Jeremia 22:20 - Iaai Bible 1901 (New Caledonia)

²⁰ Ölö thö Lebanona ai me hongot; ke hongot dö goranyai hnyi Basana: me hongot hnyi Abarima; anyin adre hia but ohia je oûnykûmâm.

Jeremia 22:20 ပူးပေါင်းရင်းမြစ်များ

II. Je Than 24:7

Ke ame ca o hmetu bi than Aigupito ûheny hnyi iny hnyei: anyin a than Babulona ame hia but hûgûnâ hia je hanymen than Aigupito, hwân hnyi wagewe Aigupito ke ne o but hnyi wagewe Euferati.

Isaia 57:13

U ka tenge, me hamen je hnyat u je ûkhacaköuâ he ka omeli u; ke so bi, ame he ka tûʼ ödra hnen ang, ame he homenâ ka hom degeci ödra hia thithö: ke ame he bi ka hu hnyei hnen tavat adre me labageju könya, ke idra bi anyik bucen ae kap.

Jeremia 2:25

Tuö ju li cam wâ e nye ba tangen hnyeûcam, me jeköwem wâ e nye beic: ke u je ha, ka habe, E ûnyi baû: e ba; anyin oge hia but betenge ge ta je atkanyua, ke oge me he bala ka hnu hotudra.

Jeremia 2:36

Anyin a ieû u me labö ngenu monu gan me wia dem je gethen? u me he ka hmehma ge Aigupito, helâji me hnâm hna hmehma ge Asuria.

Jeremia 2:37

Ke u me he ka he ûhem e me li hnyamâm hon bâm: anyin a Iehova ame hna degecâ ta je ûnyi u me geju kâu, ke u me ca he ka sot gadra.

Jeremia 22:22

Adre me he ka han tavat adre me tuö halem ta je mamoe ge ang, ke ame he je oûnykûmâm ka bâ; me u me he ka hmehma me hlohlo can ânyâm ta je monu hia thithö.

Jeremia 25:9

Wâ bi, oge me be ka kunâ me hom je lap hia hnyi hwadro, haingö Iehova, me Nebukaneza than Babulona athnyabaik, me oi ödra ûcûdrin hnyei ang, me tavat adre me laba hnyin, me ta je hnyei hia igigilo e; ke oge me he ka ti ohiʼ ödra, me wiʼ ödra hnân kuko me jû, me ba wan nyiele balua.

Jeremia 3:1

HAINGODRA, ka habe, A ne ke at ame degec âiân, ke ame he gan me ame âiân ke baga bi, hawa, e ame be ka hmetu ka momo? Ame ca he ka ti kong hnyei eling? Ke u je hia but bi ûnyi monu me tavat ae se hia; ke so bi, hmetu ju könya, haingö Iehova.

Jeremia 4:30

Ke haba u, ödra ka hia but sei u, ieû u me he ka ânyâ? Eja ke ne u je ne he ka hkaûö u ge ûkhaû ae dra vec, me theibi u ge je hmanenanginy gol me ogânâ li emâkâm ge botru, e ûnyi baû bi hnâm hna he ka ohmanenangi u bi; ame he tavat adre me wedra u ka hûkötiö u, adre me he ka elâm he ka hlingö u.

Je tenge anyi Jeremi 1:19

Oge me hawâ je la wek, kʼ adre me iyawo nya: A mokcu anyik tavat bihut me wahingat hnyi taun, Hnyi ûen adre me heleû ö ʼdra, mʼ adre me mot hmetu.

Je tenge anyi Jeremi 1:2

E ame tenge gan hmâ hnyi hnyinghet, ke e hnyi li wahicen deköien; E ba at hnyi je lawaeny hia he ka otubwelâ e: Kʼ ame iyawâ e je liamewaeny më, Kʼ adre me bi iwahnaihmiony më.

Ezekiela 23:22

Anyin a wale, Aholiba lö, walang hna ha hnen Than Iehova, ka habe, Wâ bi oge me he ka otilâ je lawem ûcom, waleji u je hûkotiâ, ke oge me he ka hum ödra ûcom ûhedra ehele;

Ezekiela 23:9

Anyin a wale oge me hna e ka hnyi hnyamen ta je laweny, ka hnyi hnyamen at Asuria, waleji e ame betenge gan.

Ezekiela 27:6

Adre hia but ânyâ ânyâm je wi a je iwajoiny Basana; adre hia but tibet ânyâm je tap ge utö tasura adre me omecâ ge nyon elefan, ûnyi hnyi je bomeneiny Kitim.

Numera 27:12

Ke Iehova ame ha kö Mose, ka habe, Öliâ thö bucen eang a Abarima, me u me wâ hnyei waleji oge ham ka lakon Isaraela.

Deuteronomi 32:49

Öliâ thö bucen eang a Abarima, ka hnyi bucen Nebo, wale hnyi hnyei Moaba, cicö Jeriko; me wâ hnyeiʼ Kanana, wale oge me ham ka lakon Isaraela me me idrin: