Jeremia 23:2 - Iaai Bible 1901 (New Caledonia)

² Anyin a wale walang hna ha hnö Iehova Khongu Isaraela ge tavat tuö mamoe tavat adre me tuö lakeik, ka habe, Öbun e hia but oveseâ halek je mamoe, me obʼ ödra, me ca senʼ ödra; wâ bi, oge me he ka bi hwaban ûkongon anyibun ta je huliwa, haingö Iehova.

Jeremia 23:2 ပူးပေါင်းရင်းမြစ်များ

Esodo 32:34

Ke he thö walang ang me hom tavat ka hnyi dok waleji oge me ha köu: wâ bi, ame he ka he anyik angela hnyi hnyimâkâm: ke so bi, haba hori bong oge me he ka senâ, me oge me he ka bi hwaban anyidra hulö.

Jeremia 10:21

Anyin a hwakecin dut meno tavat tuö mamoe, me ca elâm bi unyi Iehova; anyin a wale, e ba sot gadra, ke ame vese hia haledra je hna hat mamoe.

Jeremia 11:22

Anyin a wale walang hna ha hnö Iehova tuhan sabaoth, ka habe, Wâ bi, oge me he ka bi hwaban kodra: ame he wahidröu ka mok ge hele vat; ame he lakudra obaga me wahlu ka mok ge hmiâ;

Jeremia 13:17

Ke öbun e ca long, ame he hnyekuk ka tenge hnyi dok ae iyong can anyibun bigan; ke ame he li emakök ka ti tenge, me lup ge deköiök, anyin adre hom bâ hna hat mamoe hale Iehova.

Jeremia 13:20

Bwela thö goranyai me wâ tavat adre me o ûhedra hnyi hwadro: ewa hna hat meno adre ham köu, hna hat halem ae kese?

Jeremia 13:21

Ieû u me he ka ha, e ka he ka otilâ je waem hom hnân bâm, anyin a u je hia but nʼ ödra he ka musi u? hawa, ame ca he ka kot u ge je vec, helâ me momo ame he kahnokoâ?

Jeremia 17:10

Inya Iehova at ame elâm hnyok, oge me cubec ta je hna ûnykûme, he ka ve ham ka tavat hia helâ me dedra ta je gethen, me helâ me wan anyidra ta je huliwa.

Jeremia 21:12

Lap anyi Davita lö, walang hna ha hnö Iehova, ka habe, Ânyâ thö ûnyi ae wisa hnyi hnyomakatu, ke omelo thö at adre söh ûnyi hnyi hnyamen at ûöveci, wâ e nye gâ but anyik hmonyin helâ me meic ame ubâhlâ, ke ba at ama ume, can ûkongon anyibun ta je huliwa.

Jeremia 23:34

Ke haba perofeta, me at bihut, a tavat adre me he ka ha, ka habe, Walang hok ûnyi ga Iehova, awe, oge me he ka bi hwaban ka at eling me anyin lap.

Jeremia 44:22

me me ca khanö Iehova hmetu bi he ka hokhnyokâ ûkongon anyibun ta je huliwa me ta je ûnyi ae ikiki öbun e ânyâ; anyin a wale a hnyot dö ibun hnyei, ke hnân lâiâ, me hnân hangâ, ke ba but at ame labā, helâ me hnyi bong ang.

Jeremia 5:29

Hawa, oge me ca he ka bi hwaban can ta je ûnyi e? haingö Iehova: ke ame ca he bi hanuk ka bi hwaban ka hnyei a helâe?

Jeremia 5:9

Hawa, oge me ca he ka bi hwaban can ta je ûnyi e? haingö Iehova: ke ame ca he hanuk ka bi hwaban ka hnyi hnyei a helâe?

Jeremia 8:12

Hawa, adre me hmehma hwaban hnödra hna ânyâ ûnyi ae ikiki? e ba, ödra ca hmehma bi, ke ca khanʼ ödra bi he ka hmehma: anyin a wale adre me he ka tha ta me tavat adre me ta: hnyi ûen adre me senʼ ödra, adre me he ka haû, haingö Iehova.

Ezekiela 34:5

Ke adre me ovesei ödra anyin ae ba at ame tuö: ke ame ön ödra thö ta je menoiny hnyot, kʼ adre me vese but.

Hosea 2:13

Ke oge me he ka bi hwaban kâu je bong bonginy je Baala, wale e ame leû uto ae bo so hnyin ködrin; ke e ame theibâ e ge je theibeny hnyikonyen me je ohmanenanginy, me hnu hoton je laweny, kʼ ame hnying nya bi, haingö Iehova.

Mika 7:4

Haba tavat ae so gadra, me helâ me ûö ae ûdedö: ke haba tavat ae ti fofâ gadra, me kong hon hak ae ûdedö: e but ang bong bongon tavat adre me tuö u, wale ûen he ka senö u; adre me he walang ang ka hlöhlö.

Zakaria 10:3

Ame ubâhlâ thö anyik hmonyin ka tavat tuö mamoe, ke oge me he ka bi hwaban ka je got baga: anyin a hia but Iehova tuhan sabaoth senâ hnahat haleny wale a lap anyi Juda, ke e ame he ka wiʼ ödra helâ me haleny je hors ae mec hnyi vat.

Zakaria 11:16

Anyin a wâ bi, oge me he ka oâ at ame tuö mamoe hnyi hnyei, at ame ca he ka senʼ ödra wale adre subâ degecâ, ke e ame ca he ka elâm je mamoe adre ve se but, me ometo je aat; ke e ame ca he ka han je mamoe ae hwege, ke e ame he ka an viny ae pipikhenya, me kia amemâ je boûjimödrin.

Mataio 25:36

oge me he thu, mʼ öbun e okhaûo nya: oge me mok, mʼ öbun e senö nya: ke inya hnyin uma ceat, mʼ öbun e o thö könya.

Mataio 25:43

iny atkanyua, kʼ öbun e ca hawo nya; oge me he thu, kʼ öbun e ca okhaûo nya; oge me mok, ke oge me laba hnyi uma ceat, kʼ öbun e ca senö nya.

Iakobo 1:27

Walang hwakecin hmi ae kalaöt me ba hnyikongon hnyi hnyimakan Khong a Kamen, ka habe, he ka senâ je nakahme me je safac hnyi anyidra vec, me hamen he ka tuö e, me me ca hu hnyikongon hnen hmeledrany.