Jeremia 23:11 - Iaai Bible 1901 (New Caledonia)

¹¹ Anyin ame bi gan je perofeta me tavat bihut, eke, oge hia but wâ anyidra hulo hnyi umök uma, haingö Iehova.

Jeremia 23:11 ပူးပေါင်းရင်းမြစ်များ

II. Man Ûlabainy Je Than. 33:5

E ame op minya je taben hut hobi kâu ta je ûnyi hia hnyi drany hnyi li hnyeuleny uma umö Iehova.

II. Man Ûlabainy Je Than. 33:7

Ke haba idola adre theatâ wale e ame ânyâ, me e ame otilâ hnyi uma umen Khong, waleji a ha gan Khong kö Davita me Solomona a nokon, ka habe, Haba hnyi uma eang me hnyi Jerusalema wale o ge ûca ûnyi hnyi ta je tribu hia anyin at Isaraela, oge me he ka ip iök hnyin nyiele balua:

II. Man Ûlabainy Je Than. 36:14

Khaca haba ta je taben tavat bihut hia, me tavat, ödrin e ânyâ hwegiâ monu, hoton hwakecin ae ikiki anyin je wanaithila; me ödrin e oikikiâ uma umö Iehova waleji e ame hia but okabâ hnyi Jerusalema.

Ezera 10:18

Ke ödrin e wâ ke je lakon tavat bihut, tavat hok momo kanyua: wale ke je laku Jesua nöku Jozadaka, me je liamekeiny mē, jia Maseia, me Eliezera, me Jarib, me Gedelia.

Jeremia 11:15

Ieû ame ânyâ oûnykûmik eang hnyi umök uma, anyin a e ame hia but bi ûnyi monu me tavat ae se, ke a he but gam utiö ae kap? hnyi ûen u je ânyâ ûnyi ae kong u me senyin bi.

Jeremia 23:15

Anyin a wale, walang hna ha hnö Iehova tuhan sabaoth ge je perofeta, ka habe, Wâ bi, oge me he ka ha ö ʼdra ge khöhlöng me habelidra ge köiö hnân mekiny: anyin ame o but bi gan ka hnyi hnyei hia ûnyi ge je perofeta hnyi Jerusalema.

Jeremia 32:34

Ke adre me otilâ je ûnyi ae ikiki hnyi uma waleji adre wenyö kâu iök, me adre me okongoâ e.

Jeremia 5:31

je perofeta adre me profeta thoi, ke haba tavat bihut me adre me musi ûnyi gadra bi; ke adre me weny helâe hnen lakeik: ke ieû öbun e he ka ânyâ hnyi obiny e?

Jeremia 50:6

Haba je lakeik a hia but helâ me je mamoe a hia, a omonu ödra hnen tavat tuʼ ödra, adre hia but hna degeci ödra hon je bucen: adre me he monu hon je bucen me je hut, adre hnying ut hnödra hna menâ.

Jeremia 6:13

Anyin a hwân ge tavat ae ûhnyûkong gadra, ke ne o but ge tavat ae gan gadra, ödra hia thithö adre me behnyekudra omjeû; ke hwân ge ta je perofeta ke ne o but ka tavat bihut adre me ânyâ thoi.

Jeremia 7:30

Anyin a ânyâ ûnyi ae kong hnen lakon Juda hnyi hnyimakök, haingö Iehova: adre hia but ip anyidra ta je ûnyi ae ikiki hnyi hnyin uma waleji oge ip iök hon, mʼ adre me okongoâ e.

Jeremia 8:10

Anyin a wale oge me he ka ham je laöiödra ka keihen, me je idra ka keihen he ka labā: anyin a hwân ge tavat ae ûhnyûkong, ke ne o but ka tavat ae gan ödra hia thithö adre me behnyekudra omjeû, hwân ge tavat perofeta, ke ne o but ka tavat bihut, ödra hia thithö adre me huliwa iyawo.

Je tenge anyi Jeremi 2:20

Iehova lö, wâ ju, me ûnykûme ju waleji ge hnâm hna ânyâ e kâu! Hawa, ame he ka he bi je momo ka an ta je troban gadra, a je lakudra adre bwebwelâ hnyi li hnyamödra? Hawa, adre me he ka hlingâ at bihut me perofeta hnyi dok ae kap anyin Than?

Ezekiela 23:39

Ke ödru ka hia but hlingâ je lakudru hobi kâu anyidru je idola, me ödru me he ka hnyi anyik dok ae kap waleji hnyi bong eling he ka okongoâ e; ke wâ bi, adre hia but ânyâ helâe hnyi umök uma.

Ezekiela 44:10

Ke haba at Levi waleji adre me ûsâkâûö mönya, hnyi hna he monu hnen at Isaraela, waleji ame he monu gak ka anyidra je idola; me ame ka he bi ka takû ödra anyidra hulo.

Ezekiela 7:20

Ke haba mecin anyin hmanenang, e ame otilâ e hnyi bongon than: ke adre me otilâ bi je idola ae ikiki me hnân hûkotiâ hnyin e: anyin a wale oge hia but hna e kodra hnân ûnyi ae ikiki.

Ezekiela 8:11

Ke ame tot hnyi hnyimakan ta je ûnyi e tavat a sevente hanen wahingatiny lap anyi Isaraela, ke ame tot Jazania nöku Safana hnyi wanbödrin, ke ve hu taben meic hnyi je hnyamödrin; ke ame sâ göranyai hai ae gan hmâ a hainy utö ae bo so.

Ezekiela 8:16

Me e ame hum nya ka hnyi hnyeuleny uma umö Iehova eiö hnyin, ke wâ bi, hnyi hwanumen uma umö Iehova, wanben poretiko me taben hut, helâke me twente faiv tavat adre me hotudra ka hnyi uma umö Iehova, me hnyimakodra deiö; ke adre me khudrung deiö ka seûno.

Zefania 3:3

Haba anyin je taben unyin, me helâ me je liona ame kuku; anyin bi tavat owisa, me helâ me je luko adre o hnyi sahac; adre me ca hna kolon bi hobi kâu nyi.

Zefania 3:4

Tavat hop me iyawö anyin je perofeta: a hia but anyin tavat bihut okongoâ dok ae kap, adre hia but hanyâûâ hnanyibu.