bi, Kia inya Iehova at ame hom lakon Isaraela ûnyi hnyi hnyei hnyi hwadro, me ûnyi hnyi je hnyei hia waleji e ame obʼ ödra ka hnyin: ke oge me he ka ohmetu ödra ka hnyi idra hnyei, waleji oge ham ka lakamödra.

Jeremia 29:14

Ke öbun e he ka ō nya, haingö Iehova, ke oge me he ka ohmetu öbun ûnyi hnyi hna hwenbâ, ke oge me he ka ûkhacaköu Öbun ûnyi hnyi ta je hnyei hia, me je dok hia, waleji oge obʼ öbun ka hnyin, haingö Iehova; ke oge me he ka ohmetu öbun ka hnyi dok waleji oge hwenbʼ öbun hnyin.

Jeremia 30:10

Anyin a wale Jekob lö, athnyabaik, ca ot, haingö Iehova; ke Isaraela lö, ca hlohlo bi: anyin a wâ bi, oge me he ka omeli u ûnyi hnyi dok ae sâkâû, me je mâtrânâm ûnyi hnyi hnyei waleji adre hwenbʼ ödra hnyin; ke ame he Jekob ka hmetu me menâ, me laba hnahic, ke ba at ame he ka ootâ e.

Jeremia 30:3

Anyin a wâ bi, ame he ka o je bong, haingö Iehova, me oge me he ka ohmeto lakeik a at Isaraela me Juda ûhedra hnyi hna bâ, haingö Iehova: ke oge me he ka ohmetu ödra ka hnyi hnyei, waleji oge ham ka lakamödra, ke adre me he ka hu e.

Jeremia 31:7

Anyin a walang hna ha bnç Iehova, ka habe, Khumöng senyin dö ga Jekob, me hongot dö ge hnyei ae beönua: haimemenâ thö, ogânâ thö, me ha, ka habe, Iehova löomelö thö lakem, a je kolon hnyi Isaraela.

Jeremia 31:8

Wâ bi, oge me he ka hum ödra ûnyi hnyi hnyei hnyi hwadro, me ûkhacaköu ödra ûnyi hnyi je can hmeledrany, tha e mödra je wadröu, me tavat ae kong cadra, me erkin, me momo ame he ka hnokoâ: adre me he ka hmetu kââng, a bunyen ae gan.

Jeremia 32:37

haingen, ka habe, Wâ bi, oge me he ka hlu ödra ûnyi hnyi ta je hnyei hia, waleji oge obʼ ödra ka hnyin hnyi anyik hmonyin, me anyik wathethot, me hmonyin ae gan hmâ; ke oge me he ka ohmetu ödra ka hnyi dok ang, me olaba khötkici ödra:

Jeremia 46:27

Ke haba u Jekob a athnyabaik, ca ot bi, me Isaraela, ca hlohlo bi: anyin a wâ bi oge me he ka omeli u ûnyi hnyi dok ae sâkâû, me je mâtrânâm ûnyi hnyi hnyei waleji oge hum ödra ka hnyin; ke ame he Jekob ka hmetu, me laba so me menâ, ke ba hmetu bi at ame he ka ootâ e.

Jeremia 50:19

Ke oge me he ka ohmetu Isaraela ka hnyi hnyaban; ke e ame he ka han tot hon Karemela me Basana, ke e ame he ka han me sekon hon je hut hnyi Eferaima me Gileada.

Jeremia 8:3

Ke adre me he ka bemok hon bemöt hnen ta je kolon hia anyin lap ang ae kong, waleji adre me tiga laba bi ju hnyi ta je dok oge obʼ ödra ka hnyin, haingö Iehova tuhan sabaoth.

Ezekiela 11:17

Anyin a wale ha thö, ka habe, Walang hna ha hnen Than Iehova, ka habe, Oge me he ka hum öbun ûnyi hnyi je hnyei, me ûkhacaköu öbun ûnyi hnyi je hnyei waleji adre ovesei öbun ka hnyin, ke oge me he ka ham köbun hnyei Isaraela.

Ezekiela 36:11

ke oge me he ka osehia tavat me meno unyibun; ke adre me he ka osehia me si: ke oge me he ka olabʼ öbun helâ me bongubun ehac, me ânyâ gan hmâ so köbun hon ehac a bânʼ me öbun e he ka wâ a inya Iehova.

Ezekiela 36:24

Anyin a oge me he ka hum öbun unyin tavat, me ûkhacaköu öbun ûnyi hnyi je hnyei hia, me hum öbun ka hnyi ibun.

Ezekiela 36:37

Walang hna ha hnen Than Iehova, ka habe, Can ûnyi e, hamen lap anyi Isaraela he ka elâm unyik, he ka ânyâ hobi kodra; oge me he ka osehiʼ ödra helâ me hnahat mamoe.

Levitiko 26:9

Ke oge me he ka ogânʼ öbun me osiâ me osehiʼ öbun; me ohmâ anyik ûbihinyköu möbun.

Mika 2:12

Jekob lö, oge me he ka ûkhacaköuö u hia; e hnathu oge me he ka ûkhöûnâ je kolon Isaraela; oge me he ka tha ip ödra helâ me je mamoe hnyi Bozera; helâ me hnahat meno hnyi idra utkânâ, adre me he ka mede, anyin ae se hia tavat.

Mika 7:12

Hnyi bong eling adre me he ka o köu ûhedra Asuria ke je tauniny Aigupito, ke ûhedra Aigupito ke ne o but hnyi Wagewe, ke ûhedra hnyi ke köiö ke ne o but hnyi ke köiö, ke ûhedra hnyi ke bucen ke ne o but hnyi ke bucen.