Jeremia 22:13 - Iaai Bible 1901 (New Caledonia)

¹³ Ekölö gan at ame op umen uma hnyi hwakecin ae ca wisa, me je hnyeuleny hnyi hwakecin ae ca ûcû: at ame kap huliwa ge tavat me ca bi hwaban bi, ke ame ca ham kâu troban;

Jeremia 22:13 ပူးပေါင်းရင်းမြစ်များ

II. Man Ûlabainy Je Than. 36:4

Ke haba than Aigupito ame otilö Eliakima ka than, liamekeiny me Jehoaza, hnyi Juda, me Jerusalema, me wia ien me me Jehoiakima bi. Ke haba Neko ame hum Jehoaza liamekeiny më me hom e Aigupito ai.

II. Man Ûlabainy Je Than. 36:5

Twente faiv but je hunai Jehoiakima hnyi ûen e ame hwân ka than; ke e ame musi hnyi Jerusalema eleven je huna; ke e ame ânyâ ûnyi ae kong hnyi hnyimakö Iehova Khongon.

Jobu 31:39

Oge ne hia but an wan e, me ca bi hwaban, Ke kunâ tavat a idra hnyei he ka mok:

Isaia 5:8

Ekölö ge tavat adre me bi hanen ke uma ka ke uma, ke bi hanen ke utkânâ me ke utkânâ, ke ne o but ame ba dok hnân laba hnyin, mʼ öbun biju öbun e hake laba hnyi wanben hnyei!

Jeremia 17:11

Haba kore ame mokulec ta je lakon, ke ca ta je hing lakon bi, helâe ge at ae tren omjeû ke ca hoton bi wisa; hnyi wanben bonginy je bong, e ame he ka hna degecâ bi e, ke haba hnyi obiny e ame he ka at ae monu.

Jeremia 22:18

Anyin a wale, walang hna ha hnö Iehova ga Jehoiakima nöku Josea, than Juda, ka habe, Adre me ca he ka tenge gan me ha, ka habe, Ekölö ge keik! Ke ekölö ge hanik! ke ekölö ge anyin hmanenang!

Levitiko 19:13

U me ca he ka okongoâ at ame laba hakekenyi u, me hûgûnâ anyin ta je ûnyi: haba hwaban athnyaba u je hawâ, ame ca he ka mokut unyâm hnyi hnyinghet ke ne o but hnyomakatu.

Mika 3:10

Ke adre me op goranyai Ziona hnyi dra, ke Jerusalema hnyi hwakecin ae kong.

Habakuka 2:12

Ekölö ge at ame otilâ ke taun ge dra, me ohmâ taun hnyi hwakecin ae kong!

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Deuteronomi 15:13

Ke u ka hna baûâ e ûheny unyâm, me u me ca he ka kunâ ke ba ta ûnyi;

Iakobo 5:4

Wâ bi, ame hongot goranyai hwaban ae ûcû ka tavat adre me huliwa waleji adre me meno ibun je hnyei, ke öbun e behânâ ge iyawâ: ke ame aat dö hnyi li hnyikonyen Than tuhan sabaoth hwahongot hwan tavat meno.