Jeremia 22:26 - Iaai Bible 1901 (New Caledonia)

²⁶ Ke oge me he ka obö u me hinyâm at a hnöku u ka hnyi ke hnyei bi, waleji adre ca hnöku öbun hnyin; ke öbun e he ka mok eling.

Jeremia 22:26 ပူးပေါင်းရင်းမြစ်များ

II. Je Than 24:15

Ke e ame hum Jehoiakin Babulona ai; tha e me hinyen than, me laâiân than, me anyin je eunuka, me je homakan hnyei, e ame hum ödrin a je hwenbâ Babulona ai ûheny Jerusalema.

II. Je Than 24:8

Eitin je hunai Jehoiakin hnyi ûen e ame hwân ka than; ke e ame musi hnyi Jerusalema hnyi kun ta tehi: ke haba ien hinyen me Nehuseta, nöku Elenathana at Jerusalema.

II. Je Than 25:27

Ke haba hnyi huna a thote seveniny bâ a Jehoakin than Juda, hnyi tehi a twelviny, hnyi bong a twente seveniny tehi, me habâ Evile-merodak than Babulona ame ogöranyâ bö Jehoiakin than Juda ûnyi hnyi uma ceat hnyi huna a hwân hnyin he ka musi;

II. Je Than 25:29

Ke e ame ham kâu je ûkhaû a hwaban je ûkhaûen uma ceat, ke e ame hnyi han hnyi hnyimakan bala hnyi ta je bong hia bongon möt.

II. Je Than 25:30

Ke haba jekhon adre me labö ham kâu, me jekhon ûnyi ge than, hnyi ke bong me ke bong ke jekhon, hnyi ta je bonginy hia anyin möt.

Isaia 22:17

Wâ bi, ame he Iehova ka ti khûâ hwegiö u, helâ me at ae hwege; eke, e ame he ka lan hwegiö u.

Jeremia 10:18

Anyin a walang hna ha hnö Iehova, ka habe, Wâ bi, oge me he ka kûlûâ helâke me veto, tavat adre me labā hnyei walang ang, me hom ûhnyûkongu ödra, me me khanʼ ödra thö.

Jeremia 13:18

Ha thö ka than me momo than, ka habe, Öhnyikönʼ öbun ju, ke laba ju: anyin a kolu but anyibu li korona ae mec, wale koronainy anyibun hmanenang.

Jeremia 16:13

anyin a wale oge me he ka obʼ öbun hnyi hnyei ang ka hnyi hnyei ae ca khanʼ öbun, öbun, me je lakamöbun; ke öbun e he ka bi athnyaba eling ka ke je khong hnyi lany me lit; ke oge me ca he ca betenge gabun.

Jeremia 22:27

Ke haba hnyei waleji adre me weny he ka hmetu ka hnyin, adre me ca he ka hmetu ka hnyin.

Jeremia 28:4

ke oge me he ka ohmetu Jekonia nöku Jehoiakima, than Juda ka hnyi dok ang, me ta je bâ hia anyin at Juda, tavat adre me he Babulona ai, haingö Iehova: anyin oge me he ka thamuâ hna ûhûkâlâköuâ anyin than Babulona.

Jeremia 29:2

(hwaban hna he hnö Jekonia than, me momo than, me je eûnuka, me je taben Juda me Jerusalema, me tavat ae metâ huliwa, me tavat leû fao ûhedra Jerusalema;)

Jeremia 44:14

me me! ca he ka kec mot ke at, a kolon at Juda adre me he Aigupito ai he ka labā, me hmetu ka hnyi hnyei Juda wale adre me weny he ka hmetu ka hnyin me laba: anyin adre me ca he bi ka hmetu, ke so thibi hnyat adre me kec mot.