Jeremia 22:18 - Iaai Bible 1901 (New Caledonia)

¹⁸ Anyin a wale, walang hna ha hnö Iehova ga Jehoiakima nöku Josea, than Juda, ka habe, Adre me ca he ka tenge gan me ha, ka habe, Ekölö ge keik! Ke ekölö ge hanik! ke ekölö ge anyin hmanenang!

Jeremia 22:18 ပူးပေါင်းရင်းမြစ်များ

II. Samuela 1:26

Iny hlöuhlöu gam Jonathana liamekeiny mönya: E gan hmâ ânyâm mec könya: Hnân lâiâ ânyâm ibetengiö könya, E beönua hon betenge anyin omomo.

I. Je Than 13:30

Ke e ame ip unyin hnyi anyin bi erkemok; ke ödrin e tenge gan me ha, ka habe, E köiö ge keik!

II. Je Than 23:36

Twente faiv but je hunai Jehoiakima hnyi ûen e ame hwân ka than; ke e ame musi hnyi Jerusalema hnyi eleven ta huna: haba ien hinyin, me, Zebuda, nöku Pedaia at Ruma.

II. Je Than 23:6

Ke e ame hom but Aseira ûnyi hnyi hnyin uma umö Iehova hoton Jerusalema ai ka hnyi wagewe Kederon, me thong degeci ödrin hnyi wagewe Kederon, me omomono e, me khûâ but dröuiny hon je erkemok anyin houmonu.

II. Je Than 24:6

Ke ame mokut ut Jehoiakima tha e me lakamen, ke ame than biju Jehoiakina nokon hwaban.

I. Man Ûlabainy Je Than. 3:15

Ke haba je baga laku Josea; Johanana nokon a bân, Jehoiakima a loiny, Zedekia a kuniny, Saluma a vakiny.

II. Man Ûlabainy Je Than. 35:25

Ke haba Jeremia ame khumöngö tenge ca Josea: ke haba tavat khumöng obaga me omomo hia, me, ödrin e haiö Josea hnyi anyidrin tenge ke ne o but hnyi bong ang; ke adre me otilâ hmâ bongon e hnyi Isaraela: me wâ bi, adre hia but sihnalimen hnyi je khumönginy tenge.

II. Man Ûlabainy Je Than. 36:5

Twente faiv but je hunai Jehoiakima hnyi ûen e ame hwân ka than; ke e ame musi hnyi Jerusalema eleven je huna; ke e ame ânyâ ûnyi ae kong hnyi hnyimakö Iehova Khongon.

Jeremia 16:4

Adre me he ka mok ge je mok ae kong; adre me ca he ka tenge gadra, ke adre me ca he ka konim ödra; adre me he ka hnân tatet hon kânâ; ke ame he ka ön ödra hnen hele vat me hmiâ, ke ame be je unyidra ka hnân an ta je meno ame gâ ethö, me je menoiny hnyot.

Jeremia 16:6

Ke ame he tavat ae gan me tavat ae ûhnyûkong ka mok hnyi hnyei ang: adre me ca he ka konim ödra; ke ame ca he tavat ka tenge gadra, ke adre me ca he ka thamuö hwadrak ny, me ohadreûâ, adre me ânyâ hnyi hnyamok;

Jeremia 21:11

Ke haba lap anyin than Juda, löng ju hofuc ho Iehova gan, ka habe,

Jeremia 22:10

Ca tenge bi can at a mokcu, ke ca mâng bi gan: ke tenge hwege bi thö ge at ame he; anyin a e ame ca he ka hmetu, me wâ hnyei adre hnokoâ e hnyin.

Jeremia 22:12

ke e ame he ka mokcu hnyi dok adre hom bâ e ka hnyin, ke ame ca he hmetu bi ka wâ hnyei ang.

Jeremia 34:5

u me he ka mok wia, ke adre me he ka le hobi köu helâ me hna le hobi kâu lakâmâm, je than a bân hnyi ûen ae tiga hiö u; ke adre me he ka tenge thungaû gam me ha, ka habe, Ekölö ge than! anyin oge hia but ha, haingö Iehova.

Jeremia 36:30

Anyin a wale walang hna ha hnö Iehova ga Jehoiakima than Juda, ka habe, Ame he ka ba hwaban hnân tabâ theron anyi Davita: ke adre me he ka khûâ unyin ae mok ka hnyi kahwa hnyi lany me megic hnyi hnyinghet.