Jeremia 22:21 - Iaai Bible 1901 (New Caledonia)

²¹ Oge fuc köu hnyi ânyâm sot, me u me ha, ka habe, Oge me ca he ka löng. Wale hwakecâm kʼ u tiga ûhnyûkong, ke u je ca löng ifucik.

Jeremia 22:21 ပူးပေါင်းရင်းမြစ်များ

II. Man Ûlabainy Je Than. 33:10

Ke haba Iehova ame fuc kö Manase me lakeiny: kʼ ödrin e ca long bi.

Salamo 129:1

E SO ame he Isaraela ka ha, ka habe, Adre hia but osehia oveci nya, hwân kʼ iny tiga hidröu;

Ta je Vejec 30:9

Wâ e nye sekuk dö, me ivino u, me ha, ka habe, Ia Iehova? Ke wâ iny nye theduoc, me venöu, Me ha monoâ ien Khonguk.

Isaia 48:8

Eke, u je ca long; eke, e ca khatö u, eke, adre ca khong li hnyikönyâm hwân ehac: anyin ae khanö nya a u at iyawo gan hmâ, ke u at hanyâûâ hwân hnyi hnyekon hinyâm.

Jeremia 13:10

Haba hnyei ang ae kong, tavat adre me höcö long hok je hofuc, tavat adre me hnu hoton hwegien hnyekudra bi, me he hoton ke je khong bi he ka bi athnyaba ködrin, me khudrung ködrin, adre me he ka ûcû me wen ang, ae ûnyi baû but.

Jeremia 19:15

Walang hna ha hnö Iehova tuhan sabaoth, Khongu Isaraela, ka habe, Wâ bi, oge me he ka oâ ka taun ang me ta je tauniny hia je ûnyi ae kong hia thithö, waleji oge ha gan: anyin adre hia but ohwegiâ je nyidra, me ca löng bi ta je ifucik.

Jeremia 2:25

Tuö ju li cam wâ e nye ba tangen hnyeûcam, me jeköwem wâ e nye beic: ke u je ha, ka habe, E ûnyi baû: e ba; anyin oge hia but betenge ge ta je atkanyua, ke oge me he bala ka hnu hotudra.

Jeremia 2:31

Do lö, wâ ju hofuc ho Iehova. Hawa, oge hia but helâ me hnyebuba ka at Isaraela? ame ne hnyei ae khömet? anyin a ieû ame ha lakeik, ka habe, Ohmun e monu, ohmun e ca he hmetu köu?

Jeremia 25:3

Hwân hnyi huna a thötini Josea nöku Amona than Juda, ke ne o but hnyi bong ang, wale hnyi huna a twente theri, ame o but könya hofuc ho Iehova, me oge hia but ha köbun, me labö vesâ kong me ha, ke öbun e ca löng bi öbun.

Jeremia 25:4

Ke a hia but Iehova kunâ köbun je perofeta hia a je athnyabainy, ame vesâ kong me ûkhûnöng: ke öbun e ca hia but löng, me ca tâ je hnyikönyöbun he ka löng;

Jeremia 25:7

Ke so bi, öbun e ca hia but ling nya, haingö Iehova; me öbun e he ka ohmönyini nya ge ta je huliwa anyin je hnyamöbun me öbun e he ka kong.

Jeremia 25:8

Anyin a wale, walang hna ha hnö Iehova tuhan sabaoth, ka habe, Anyin a öbun e ca long hok ta je hofuc.

Jeremia 3:24

Ke haba hna hmehman ame ohia huliwa anyin lakamöta hwân kʼ öta tiga hidröu; wale haledra je hnahat mamoe me kau, je lakudra obaga me wahlu.

Jeremia 3:25

E so ate me mokut hnyi anyita hmehma, ke so ame tubi öta hnen anyita hlohlo: anyin ate hia but ânyâ hwakecin ae kong kö Iehova Khonguta, öta me lakamöta, hwân kʼ öta tiga ûhnyûkong ke ne o but hnyi bong ang; ke ate me ca hia but long hofuc ho Iehova Khonguta.

Jeremia 32:30

Anyin a haba lakon Isaraela me lakon Juda, adre me ânyâ thibi ûnyi ae kong hnyi hnyimakök, hwân kʼ ödra tiga hidröu: anyin a lakon Isaraela adre me labö ohmönyini nya ge ta je huliwa anyin je hnyamödra, haingö Iehova.

Jeremia 35:15

Ke oge biâ but minya kunâ köbun je athnyabaik hia a je perofeta, me vesâkong me ûkhûnöng me ha, ka habe, Ve hmetu ju öbun walang ang ûnyi hnyi debun je gethen ae kong, me ânyâwia thö je hwakecibun, ke ca hnu hoton ke je khong he ka bi athnyabaidrin, me öbun e he ka laba hnyi hnyei waleji oge ham köbun me lakamöbun: ke so bi, öbun e ca tevehlöng me ling nya.

Jeremia 48:11

Haba Moaba ame hia but laba menâ hwân ke tiga hidröu, me laba hon anyin je atmen, ke adre ca hingâlâ e ûnyi hnyi ke kaia ka hnyi ka kaia, ke adre ca hia but hom hwenbâ e: anyin a wale e bi hnebwiainy, ke ame ca wia bi bunen e.

Jeremia 6:16

Walang hna ha hnö Iehova, ka habe, Todrʼ öbun hnyi je gethen, me wâ, me hnö je gethen kâû adrem, ewa gethen ae so, me vheno e, me öbun e he bi ka wâ hna menâ hobi kâu je hanubun: ke haingodra, ka habe, Ohmun e ca he ka vheno e.

Ezekiela 20:13

Ke haba lap anyi Isaraela adre me ûkhin fuc mönya hnyi hnyebuba: adre me ca vheno anyik je hnanyibu, ke adre me hûkotiâ hnok je hna owisa, waleji a e ka he at ka mâdrâ, me ame he ka möt hnyin; ke adre me okongoâ gan hmâ anyik je sabath: me oge me ha a oge me he ka hingâlâ anyik hmönyin hudra hnyi hnyebuba, he ka ohiʼ ödra but.

Ezekiela 20:21

Ke haba je lakudra adre me ûkhin fuc mönya; adre me ca vheno anyik je hnanyibu, me ca tuö hnok je hna owisa me ânyâ, waleji a e ka he ke at ka ânyâ e ame he ka möt hnyin; kʼ adre me okongoâ anyik je sabath: me oge me ha a oge me he ka hingâlâ anyik hmonyin hudra, me umö anyik wathethot hudra hnyi hnyebuba.

Ezekiela 20:28

Anyin a hnyi ûen oge me hum ödra ka hnyi hnyei, waleji oge me hinöbeny göranyai he ka ham kodra, kʼ adre me wâ je hut hia ae beû, ke je ûö hia ae hlau, me adre me hudo eling anyidra je hut, me ham eling anyidra bwihlany at ame okûâ hmonyin, ke adre me obosoâ anyidra bo so, ke adre me hingâlâ eling hudiny anyi dra ic.

Ezekiela 20:8

Ke so bi adre me ûkhin fuc mönya, me höcö ling nya; kʼ adre me ca ve degec ta je ûnyi ae ikiki hnyi hnyimakodra, kʼ adre me ca hna degecâ je khongon Aigupito: me oge me ha a oge me he ka hingâlâ anyik hmönyin hudra, hnân he ka umö anyik wathethot hnyi wanben hnyei Aigupito.

Zefania 3:2

E ame ca long hofuc; e ame ca kap hna ûnö; e ame ca labageju bi kö Iehova; e ame ca hakekeny bi ka Khong.

Zakaria 7:7

Hawa, e ca ûcû köbun he ka long hofuc waleji Iehova ame ha a deny je perofeta kâû adrem, hnyi ûen adre labâ Jerusalema ke e sot, ke adre me labâ je tauniny igigilo e, me ke keihen ka hnyi Hwaiöu, me dok ae tha hon?

Deuteronomi 31:27

Anyin a oge wâ but hnâm hna ûkhin fuc, ke hwege nyem: wâ bi, iny tiga möt unyibun hnyi bong ang, me öbun e hia but ûkhin fuc me Iehova; ke hawa bi iny ka mokcu?

Deuteronomi 9:24

Öbun e hia but ûkhin fuc me Iehova hwân hnyi bong oge ibi iouny möbun hnyin.

Deuteronomi 9:7

Ûnykûme ju, me ca he ka hnying hi ge hnâm hna ohmönyini Iehova Khongom hnyi hnyebuba: hwân hnyi bong u je hna but hnyin hnyei Aigupito, ke ne o but iöbun ang, me öbun e labö ûkhin fuc me Iehova.