Jeremia 21:7 - Iaai Bible 1901 (New Caledonia)

⁷ Ke hwaban e, haingö Iehova, oge me he ka hnö Zedekia than Juda, me je athnyabainy, me tavat a je kolon hnyi taun ang ûnyi hnyi mok ae cap, me hele vat, me hmiâ, ka hnyi hnyamö Nebukaneza than Babulona, me hnyamen je iwahnaihmiony mödra, me hnyamen tavat adre me elâm he ka hlingʼ ödra: ke e ame he ka kuc ödra ge hele vat; e ame ca he ka omeli ödra, me hnyok kodra, me betenge.

Jeremia 21:7 ပူးပေါင်းရင်းမြစ်များ

Isaia 27:11

Ke e ka meleca ta je vheiny, me adre me he ka thu degecâ; ame he omomo ka he bi, me thong ut ge meic: anyin a e hnyei ame ca wâhmakhmeto; anyin a wale ame ca he ka betenge gadra at ame up ödra, ke haba at ame otilʼ ödra, me ame ca he bi ka ânyâ so ködra.

Isaia 47:6

Oge me hmönyik ka lakeik, oge me okongoâ ik hnyei me hnʼ ödra ka hnyi hnyamâm: e ba hmonyin betenge u je ânyâ kodra; u je ti ohmâkâ ânyâm hna ûhûkâlâköuâ hon wahingat.

Jeremia 13:14

Ke oge me he ka öûsetuödraköu ödra, a je kamen me lakon, haingö Iehova: oge me ca he ka menyik, me hokhnyok, me betenge, ke oge me he ka ohiʼ ödra.

Jeremia 14:12

Ödra ka he ka ânyâ ca han, oge me ca he ka löng ûtengiödra; ke ödra ka ha ke hudo je hudiny leû me bwihlany, me oge me ca he ka kop ödra: ke oge me he ka ohiʼ ödra ge hele vat, me hmiâ, me mok ae cap.

Jeremia 15:5

Anyin a ie at ame he ka betenge gam Jerusalema? ke ie at ame he ka mâng gam ke ie at ame he ka saû me me hnö bongom?

Jeremia 15:9

E sënyin dut momo ame hnöku ödrin seven; e ame mokcu; ame didrut anyin seûno, ke tiga lany bi; e ame hia but hmehma me hlohlo: ke oge me he ka hna je koluidra ka hnyi hele vat hnyi hnyimakan je iwahnaihmiony mödra, haingö Iehova.

Jeremia 19:7

Ke oge me he ka oûnyibaûâ ûhnenamö anyin Juda me Jerusalema hnyi dok ang; ke oge me he ka otai ödra ge hele vat hnyi hnyimakan je iwahnaihmiony mödra, me hnen hnyamen tavat adre me elâm he ka hlingʼ ödra: ke oge me he ka hom ta je unyidra hnân an ta je meno ame gâ ethö, me je menoiny hnyot.

Jeremia 20:4

Anyin a walang hna ha hnö Iehova, ka habe. Wâ bi, oge me he ka wiö u bi hnân ooti u bi me la waem hia: ke adre me he ka ta ge hele vat anyin je iwahnaihmiony mödra, ke ame he li emâkâm ka wâ e: ke oge me he ka hna at Juda hia ka hnyi hnyamen than Babulona, ke ame he ka hum ödra Babulona ai, me hlingʼ ödra ge hele vat.

Jeremia 22:25

me oge me he ka hnö u ka hnyi hnyamen tavat adre me elâm he ka hlingö u, me ka hnyi hnyamen tavat waleji u me outen, wale ka hnyi hnyamö Nebukaneza than Babulona, me ka hnyi hnyamen at Kaledaia.

Jeremia 27:6

Ke walang ang oge hia but ham je hnyei ang kö Nebukaneza than Babulona, athnyabaik; ke haba khaca oge hia but ham kâu je menoiny hnyot hnân bi athnyabainy.

Jeremia 32:4

ke ame ca he bi Zedekia than Juda ka kec ge at Kaledaia, ke e hnathu adre me he ka hna e ka hnyi hnyamen than Babulona, ke ödru me he ka ifucköu me iohnyimak;

Jeremia 34:3

ke u me ca he ka kec gan, ke e hnathu adre me he ka kot u, me hnö u ka hnyi hnyamen; ke u me he ka ûhnyimâkâmköu me than Babulona, ke öbu me he ka ifucköu, ke u me he ka he Babulona ai.

Jeremia 36:29

Ke u me he ka ha ga Jehoiakama than Juda, ka habe, Walang hna ha hnö Iehova, ka habe, U je hia but thong tusi ang, haingâm, Anyin a ieû u je sihnalimen hnyin e, ka habe, Ame he ka o than Babulona me okongoâ hnyei ang, me ohia hnyin e at me meno?

Jeremia 37:17

me haba Zedekia than ame ûkhûnöng he ka hawâ e: ke than ame hnö duöngâ e hnyi umen uma me ha, ka habe, Hawa, e hu hofuc ûnyi ga Iehova? Ke haingö Jeremia ame ha, ka habe, E hu, Ke e ame ha minya, ka habe, Adre me he ka hnö u ka hnyi hnyamen than Babulona.

Jeremia 50:17

Isaraela mamoe adre oveseâ; ame alen e hnen je liona: a bân than Asuria ka an e; ke a biliny Nebukaneza eang than Babulona ame thö je jeien.

Je tenge anyi Jeremi 2:20

Iehova lö, wâ ju, me ûnykûme ju waleji ge hnâm hna ânyâ e kâu! Hawa, ame he ka he bi je momo ka an ta je troban gadra, a je lakudra adre bwebwelâ hnyi li hnyamödra? Hawa, adre me he ka hlingâ at bihut me perofeta hnyi dok ae kap anyin Than?

Je tenge anyi Jeremi 2:22

U je hia but hawâ helâ me hnyi bonginy ûkhacaköu ae ûnyi hnathu, ta je ûnyi hnân ooti nya igigilö, Ke ba at ame kec mot me kolon hnyi bonginy hmonyin anyi Iehova: A hia but oâûâ hnen iwahnaihmiony mönya tavat waleji oge me kap me hat.

Ezekiela 23:28

Anyin a walang hna ha hnen Than Iehova, ka habe, Wâ bi, oge me he ka hnö u ka hnyi hnyamödra wale u je ikikiâ, ka hnyi hnyamödra wale u je hûkotiâ:

Ezekiela 7:9

Ke oge me ca he ka hokhnyok me betenge: ke oge me he ka oâ köu hoton dem je gethen, ke ame he ka e hnyi wanbâm ânyâm ta je ûnyi ae ikiki; me ame he ka khanʼ öbun a inya Iehova, at ûkûc.

Ezekiela 8:18

Anyin a wale oge me he bi nya ka huliwa hnyi hmonyin: oge me ca he ka hok hnyok, me betenge: eja ke ne adre ne hongot hwege göranyai ka hyni li hnyikönyök, oge me ca he ka ling ödra.

Ezekiela 9:10

Ke haba inya oge me ca he bi nya ka hok hnyok me betenge, ke oge me he ka oâ dedra je gethen ka hnyi hon je bödra.

Deuteronomi 28:50

hnyei ae hwege hnyimakan, kʼ adre me ca ogânâ wahingat, me betenge ge tavat ae ûhnyûkong: