Jeremia 23:1 - Iaai Bible 1901 (New Caledonia)

¹ EKÖLÖ ge tavat tuö mamoe, tavat adre me ohia me oveseâ je mamoe oge me hat! haingö Iehova.

Jeremia 23:1 ပူးပေါင်းရင်းမြစ်များ

Jeremia 10:21

Anyin a hwakecin dut meno tavat tuö mamoe, me ca elâm bi unyi Iehova; anyin a wale, e ba sot gadra, ke ame vese hia haledra je hna hat mamoe.

Jeremia 12:10

Haba tavat tuö mamoe ae se hia, adre hia but ohia ik hnyei vine, adre hia but ututo jekhöûk, me wia jekhöûk ae kese hnân hnyebuba ae ba wan.

Jeremia 13:17

Ke öbun e ca long, ame he hnyekuk ka tenge hnyi dok ae iyong can anyibun bigan; ke ame he li emakök ka ti tenge, me lup ge deköiök, anyin adre hom bâ hna hat mamoe hale Iehova.

Jeremia 2:26

Ame hmehma at venöu at ka wâ e, helâe ame he ka hmehma lap anyi Isaraela; walödra e ta je than, me ta je taben, me tavat bihut, me ta je perofeta;

Jeremia 2:8

Haba tavat bihut adre me ca ha ka habe, Ewa Iehova? ke haba tavat adre me huliwan hnanyibu, me ca khanʼ ödra inya; ke haba tavat musi adre me ûkhin fuc mönya, ke haba je perofeta adre me perofeta ga Baala, me hnu hoton ta je ûnyi ae ba troban.

Jeremia 22:22

Adre me he ka han tavat adre me tuö halem ta je mamoe ge ang, ke ame he je oûnykûmâm ka bâ; me u me he ka hmehma me hlohlo can ânyâm ta je monu hia thithö.

Jeremia 23:2

Anyin a wale walang hna ha hnö Iehova Khongu Isaraela ge tavat tuö mamoe tavat adre me tuö lakeik, ka habe, Öbun e hia but oveseâ halek je mamoe, me obʼ ödra, me ca senʼ ödra; wâ bi, oge me he ka bi hwaban ûkongon anyibun ta je huliwa, haingö Iehova.

Jeremia 50:6

Haba je lakeik a hia but helâ me je mamoe a hia, a omonu ödra hnen tavat tuʼ ödra, adre hia but hna degeci ödra hon je bucen: adre me he monu hon je bucen me je hut, adre hnying ut hnödra hna menâ.

Ezekiela 13:3

Walang hna ha hnen Than Iehova, ka habe, Ekölö ge je perofeta ae monu, tavat adre me hnu hoton ta je hnyekudra bi, ke ba ûnyi adre me wâ!

Ezekiela 34:1

KE ame o but könya hofuc ho Iehova ame ha, ka habe,

Ezekiela 34:21

Anyin a öbun e hagutâ ge je vhak me je abeny, me kot tavat ae mok hia ge je faoibun, me öbun e ovesei ödra ehele;

Ezekiela 34:31

Ke haba öbun halek je mamoe, je mamoeiny ta ik, öbun je at, ke inya Khongubun, haingen Than Iehova.

Ezekiela 36:38

Âdre me he ka öunöngotâ je taun wale ae ba wan hnen ta je deö at, helâ me hnahat meno hobi kâu taben bi hut, ke helâ me hnahat meno hnyi Jerusalema hnyi je bijeû adre thu: me adre me he ka wâ a inya Iehova.

Zakaria 10:3

Ame ubâhlâ thö anyik hmonyin ka tavat tuö mamoe, ke oge me he ka bi hwaban ka je got baga: anyin a hia but Iehova tuhan sabaoth senâ hnahat haleny wale a lap anyi Juda, ke e ame he ka wiʼ ödra helâ me haleny je hors ae mec hnyi vat.

Mataio 15:14

Hnʼ ödra but: ödra je hnyat kû gethen kʼ ödra wadröu. Ke a ne lelö wadröu ge ke wadröu, ödru me he ka tha ta eû hnyi hmonop.

Mataio 9:36

Ke e ame wâ tavat ae se hia, me e ame betenge gadra, anyin a ödra sēnyin dut, adre me ve se but, helâ me ta je mamoe e ba at ame tuö.

Ioane 10:10

Ame ca o baû at venöu, ke so bi he ka venöu, me ûhlingö me ohia: oge me o but mʼ adre me he ka hu möt, kʼ adre me he ka hu gânâ.

Ioane 10:12

Ke haba at ame hok hwaban, wale ca at tuö mamoe bi, ke ca haleny minya bi ta je mamoe, haba at eling ame wâ luko ame he jem, me ame hna degecâ but ta je mamoe me kec, me ame ûlû ödra luko, me ovesei ödra:

Ioane 10:8

Haba tavat hia thithö a bodrin, ka bilik bi, ödrin hnyat hok ta ûnyi me venöu: kʼ ame ca ling ödrin but ta je mamoe.