Jeremia 22:15 - Iaai Bible 1901 (New Caledonia)

¹⁵ Hawa, u me he ka musi, anyin a u me bebeönua hnyi arasi? hawa, a ca han kâmâm, me ic, me ânyâ wisa, me ûnyi ae ûcû? me e ame so but.

Jeremia 22:15 ပူးပေါင်းရင်းမြစ်များ

II. Samuela 8:15

Ke Davita ame muso Isaraela hia; ke Davita ame ûhnö me ânyâ wisa ka lakeiny hia.

I. Je Than 10:9

Ole kö Iehova Khongom, at ae weny u, he ka otilö u hon theroni Isaraela: anyin a Iehova ame betenge ka at Isaraela nyiele balua, anyin a wale e ame otilö u ka than, he ka ânyâ wisa me ûnyi ae ûcû.

II. Je Than 22:2

Ke ame ânyâ ûnyi ae so hnyi hnyimakö Iehova, me vheno gethen hia de Davita a kiben, kʼ ame ca saû ka hnyi ke keihen metâ me me.

II. Je Than 23:25

Ke ba than a helâ mē ehac, ame hwio kö Iehova me hnyekon ae bekhot, me hanon ae bekhot, me hwegien ae bekhot, hoton ta je hnanyibu hia anyi Mose; ke a ca o bi ke at ae ûcû hwaban.

I. Man Ûlabainy Je Than. 3:15

Ke haba je baga laku Josea; Johanana nokon a bân, Jehoiakima a loiny, Zedekia a kuniny, Saluma a vakiny.

II. Man Ûlabainy Je Than. 34:2

Ke e ame ânyâ wisa hnyi hnyimakö Iehova, me vheno hia je gethen de Davita a kiben, me e ame ca saû ka hnyi ke keihen metâ me me.

II. Man Ûlabainy Je Than. 35:22

Ke so bi ame ca hwio bi Josea gan, ke e ame oiyongâ e bi, me me he ka vat më, kʼ ame ca long bi hofuc ho Neko ûnyi ge Khong, me e ame o ka hnyi vat hnyi hinyigöuleu bucen e Megido.

II. Man Ûlabainy Je Than. 35:26

Ke haba kolon je hna ânyâ hnö Josea, me hwakecin ae so hoton hna sihnalimen hnyi hnanyibu anyi Iehova,

Ta je Vejec 20:28

Betenge me hnathu, li at tuö than: Ke haba ciny anyin theron me ibetengiö.

Ta je Vejec 21:3

He ka ânyâ ûnyi ae ûcû me owisa, Me wale ûnyi ae so kö Iehova hon hut.

Ta je Vejec 25:5

Hom degecâ but at ae kong unyin than, Me me hwege anyin theron hnyi wisa.

Ta je Vejec 29:4

Haba than, me ame ohmâ hnyei ge hna owisa: Ke haba at ame hnö je bwihlany, me ame hagutâ e.

Ta je Vejec 31:9

Fuc dö, owisa wia ju, Ivinoâ thö hobi kâu at ae vec me theduoc.

At Khet 10:17

Hnyei lö, hnâm hnahic e ka nokon than tuhâm, ke ânyâm je taben adre me han hnyi ûen ae ûcû mʼ adre me hwege, ke ca hnân bi he ka monu ge grâg!

At Khet 2:24

E ba nua soiny at hon he ka han me ic me hna hnyekon he ka senyin so hnyi anyin huliwa. Oge me wâ minya e, a ûnyi ge Khong.

Isaia 3:10

Ha thö ka at ae wisa hwakeciu, ka habe, ame he ka hu so gan; anyin adre me he ka an wan anyidra huliwa.

Isaia 33:16

awe, e ame he ka laba hnyi dok ae gorany: ke hnen hna lubaduöng bi je kic a je hnabâ: adre me he ka hûn e; ame he ka tethmâ hna habelen e.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Jeremia 21:12

Lap anyi Davita lö, walang hna ha hnö Iehova, ka habe, Ânyâ thö ûnyi ae wisa hnyi hnyomakatu, ke omelo thö at adre söh ûnyi hnyi hnyamen at ûöveci, wâ e nye gâ but anyik hmonyin helâ me meic ame ubâhlâ, ke ba at ama ume, can ûkongon anyibun ta je huliwa.

Jeremia 22:18

Anyin a wale, walang hna ha hnö Iehova ga Jehoiakima nöku Josea, than Juda, ka habe, Adre me ca he ka tenge gan me ha, ka habe, Ekölö ge keik! Ke ekölö ge hanik! ke ekölö ge anyin hmanenang!

Jeremia 22:3

Walang hna ha hnö Iehova, ka habe, Anyâ thö wisa me ûnyi ae ûcû, ke omelo thö at adre söh ûnyi hnyi hnyamen at ûöveci: ca he ka ânyâ monu, me ûokonguny ka atkanyua, me nakahme, me safac, ke ca hingâlâ dra ae ba hnyikongon hnyi dok ang.

Jeremia 23:5

Wâ bi, ame he ka o je bong, haingö Iehova, ke oge me he ka oâ kö Davita? Khûen ae wisa, ke e ame he ka than me; musi me so, me ânyâ ûnyi ae wisa me ûnyi ae ûcû hnyi hnyei.

Jeremia 42:6

A ne so, A ne kong, ohmun e he ka löng hoton ifuci Iehova Khonguta, wale ohmun e kunö u kâu; me ohmun e so ohmun ka löng hoton ifuci Iehova Khonguta.

Jeremia 7:5

Anyin a öbun e ne ti ânyâwia debun je gethen, me je hwakecibun; öbun e ne ti owisa ka ke at me ke at;

Luka 11:41

Ke so bi öbun e ne ham onyen hnyi betenge; awe, ame he ka so ta je ûnyi hia unyibun.

Ta je huliwa 2:46

Ke adre me laba bala me hnyok a khaca hnyin uma kap hnyi je bong, me susubâ areto hnyi ke uma me ke uma, me an ö ʼdra jeû me senyin me hnyok a khaca,

I. Korinito 10:31

Anyin a wale, öbun ka he ka han, me ic, me ânyâ ke ta je ûnyi bi, ânyâ hia thö hnân ogânâ Khong.

Deuteronomi 4:40

Ke u me he ka tuö anyin je hnanyibu, me hnen je hna hûna, wale oge me hûna köu huyi bong ang, mʼ u me so, me lakom hwabâm, me me se hia bongom je bong hnyi hnyei a ham köu Iehova Khongom nyiele balua.