Jeremia 23:19 - Iaai Bible 1901 (New Caledonia)

¹⁹ Wâ bi, ame o but weneû anyi Iehova, wale anyin hmönyin, eke, weneû ame khenyo: e ame he hwege hon ban tavat ae kong.

Jeremia 23:19 ပူးပေါင်းရင်းမြစ်များ

Salamo 58:9

E tiga ca long bi hnen anyibun je öt je angö, Me e ame he ka tûâ degecâ e ge höu, ame ne hât ame ne möt.

Ta je Vejec 1:27

E ka o köbun ot helâ me weneû, E ka o köbun vec helâ me hou; E ka o köbun vec me hmak.

Ta je Vejec 10:25

E ka o hou, me ame he ka hia at ae kong: Ke hu taben nyiele balua at ae wisa.

Isaia 21:1

HOK honen hnyebubainy köiö. E ame o but ûheny hnyi hnyebuba, ûnyi hnyi hnyei adre outen, helâ me hou ame tûâ ûheny hnyi hwaiöu.

Isaia 40:24

Eke, adre me tiga ca te ödra, kʼ adre me tiga ca konim ödra; eke e tiga ca hu wân anyidra hnyiban eû hnyi kânâ; me e ame tûʼ ödra, me adre me meleca thö, ke haba weneû ame tûâ degeci ödra helâ me thatûnyin hwit.

Jeremia 25:31

Ame he ka o mede ke ne o but hnyi can hmeledrany: anyin ae hu ivino anyi Iehova me ta je hnyei, e ame he ka ûhnei me tavat hia: ke haba tavat ae kong, e ame he ka hnʼ ödra ka hnyi hele vat, haingö Iehova.

Jeremia 25:32

Walang hna ha hnö Iehova tuhan sabaoth, ka habe, Wâ bi, ame he ka he ûokonguny ûnyi hnyi ke hnyei ka hnyi ke hnyei, ke ame he ka o weneû ae gan ûnyi hnyi can hmeledrany.

Jeremia 30:23

Wâ bi weneû anyi Iehova wale anyin wathethot ame he thö, a weneû at ame aba: e ame he ka hwâdâ hon ban tavat ae kong.

Jeremia 30:24

Ame ca he hmonyin ae hwege anyi Iehova ka hmetu, ke ne o but e ame hia but mâdrâ, me ohwâdâ je ûnykûmenen hnyekon; öbun e he ka wâhmakhmetoâ hnyi je bong a biliny.

Jeremia 4:11

Hnyi ûen e, adre me he ka ha ka tavat ang me Jerusalema, ka habe, Ang ae kahwa ûnyi ethö je dok ae ba leûnen hnyi hnyebuba cicö hluiny ik hnyei, ca hnân ulec me ânyâwia;

Jeremia 51:1

WALANG hna ha hnö Iehova, ka habe, Wâ bi oge me oâ ûcon Babulona, me ûcon tavat adre me laba hnyi Leb-kamai, ang at ame ohia.

Ezekiela 1:4

Ke oge me bwele me wâ hou ame o ûheny hnyi hwadro, ke ûlâ ae gan, me meic ame gâ khenyi tot, ke e hadröngöc igigilo, ke eû hnyin e helâ me makan bras, ame hlâ ûnyi hnyi hnyin meic.

Ezekiela 13:13

Anyin a wale, walang hna ha hnen Than Iehova, ka habe, Oge me he bi nya ka kia e ge weneû hnyi anyik wathethot; ke ame he ka gan we hnyi anyik hmonyin, me je veto we wahma hnyi wathethot he ka ohia e.

Amosa 1:14

ke oge me he ka hû meic hnyi hna up haginy Raba, ke e ame he ka thong degecâ je uma umen than hnyin e, me kuku hwege hnyi bonginy vat, me weneû hnyi bonginy hou:

Zakaria 7:14

ke oge me he ka ovesei ödra ge höu ka hnyi je hnyei hia waleji ae ca khanʼ ödra. Me ba wan hnyei hwabödra, ke ba at ame he ehele me hmetu: anyin adre me öba wan hnyei ae hmanenang.

Zakaria 9:14

Ke ame he Iehova ka manen hudrin, ke ame he anyin fana ka gâ helâ me hucuce: ke ame he Than Iehova ka tûâ trutru, me he hnyi je höu ûheny hnyi hwaiöu.