Jeremia 23:22 - Iaai Bible 1901 (New Caledonia)

²² Ke so bi adre ne hia but mwi hnyi anyik ûhnenamö, awe, adre me he ka olöngâ lakeik ge hok ta je hofuc, me ohmetu ödra ûnyi hnyi dedra je gethen ae kong, me ûkonginy anyidra ta je huliwa.

Jeremia 23:22 ပူးပေါင်းရင်းမြစ်များ

Jeremia 23:14

Ke oge hia but wâ ûnyi ae ikiki unyin je perofeta hnyi Jerusalema; adre me bi ûnyi monu me vheno thoi, ke adre me ohwegiâ je hnyamen tavat ae kong, me me ca ve ödra hmetu hnyi anyidra hulo: ödra hia thithö adre me helâ me at Sodoma könya, ke haba tavat adre me labā e, ödra helâ me Gomora.

Jeremia 23:18

Anyin a ie at a mwi hnyi ûhnenamö anyi Iehova me me khana me long hwan hofuc? ie at ame hia but tevehlöng me long hnok hna ha?

Jeremia 25:5

Haingodra, ka habe, Ve hmetu ju öbun ûnyi hnyi debun ta je gethen ae kong, me ûkonginy anyibun ta je huliwa, me öbun e he ka labā hnyei a ham köbun Iehova, me lakamöbun kâû ehac, ke ne o but nyiele balua:

Jeremia 35:15

Ke oge biâ but minya kunâ köbun je athnyabaik hia a je perofeta, me vesâkong me ûkhûnöng me ha, ka habe, Ve hmetu ju öbun walang ang ûnyi hnyi debun je gethen ae kong, me ânyâwia thö je hwakecibun, ke ca hnu hoton ke je khong he ka bi athnyabaidrin, me öbun e he ka laba hnyi hnyei waleji oge ham köbun me lakamöbun: ke so bi, öbun e ca tevehlöng me ling nya.

Jeremia 36:3

Ame ne he la lap anyi Juda ka löng ge ta je ûnyi hia ae kong waleji oge me ûnykûme he ka ânyâ ködra; mʼ adre me he ka ve hmetu ûnyi hnyi dedra ta je gethen ae kong; mʼ oge me he ka hna anyidra monu me hulo.

Jeremia 9:12

Ie at ae metâ me me wâ ûnykûme e? ke ie at ame ha kâu hnen hnyimö Iehova, me me haimemenâ e? anyin a ieû ame kong ut hnyei adre thong helâ me hnyebuba, me me ba at ama vheno?

Ezekiela 13:22

Anyin a öbun e hia but ovecâ hnyekon at ae wisa ge je thoi, waleji oge me ca ovecâ; me ohwegiâ hnyamen tavat ae kong, me me ca he ka hmetu bi ûnyi hnyi deny gethen ae monu, me me möt:

Ezekiela 13:5

Öbun e ca hia but ölö ka hnyi je dok ae khekhe, ke öbun e ca okhötâ hna up haginy lap anyi Isaraela, me me tot hnyi vat hnyi bong bongu Iehova.

Ezekiela 18:30

Anyin a wale, lap anyi Isaraela lö, oge me he ka ve bi hwaban köbun hoton je hwakecibun, haingen Than Iehova. Hmetu ju, ke hmetu ju öbun ûnyi hnyi anyibun ta je hulo; me me ca he hulo ka hângʼ öbun.

Ezekiela 2:7

Ke u ma he ka ha kodra hok ta je hofuc, kʼ adre me ne he ka long, kʼ ame ne ba: anyin a ödra tavat ûkhiny fuc hmonyin.

Ezekiela 3:17

Nokon at lö, oge hia but otilö u hnân at tue hobi kâu lap anyi Isaraela: anyin a wale long ju hofuc ûnyi hnyi hnyimök, me koû kodra ûnyi gak.

Amosa 3:7

E hnathu ame ca he bi Than Iehova ka ânyâ ke ûnyi a ne ca bân ka omanenâ weny ka je perofeta a je athnyabainy.

Zakaria 1:4

Ca he öbun ka helâ me lakamöbun waleji adre me hongot ka ta je perofeta kâû adrem, me ha, ka habe, Walang hna ha hnö Iehova tuhan sabaoth, ka habe, Hmetu ju öbun walang ang ûnyi hnyi debun ta je gethen ae kong, ke anyibun je huliwa ae kong: ke adre me ca long bi, kʼ adre me ca tevehlöng könya, haingö Iehova.

Malaki 2:6

E hnyi hnyimen hnanyibuiny hnathu, ke adre me ca wâ hwakecin ae kong hnyi esongodiny: e ame tha he mönya hnyi ûsoköu me wisa, me ohmeto tavat ae se hia ûnyi hnyi hulö.

Ta je huliwa 20:27

Anyin oge me ca höcö omanenâ köbun ûnykûmânen hia Khong.

I. Thesalonika 5:6

anyin a wale, ca he öta ka mokut helâ me keihen, ke ate me he ka hmâkâ me metâ but.