Jeremia 21:9 - Iaai Bible 1901 (New Caledonia)

⁹ Haba at ame he ka laba bala bi hnyi taun ang, ame he ka mok ge hele vat, me hmiâ, me mok ae cap: ke haba at ama didrut, me kec ka at Kaledaia, tavat adre me igigilo öbun, me ame he ka mot, ame he ka jekhon anyin mot.

Jeremia 21:9 ပူးပေါင်းရင်းမြစ်များ

Jeremia 14:12

Ödra ka he ka ânyâ ca han, oge me ca he ka löng ûtengiödra; ke ödra ka ha ke hudo je hudiny leû me bwihlany, me oge me ca he ka kop ödra: ke oge me he ka ohiʼ ödra ge hele vat, me hmiâ, me mok ae cap.

Jeremia 21:7

Ke hwaban e, haingö Iehova, oge me he ka hnö Zedekia than Juda, me je athnyabainy, me tavat a je kolon hnyi taun ang ûnyi hnyi mok ae cap, me hele vat, me hmiâ, ka hnyi hnyamö Nebukaneza than Babulona, me hnyamen je iwahnaihmiony mödra, me hnyamen tavat adre me elâm he ka hlingʼ ödra: ke e ame he ka kuc ödra ge hele vat; e ame ca he ka omeli ödra, me hnyok kodra, me betenge.

Jeremia 24:10

Ke oge me he ka kunâ kodra hele vat, me hmiâ, me mok ae cap, ke ne o but adre me oaûʼ ödra ûnyi hnyi hnyei oge ham kodra me lakamödra.

Jeremia 27:11

Ke haba hnyei tavat adre me hna je nyidra ka hnyi hna ûhûkâlâköuâ anyin than Babulona, me bi athnyabainy, me oge me he ka ip tavat eling ka laba bi hnyi idra, haingö Iehova; ke adre me he ka belökâ me labā e.

Jeremia 27:12

Me oge me ha kö Zedekia than Juda helâ me ta je hofuc hia eling, ka habe, Hna but je nyibun ka hnyi hna ûhûkâlâköuâ anyin than Babulona, me bi athnyabainy, me iny hnyei me öbun e mot.

Jeremia 27:13

Anyin a ieû öbun e he ka mok, u me lakem ge hele vat, me hmiâ, me mok ae cap, helâji me hna ha ga Iehova ka hnyei ame höcö bi athnyabainy than Babulona?

Jeremia 38:2

Walang hna ha hnö Iehova, ka habe. Haba at ama laba bala bi hnyi taun ang, ame he ka mok ge hele vet, me hmiâ, me mok ae cap: ke haba at ame he ka he ka at Kaledaia, e ame he ka mot biju, ke ame he bi ka jekhon anyin mot, ke e ame he bi ka mot.

Jeremia 38:3

Walang hna lia hnö Iehova, ka habe, E hnathu adre me he ka hna utbavat anyin than Babulona, ke e ame he ka hûgûnâ e.

Jeremia 39:18

Anyin ae hnathu oge me he ka omeli u, ke u me ca he ka ta ge hele vat, ke ame he ânyâm mot ka jekhom: anyin u je hia but labageju könya, haingö Iehova.

Jeremia 45:5

Ke hawa, u me elâm je ûnyi ae gan hobi köu bi? ca elâm bi: anyin a wâ bi, oge me he ka oâ okongon ka tavat hia thithö, haingö Iehova; ke oge me he ka ham köu ânyâm bi mot hnân jekhom hnyi ta je dok hia thithö waleji u me he ka he ka hnyin.

Ezekiela 5:12

Ke ame he ke keihâm a kuniny ka mok ge mok ae cap, ke ame he ka oaûʼ ödra hnyi wanbâm ge hmiâ; ke ame he ke keihâm a kuniny ka ta ge hele vat igigili u; ke haba ke keihâm oge me he ka oveseâ ka hnyi ta je ang hia, ke oge me he ka oc hele vat he ka hnu ödra.