Ke e ame hum Jehoiakin Babulona ai; tha e me hinyen than, me laâiân than, me anyin je eunuka, me je homakan hnyei, e ame hum ödrin a je hwenbâ Babulona ai ûheny Jerusalema.
Eit but je hunai Jehoiakin hnyi ûen e ame hwân ka than; ke e ame musi hnyi Jerusalema hnyi kun ta tehi me ten je bong: ke e ame ânyâ ûnyi ae kong hnyi hnyimakö Iehova.
Ip nya ju eû hnyi hnyekom helâ me hna ohmâ haten, helâ me hna ohmâ haten hnyi benyâm: Anyin ae hmâ ibetengiö helâ me mok; Ke haba ciâ, e ame bevecâ helâ me: erkemok: Haba bâhlân, me helâ me bâhlân meic, A bâhlân bi anyi Ja.
Hawa, kaia kânâ ae hmouca adre me hûkotiâ at ang, wale a Konia? hawa, e kaia a ca hnân senyinâ? anyin a ieû adre digic ödra, e me je mâtrâniny, ke adre obʼ ödra ka hnyi hnyei ae ca khanʼ ödra bi?
Anyin a walang hna ha hnö Iehova ge uma umen than Juda, ka habe, U Gileada könya, ke ban Lebanona: ke so bi, e hnathu, a oge me he ka wiö u me hnân hnyebuba, je taun ae ba aten.
HABA Iehova ame omanenâ könya, ke wâ bi, li tang meta adre ip hnyi hnyimakan uma umö Iehova: hnyi ûen Nebukaneza than Babulona ame hia but hum Jekonia nöku Jehoiakima than Juda, me je taben hnyi Juda, me tavat huliwa me tavat leû fao, ûhedra Jerusalema, me hum ödra Babulona ai.
ke oge me he ka ohmetu Jekonia nöku Jehoiakima, than Juda ka hnyi dok ang, me ta je bâ hia anyin at Juda, tavat adre me he Babulona ai, haingö Iehova: anyin oge me he ka thamuâ hna ûhûkâlâköuâ anyin than Babulona.
(hwaban hna he hnö Jekonia than, me momo than, me je eûnuka, me je taben Juda me Jerusalema, me tavat ae metâ huliwa, me tavat leû fao ûhedra Jerusalema;)
Hnyi bong eling, haingö Iehova tuhan sabaoth, oge me he ka hum u Zerubabela, nöku Sealetiela, athnyabaik, haingö Iehova, me wiö u helâ me ûnyi hnân ohmâ haten: anyin oge hia but ûcö u, haingö Iehova tuhan sabaoth.