Jeremia 23:29 - Iaai Bible 1901 (New Caledonia)

²⁹ Hawa, e ûcû hok hofuc me meic? haingö Iehova, ke helâ me hama at ame kot omomono kic?

Jeremia 23:29 ပူးပေါင်းရင်းမြစ်များ

Jeremia 20:9

Ke oge me ha, ka habe, Oge me ca he ka hâiâ e, me fuc hmetu hnyi ien, ke haba, e bi û hnyi hnyekuk helâ me meic ae mot, adre hlöng hnyi hnyin je jeiok, ke iny sënyin dut anyin hokhnyok, ke pason.

Jeremia 5:14

Anyin a wale walang hna ha hnö Iehova Khongon sabaoth, ka habe, Anyin a öbun e ha hofuc e, wâ bi, oge me he ka wia hok hofuc hnyi hnyimâm me me meic bi, ke hnyei ang, me me utö, ke e ame he ka ön ödra.

Hosea 6:5

Anyin a wale, oge hia but kucʼ ödra a deny je perofeta; oge hia but hlingʼ ödra ge je ifucin hnyimök: ke ame he but je hna owisa gam helâ me melam.

Luka 24:32

Ke ödru me ûhaköu, ka habe, A ca kahwa bi li oûnykûmitu, waleji hnyi hnen hna ûhnenamö mötu eû hnyi gethen, me hnen hna omanenâ kötu je hna sihnalimen?

Ioane 6:63

Haba at ame omelö, me hanu; ke ca ûnyi hnathu bi unyin: haba ta je hofuc oge hia but ha köbun, wale hanu me möt.

Ta je huliwa 2:3

Me ame manen dut ködrin je bohmen ae vheivhei, ke helâke meic; ke ame ve laba hudrin.

Ta je huliwa 2:37

Adre me long e, me ame dâ but je hnyekudra, me adre me ha kö Peteru me ta je aposetolo, ka habe, Hnyat me lakeiny lo, ieû hanymöhmun he ka ânyâ?

II. Korinito 2:16

haba öhmun me bunen mok ka keihen tavat adre me he ka hnyi mok; ke öhmun bunen möt ka keihen tavat adre me he ka hnyi möt. Ke ie at ae ûcû ka hnyi ta je ûnyi eang?

Heberu 4:12

Anyin ae möt hofuc hwan Khong, me hwege huliwa, me so hwan hon hele vat a lo homakan, ame dâ me subâ luâ but hnyok me hanu, me hna hûjö je jeien unyin me onyen jeien, ke ame ie wâ cicöâ ta je ûnykûme me ta je weny hnyok.

Hna Omanenâ 11:5

Ke a ne he ke at ka beokongu ödru, me ame o but meic ûnyi hnyi li hnyimödru he ka thong je iwahnaihmiony mʼ ödru: ke a ne beokongu ödru hnen ke at, e ûcû he ka hlingâ helâe minya at e.