Jeremia 23:20 - Iaai Bible 1901 (New Caledonia)

²⁰ Ame ca he ka hmetu hmonyin anyi Iehova, ke ne o but e ame hia but ânyâ, ke ne o but e ame ohwâdâ je ûnykûmenen hnyekon: öbun e he ka ti wâhmakhmeto e hnyi je bong a biliny.

Jeremia 23:20 ပူးပေါင်းရင်းမြစ်များ

Genese 49:1

KE Jekob ame hawâ lakon, me ha, ka habe: Ûkhacaköu thʼ öbun, kʼ oge ame me he ka omanenâ köbun ta je ûnyi he ka o köbun hnyi ta je bong a biliny.

I. Je Than 8:47

ke so bi ödrin e ne ûnykûme hnyi hnyekudrin hnyi hnyei adre hom hwenbʼ ödrin hnyin, me hwio thö, me khöû köu hnyi hnyei iny tavat adre me hwenbʼ ödrin, me ha, ka habe, Ohmun e ânyâ hwakecin ae kong, me hwali, me monu;

II. Je Than 23:26

Ke so bi Iehova ame ca hwio ûnyi hnyi anyin hmonyin ae gan wale e ame hmonyin ka Juda, can ta je hwakecin hia a ânyâ Manase he ka ohmönyinâ e.

II. Je Than 23:27

Ke haba Iehova ame ha, ka habe, Oge me he ka hom Juda ûnyi hnyi hnyimakök, helâ me hnok hna hom Isaraela, ke oge me he ka degec taun ang oge ûca wale Jerusalema, me uma wale oge ha gan, ka habe, Ame he ka hnen e iök.

Ta je Vejec 21:30

E ba metâ, ke ba wâhmakhmeto, Ke ba ûhnenamö, ame vak kö Iehova.

Isaia 14:24

Haba Iehova tuhan sabaoth ame khemanyin, me ha, ka habe, E hnathu ame he ka helâji me hnok hna ûnykûme; ke ame he ka tethmâ helâji me hnok hna ip hmâ hnyi hnyekuk:

Isaia 55:11

ke ame he ka helâe hok hofuc wale ame he but ûnyi hnyi hnyimök: a gʼ ame ca he ka hmetu baû könya, ke so bi, ame he ka ânyâ wek, kʼ ame he bi ka aat hnyi ûnyi oge me kunâ e ka hnyin.

Jeremia 30:24

Ame ca he hmonyin ae hwege anyi Iehova ka hmetu, ke ne o but e ame hia but mâdrâ, me ohwâdâ je ûnykûmenen hnyekon; öbun e he ka wâhmakhmetoâ hnyi je bong a biliny.

Jeremia 4:28

Anyin a wale ame he hmeledrany ka tenge, ke ame he ka khömet ut drany: anyin oge hia but ha, me ûnykûme, ke oge me ca he ka ietra, ke haba khaca oge me ca he ka hmetu ûhek e.

Jeremia 51:12

Otilâ thö haten hon hna up veto hnyi Babulona, ohmâ ju tavat adre me hmâkâ, otilâ thö tavat tue, penapena thö he ka khöu mokut: anyin a Iehova ame ûnykûme me ânyâ, waleji hnen hna ha ge tavat adre me laba hnyi Babulona.

Ezekiela 21:10

e so hwan me me hlingâ; adre khet e me me helâ me hucuce; hawa, ate me he ka senyin? haba uci anyin nokuk ame hûkotiâ ta je ûö hia.

Ezekiela 21:5

ke ame he tavat hia thithö ka wâ a inya Iehova at ame oc ut anyik hele vat ûnyi hnyi tangen, ke e ame ca he bala bi ka hmetu.

Zakaria 1:6

Ke haba hok je hofuc ke anyik je hnanyibu, waleji oge me hûna ka lathnyabaik a je perofeta, hawa, ödrin e ca khaû lakamöbun? me adre me hmetu me ha, ka habe, Haba Iehova tuhan sabaoth ame ûnykûme he ka ânyâ kohmun, hoton dehmun je gethen, ke anyihmun je huliwa, ke helâe e ame hia but ânyâ kohmun.

Deuteronomi 4:30

Ke ka o köu vec, kʼ ame ne aat köu ta je ûnyi hia eling, me u me he ka hmetu kö Iehova Khongom hnyi je bong a biliny, me löng hoton hwan hofuc;