Jeremia 23:25 - Iaai Bible 1901 (New Caledonia)

²⁵ Oge hia but long waleji ge hna ha hnen ta je perofeta, tavat adre me perofeta thoi hnyi iök me ha, ka habe, Oge hia but bwo, oge hia but bwo.

Jeremia 23:25 ပူးပေါင်းရင်းမြစ်များ

Genese 37:5

Ke Josefa ame bo ke bwi, me e ame thumeto latuhan; me ödrin e hûkötiâ hmönyinâ e.

Genese 37:9

Ke e ame bo hmetu ke bwi, me ha e ka je latuhan, ka habe, Wâ bi, oge bo hmetu ke bwi; ke wâ bi, ame khudrung könya seûnö me tehi me je okhû a libenyita me nua khaca.

Salamo 139:2

U je wâhmakhmeto ûlabaik me ûtilök, U je wâ ûnykûme ûnykûmenök hnyi dok ae sâkâû.

Salamo 139:4

Iehova lö, e ba bi ke hofuc hnyi bohmök, Ke wâ bi, u je wâhmakhmeto hia.

Jeremia 13:27

Oge hia but wâ hwakecâm ae ikiki, wale hnâm je hna bi ûnyi monu, me hwâm hwakuku helâ me hors, me ûganiny hnâm hna bi ûnyi monu hon je dok ae hut hnyi ta hnyei. Ekölö gam Jerusalema! u me ca he ka bo so; ke ne o but kehö?

Jeremia 14:14

Me Iehova ame ha könya, ka habe, Je perofeta adre me perofeta thoi hnyi iök: oge ca kunʼ ödrin, ke oge ca hûna ködrin, ke oge ca fuc ködrin: ödrin e perofeta köbun me omanenâ thoi, me hna bi khong, me ûnyi ae ba onyen, me iyawo eû hnyi je hnyekudrin.

Jeremia 16:17

Anyin a e hnyi hon dedra je gethen hia li emakök: ödra ca iyong hnyi hnyimakök, ke adre ca ikhâlâ gak hwakecidra ae kong.

Jeremia 23:28

Haba perofeta ae hu bwi, me hamen bi he ka ha bwi; ke haba at ae hu gan hok hofuc, hamen he ka ha hnathoâ hok hofuc. Hawa, e ûcû thatûnyin hwit me je wan? haingö Iehova.

Jeremia 23:32

Wâ bi, ûcûk ta je perofeta tavat adre me bwi thoi, haingö Iehova, wale tavat adre me ha bi me omono lakeik hnen anyidra ta je thoi, me hwakecidra ae hop: ke oge me ca kunʼ ödra me hûna kodra; ke ame he ka ba troban ka hnyei ang ûnyi gadra, haingö Iehova.

Jeremia 27:10

anyin adre me perofeta thoi köbun, mʼ adre me he ka oûsâkâûʼ öbun me ibun hnyei; me oge me he ka obʼ öbun me öbun e he ka mok.

Jeremia 27:15

Anyin oge ca kunʼ ödra, haingö Iehova, ke adre me perofeta thoi hnyi iök; waleling me inye he ka obʼ öbun, mʼ öbun e he ka mok, öbun me je perofeta tavat adre me perofeta köbun.

Jeremia 29:23

can anyin ödre hia but ânyâ hwen monu hnyi Isaraela, ke ödre hia but bi ûnyi monu me laâiân lawaedru, ke ödre hia but ha je hofuc ae thoi hnyi iök, waleji oge ca hûna ködru; ke inya at ae khana e, me ohnatho, haingö Iehova.

Jeremia 29:8

Anyin a walang hna ha hnö Iehova tuhan sabaoth, Khongu Isaraela, ka habe, E so he ka ca omonu öbun ge anyibun je perofeta a ödra unyibun, me anyibun tavat bi khong, ke ca long öbun ka ta je bwi, waleji adre bwo hobi köbun.

Jeremia 8:6

Oge me tevehlöng me long, ke adre me ca fuc wisa: e ba at ame ietra anyin hulo me ha, ka habe, Ieû hnok hna ânyâ? ödra hia thithö adre me ve hmetu ka hnyi dedra je gethen, helâ me hors ame ie wadring ka hnyi vat.

Je tenge anyi Jeremi 2:14

Ânyâm je perofeta adre hia but wâ hobi köu ta je hna omanenâ ae ûnyi baû me monu; Ke adre me ca omanenâ bi hwakecâm ae monu, he ka ohmetu u ûhem hnyi hna bâ: Ke adre hia but wâ hobi köu je hok ae thoi me hnân omono.

Ezekiela 22:28

Ke haba je perofetainy adre hia but botru hobi kodra ge dröu ae kong, adre me wâ ûnyi ae ûnyi baû, me bi khong thoi ködrin, me ha, ka habe, Walang hna ha hnen Than Iehova, ke a ca ha bi Iehova.

Joela 2:28

Ke hwaban e, oge me he ka hingâlâ hanuk hon tavat hia thithö; ke ame he lakubun obaga me wahlu ka perofeta, ame he wahingatibun ka bwo je bwi, ame he wahidröu unyibun ka wâ je hna omanenâ:

Zakaria 13:3

Ke ame ne perofeta hmetu ke at, ke ame ne ba kâu hnen kamen me hinyen, a li at ödre hnokoâ, ka habe, U me ca he ka möt; anyin a u me ha thoi hnyi iö Iehova: ke e ka perofeta, me ame he kamen me hinyen a li at ödre hnokoâ ka dâoâ e.

Numera 12:6

Ke e ame ha, ka habe, Löng ju hok hofuc: a ne hu perofeta unyibun, me haba Inya Iehova oge me he ka omanenö nya kâu hnyi hna omanenâ, me fuc kâu hnyi bwi.

Mataio 1:20

Ke e ame tiga ûnykûme ta je ûnyi eling, me wâ bi ame manen dut kâu angela anyin Than hnyi bwi, ame ha,, ka habe, Josefa nöku Davita lö, ca ot he ka hum Maria âiâm; anyin a erkin dut hnen Hanu Kap.

Luka 12:3

Anyin a wale, adre me he ka long hnyi lany, ûnyi öbun e hia but ha hnyi lit; ke adre me he ka khetâ hon je uma hnobun hna ha ka hnyi hnyekönyen hnyin hnyeule.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

Heberu 4:13

Ke ca iyong bi ke unyi adre op hnyi hnyimakan: ke ame ve he thu me manen wia but ta je ûnyi hia thithö ka hnyi li emakan at, wale ate me he ka ve omanenâ kâu hwakecita.

Hna Omanenâ 2:23

Ke oge me he ka hlingâ lakon ge mok; ke ame he ta je ekalesia ka khanʼ ödra, ka habe, inya ang at ame elâm ta je ûnykûme me ta je hnyok: ke oge me he ka ve ham köbun hoton anyibun ta je huliwa.