Jeremia 23:24 - Iaai Bible 1901 (New Caledonia)

²⁴ E hu at ama ikhölö hnyi dok ae iyong ke oge me ca he ka wâ? haingö Iehova. Hawa, e ca unöngöt drany me hmeledrany gak? haingö Iehova.

Jeremia 23:24 ပူးပေါင်းရင်းမြစ်များ

Genese 16:13

Haba momo ame hwenyi iö Iehova at ame fuc kâu, ka habe, U thibi Khong at ame wâ: anyin a haingen, ka habe, Hawa oge hap wâ ju ang at ame ö nya?

I. Je Than 8:27

Ke hawa, e hnathu ame he Khong ka laba eang hmeledrany? wâ ju, e ca ûcû u drany me dranyin ta je drany; ke e ti ca ûcû u uma eang o ge op

II. Man Ûlabainy Je Than. 2:6

Ke ie at ae khana he ka op uma hobi kâu, anyin ae ca ûcû kâu drany me draniny ta je drany? ke iny ia, me inye he ka op uma hobi kâu, ke so bi he ka leû utö ae bo so thibi hnyi hnyimakan?

II. Man Ûlabainy Je Than. 6:18

Ke hawa, e hnathu ame he Khong ka tha laba me tavat eang hmeledrany? wâ bi, e ca ûcû köu drany me draniny ta je drany; ke ti ca ûcû köu uma ang oge hia but op!

Jobu 34:21

Anyin a li emakan ame wâ je gethen deny at, Ke e ame wâ wia hnen hna okca.

Jobu 34:22

E ba menekholom, ke ba hmenon mok, Me me lubaduöng hnyin tavat adre me ânyâ hulo.

Salamo 10:11

Haingen eû hnyi hnyekon, ka habe, A hnying ut Khong: E ame ikhâlâ hnyimakan; e ame ca he balua ka wâ.

Salamo 139:7

Oge me he ka he kâ ûhek unyin hanom? Ke oge me he ka kec kâ ge hnyimâkâm?

Salamo 139:8

Oge ne he ka ölö ka hnyi drany, me u ling: Ke oge ne ulolo hnok hna mokut hnyi hedis me wâ bi, u bi ling.

Salamo 148:13

E so adre me he ka ogânâ iö Iehova; Anyin ae hake gorany thibi ien: Ethö hon hmeledrany me drany anyin hmanenang.

Salamo 90:8

U je hia but ip anyihmun ta je monu hnyi hnyimâkâm, Me ta je monu gahmun ae iyong hnyi melaminy hnyimâkâm.

Ta je Vejec 15:3

Ka e bi li emakö Iehova hnyi ta je dok hia, E ame wâ so me kong.

Isaia 29:15

Ekölö gadra tavat adre me elâm eû hnyin he ka ikhâlâ ga Iehova anyidra ta je ûhnenamö, ke e bi hnyi menekholom anyidra ta je huliwa, me ha, ka habe, Ia ame ō ʼta? ia ae khana öta?

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Isaia 66:1

WALANG hna ha hnö Iehova, ka habe, Anyik theron drany, ke taben li hnyeûcak hmeledrany: ieû bongon uma öbun e he ka op hobi könya? ke ewa dok oge me he ka menâ hnyin?

Jeremia 16:17

Anyin a e hnyi hon dedra je gethen hia li emakök: ödra ca iyong hnyi hnyimakök, ke adre ca ikhâlâ gak hwakecidra ae kong.

Jeremia 32:19

e beönua hnyi ûhnenamö, me maniny huliwa: at ame wâ ge li emakan ta je gethen hia deny tavat; me me ve ham ka tavat ûnyi ae ûcû me dedra ta je gethen me hoton wan anyidra ta je huliwa:

Jeremia 49:10

Ke oge me öba khauö Esau, oge me khong je dok ae iyong gan, ke e ca khana bi he ka ikhâlâ e: adre me ohia u je mâtrâniny, me je liamekeiny më, me tavat ae hakekeny kâu, ke e ame hia but.

Ezekiela 8:12

Ke e ame ha könya, ka habe, Nokon at lö, hawa u me hia but wâ hna ve ânyâ hnen wahingatiny lap anyi Isaraela hnyi dok ae menekholom hnyi je hnyeuleny je ûhöûcû? anyin adre me ha, ka habe, Ame ca ō ʼta but Iehova; Iehova ame hia but hna degecâ hmeledrany.

Ezekiela 9:9

Me e ame ha könya, ka habe, E ti gan hmâ hulo anyin lap Isaraela me Juda, ke ame unöngötö hnyei ge dra, kʼ ame unöngötö taun ge hna ohwalö je hna owisa: anyin a haingodra, ka habe, Iehova ame hia but hna degecâ hmeledrany, ke ame ca wâ bi Iehova.

Daniela 2:22

e ame omanenâ je ûnyi ae dit ke iyong: e khana ta je ûnyi hnyi menekholom, ke ame tha laba mö lany.

Daniela 4:35

kʼ ame ûnykûme a helâ me thatûnyi tavat adre me labâ hia hmeledrany: ke e ame ânyâ hoton weny unyin je köiöiny drany, ke tavat adre me labâ hmeledrany; ke ba at ame he ka thawâ hnyamen me ba kâu ka habe, Ieû u me ânyâ?

Efeso 1:23

wale unyin, a anyin unöngöt, at ame öunöngötâ hia ge ta je ûnyi hia.

Heberu 4:13

Ke ca iyong bi ke unyi adre op hnyi hnyimakan: ke ame ve he thu me manen wia but ta je ûnyi hia thithö ka hnyi li emakan at, wale ate me he ka ve omanenâ kâu hwakecita.