Jeremia 22:17 - Iaai Bible 1901 (New Caledonia)

¹⁷ Ke haba li emâkâm me hnyekom hobi kâu hnâm hna behnyekon, me he ka hingâlâ dra ae ba hnyikongon, me hobi kâu hna okongâo, me ûokonguny, me me ânyâ thö.

Jeremia 22:17 ပူးပေါင်းရင်းမြစ်များ

I. Je Than 21:19

Ke u me he ka ha kâu, ka habe, Walang hna ba hnö Iehova, ka habe, Hawa, u je hia but ûhlingö me hûgûnâ minya? ke u me he ka ha kâu, ka; habe, Walang hna ha ga Iehova, ka habe. Haba hnyi dok ame drem je kuli drö Nabotha me ame he je kuli ka drem minya drâm, wale drâm bi.

II. Je Than 23:37

Ke e ame ânyâ ûnyi ae kong hnyi hnyimakö Iehova, helâ me hna ânyâ hia ge lakamen.

II. Je Than 24:4

me can minya dra ae ba hnyikongon, waleji e ame hingâlâ; anyin a e ame ounöngötâ Jerusalema ge dra ae ba hnyikongon: ke ame höcö Iehova he ka hna degecâ.

II. Man Ûlabainy Je Than. 36:8

Ke haba kolon je hna ânyâ hnö Jehoiakima, me hwakecin ae kong e ame ânyâ, me adre me wâ gan, wâ bi, adre hia but sihnalimen hnyi tusi anyin je than Isaraela me Juda: ke ame musi biju Jehoiakin a nokon hwaban.

Jobu 31:7

Ame ne hia but saû li cak ûnyi hnyi gethen, Kʼ ame ne hnu hoton li emakök hnen hnyekuk, Kʼ ame ne kece ong hnyikongon ka hnyi li hnyamok:

Salamo 10:3

Haba at ae kong ame ohobeluâ weny hnyekon, Kʼ ame hota degecâ hnen at ae behnyekon, me hmiö Iehova.

Esodo 18:21

Ke haba khaca u me he ka ûca ûnyi ge tavat hia hnyat ae metâ, ödrin e outen Khong, a hnyat ae hnathu, odrin e hûkötiâ troban thoi; ke otilʼ odrin hon tavat, hnân je taben thauzan, me je taben haded, me je taben fifte, me je taben libenyita:

Ta je Vejec 24:2

Anyin a je hnyekudra adre me ûnykûme he ka oseda, Ke je esongodidra ame ha ûkonguny.

Isaia 56:11

Eke, e hwenhmiâ je kuli ke ca khanʼ ödra he ka sekudra; ke tavat tuö mamoe ke ca khanʼ ödra bi he k a wâhmakhmeto: ödra hia thithö adre me ve saû ka hnyi dedra bi ta je gethen, adre me ve wia ka anyidra bi troban hnyi je hnödra.

Jeremia 17:11

Haba kore ame mokulec ta je lakon, ke ca ta je hing lakon bi, helâe ge at ae tren omjeû ke ca hoton bi wisa; hnyi wanben bonginy je bong, e ame he ka hna degecâ bi e, ke haba hnyi obiny e ame he ka at ae monu.

Jeremia 19:4

Anyin adre hia but hna degeci nya me okebongonâ bi dok ang, me leû utö eang ae bo so ka ke je khong, waleji ae ca khanʼ ödra, ödra me je lakamödra me je than Juda; ke adre hia but öunöngötâ dok ang ge dra dren tavat ae ba hnyikongudrin:

Jeremia 22:3

Walang hna ha hnö Iehova, ka habe, Anyâ thö wisa me ûnyi ae ûcû, ke omelo thö at adre söh ûnyi hnyi hnyamen at ûöveci: ca he ka ânyâ monu, me ûokonguny ka atkanyua, me nakahme, me safac, ke ca hingâlâ dra ae ba hnyikongon hnyi dok ang.

Jeremia 6:13

Anyin a hwân ge tavat ae ûhnyûkong gadra, ke ne o but ge tavat ae gan gadra, ödra hia thithö adre me behnyekudra omjeû; ke hwân ge ta je perofeta ke ne o but ka tavat bihut adre me ânyâ thoi.

Jeremia 6:6

Anyin a hia but Iehova tuhan sabaoth ha, ka habe, Sö but ta je ûö, ke hlu thö goranyai kânâ cicö Jerusalema: wale taun adre me he ka bi hwaban; ae ti hu ûöveci eû hnyin e.

Jeremia 7:6

öbun e ne ca ovecâ atkanyua, me at a mok kamen, me safac, me ca hingâlâ bi dra ae ba hnyikongon hnyi dok ang, me ca hnu hoton ke je khong, mʼ adre me okongu öbun:

Jeremia 8:10

Anyin a wale oge me he ka ham je laöiödra ka keihen, me je idra ka keihen he ka labā: anyin a hwân ge tavat ae ûhnyûkong, ke ne o but ka tavat ae gan ödra hia thithö adre me behnyekudra omjeû, hwân ge tavat perofeta, ke ne o but ka tavat bihut, ödra hia thithö adre me huliwa iyawo.

Ezekiela 18:12

ke a hia but iyawâ at ae vec me at ae theduoc, ke hûgûnâ omjeû, ke ame ca ohmeto haten, ke ame hia but bwele göranyai ka je idola, me ânyâ ûnyi ae ikiki,

Ezekiela 19:6

Me e ame ngenu hnyi wanben je liona, ke nak liona but e; ke e ame nâ he ka kât je haniny, e ame han at.

Ezekiela 19:7

Ke e ame khana je uma umen tuhödra, me oba wan anyidra je lap; ke ba but aten hnyei, me unöngötiny e can ûkukuiny.

Ezekiela 19:9

Ke adre me ca e ge je bâlet me ip e hnyi umen meno, me hom e ka than Babulona; adre me hom e ka hnyi je uma ce at ae hwege, mʼ adre me ca he hmetu ka long ifuciny hon je buceniny Isaraela.

Ezekiela 22:6

Wâ bi, a hia but mwi unyâm je taben Isaraela ödrin hia hoton je ve hwegiödrin, he ka hingâlâ dra.

Ezekiela 33:31

Ke adre me he köu helâ me hwakecin tavat, kʼ adre me laba hnyi hnyimâkâm helâ me lakeik, kʼ adre me long hwâm hofuc, ke so bi adre me ca mâdrâ: anyin adre me ha betenge ge ta je hnyimödra, kʼ adre me vheno hnödra hna behnyekon ge je hnyekudra.

Mika 2:2

Ke adre me behnyekudra ta hnyei me hûgûnâ; ke ta je uma, me hom bi: ke adre me ovecâ at me anyin lap, wale at me iny hnyei.

Mika 3:10

Ke adre me op goranyai Ziona hnyi dra, ke Jerusalema hnyi hwakecin ae kong.

Zefania 3:3

Haba anyin je taben unyin, me helâ me je liona ame kuku; anyin bi tavat owisa, me helâ me je luko adre o hnyi sahac; adre me ca hna kolon bi hobi kâu nyi.

Roma 1:29

ke ödra unöngötö ge je hwakecin ae ca wisa bi, me hulo, me behnyekon, me beokongo; kʼ ödra unöngötö ge ibunyinköu, me ûhlingö, me iwatretra, me iyawo, me hnyok ae ti kong;

I. Korinito 6:10

me tavat venöu, me tavat behnyekon, me tavat adre me ic monu, me tavat hwege hnyimen, me tavat hûgûnö omjeû, me adre me ca he bi ka hnyi hanen dokhu dokhon Khong.

Kolose 3:5

Anyin a wale hlingâ ju öbun je ong outhunyibun eang hmeledrany; wale a bi ûnyi monu, me hwakecin ae ikiki, me hnyok wagelue, me weny ae kong, me behnyekon, a wale hmi ka hnatheat;

Josua 7:21

haba hnyi ûen oge me wâ ûnyi hnyi je ûnyi adre hûgûnâ ke ûkhaûiny Sinara ae so, ke lo li haded je sekel sileva, ke ong gol a fifte je sekel, me oge me behnyekon me hom ta je ûnyi e; ke wâ bi adre ikhâlâ hnyi wanben umök uma mano hnyi kânâ, ke eû hmelen e je sileva.

II. Peteru 2:14

a unöngötö je emaködra ge bi ûnyi monu, ke ca khanʼ ödra bi he ka menâ mâdrâ hulo; ke adre me iyawâ tavat adre me ca tethmâ bi; ke haba je hnyekudra, me khenen hnyi hwakecin behnyekon; ödra je hnyat ha hnaûhangoâ;

II. Peteru 2:3

Ke adre me he ka ûcû öbun ge hwaban hofuc ae thoi, anyin adre me behnyekudra omjeû: ke haba hna he ka bi hwaban kodra ehac, me, ca bec bi, ke baba hnaûhango adre ip hobi ködra ame ca ta mokut bi.

I. Samuela 8:3

Ke haba li lakon ödru me ca vheno deny gethen, ke ödru me saû ka omjeû me khöp hwaban, me ohwalö hna owisa.