Jeremia 23:21 - Iaai Bible 1901 (New Caledonia)

²¹ Oge ca kunâ je perofeta e, ke so bi, adre me wadring: oge ca fuc kodra, ke so bi, adre me perofeta.

Jeremia 23:21 ပူးပေါင်းရင်းမြစ်များ

Isaia 6:8

Ke oge me long ifuci Iehova ame ha, ka habe, Oge me he ka kunö ia, ke ie at ame he ka he hobi kötin? Me oge me ha, ka habe, Inya ang; kunö nya thö.

Jeremia 14:14

Me Iehova ame ha könya, ka habe, Je perofeta adre me perofeta thoi hnyi iök: oge ca kunʼ ödrin, ke oge ca hûna ködrin, ke oge ca fuc ködrin: ödrin e perofeta köbun me omanenâ thoi, me hna bi khong, me ûnyi ae ba onyen, me iyawo eû hnyi je hnyekudrin.

Jeremia 23:32

Wâ bi, ûcûk ta je perofeta tavat adre me bwi thoi, haingö Iehova, wale tavat adre me ha bi me omono lakeik hnen anyidra ta je thoi, me hwakecidra ae hop: ke oge me ca kunʼ ödra me hûna kodra; ke ame he ka ba troban ka hnyei ang ûnyi gadra, haingö Iehova.

Jeremia 27:14

Ke ca löng bi hofuc hwan je perofeta, tavat adre me fuc köbun me ha, ka habe, Öbun e ca he ka bi athnyabainy than Babulona: anyin a ödra adre me perofeta thoi köbun.

Jeremia 27:15

Anyin oge ca kunʼ ödra, haingö Iehova, ke adre me perofeta thoi hnyi iök; waleling me inye he ka obʼ öbun, mʼ öbun e he ka mok, öbun me je perofeta tavat adre me perofeta köbun.

Jeremia 28:15

Me haba Jeremia perofeta ame ha kö Hanania perofeta, ka habe, Hanania lö, long ju walang ang; a ca kunö u Iehova; ke u je olabagejo tavat ang ka hnyi thoi.

Jeremia 29:31

Ûkhûnöng dö ka je bâ hia me ha, ka habe, Walang hna ha hnö Iehova ge Semaia at Nehelami, ka habe, Anyin a Semaia ame perofeta köbun, ke oge ca kunâ, ke e ame olabageju öbun ka hnyi thoi;

Jeremia 29:8

Anyin a walang hna ha hnö Iehova tuhan sabaoth, Khongu Isaraela, ka habe, E so he ka ca omonu öbun ge anyibun je perofeta a ödra unyibun, me anyibun tavat bi khong, ke ca long öbun ka ta je bwi, waleji adre bwo hobi köbun.

Jeremia 29:9

Anyin adre me perofeta thoi köbun hnyi iök: oge ca kunʼ ödra, haingö Iehova.

Ioane 20:21

Me Iesu ame ha hmetu ködrin, ka habe, Hnahic köbun: inya oge me kunʼ öbun helâ me Kamen ame kunö nya.

Ta je huliwa 13:4

A hia but kunʼ ödru hnen Hanu Kap, me ödru me he Selukia ai; me tabâ hu ûhedru e Kupero ai.

Roma 10:15

ke adre me he ka kâmâu ka khet, kʼ adre me ca kunʼ ödra bi? helâ me hna sihnalimen, ka habe, Shaiba ge soiny je li cadra adre me hom je ûthumetu ae so onyen!