Jeremia 21:12 - Iaai Bible 1901 (New Caledonia)

¹² Lap anyi Davita lö, walang hna ha hnö Iehova, ka habe, Ânyâ thö ûnyi ae wisa hnyi hnyomakatu, ke omelo thö at adre söh ûnyi hnyi hnyamen at ûöveci, wâ e nye gâ but anyik hmonyin helâ me meic ame ubâhlâ, ke ba at ama ume, can ûkongon anyibun ta je huliwa.

Jeremia 21:12 ပူးပေါင်းရင်းမြစ်များ

II. Samuela 8:15

Ke Davita ame muso Isaraela hia; ke Davita ame ûhnö me ânyâ wisa ka lakeiny hia.

Jobu 29:17

Ke oge me thu jeien wainy at ae kong, Me oc ut hnen hna hûgûnâ ûnyi hnyi je nyon.

Salamo 101:8

Haba hnyi je hnyomakatu me oge me he ka ohia tavat hia thithö ae kong hnyi hnyei; He ka subâ degecâ ûnyi hnyi taun anyi Iehova tavat hia adre me ânyâ hulo.

Esodo 18:13

Ke nyi ame laba Mose he ka owisa tavat: ke ame tot tavat hnyi hnyimakö Mose hwân hnyomakatu ke ne o but sahac.

Isaia 1:17

nâ thö he ka ânyâ so; elâm dö hna owisa, betenge ge at adre ovecâ, owisa at ae ba kamen, ivino thö hobi kau safac.

Isaia 1:31

Ke ame he at hwege ka helâ me wakunenu, me anyin huliwa helâ me wahleûhleûiny meic; ke adre me he ka tha thong degeci ödru, ke ba at ame he ka ume.

Isaia 7:13

Ke e ame ha, ka habe, Lap anyi Davita lö, long ju walang ang; hawa, ûnyi ae ûhnyûkong e öbun e ovecâ at, ke öbun e he minya ka ovecâ Khong?

Isaia 7:2

Ke adre thumeto lap anyi Davita, ka habe, Ame tha hien at Eferaima me at Suria. Me ame bwebwet hnyekon, me hnyekon lakeiny, helâ me je ûö hnyi hnyot ame bwebwet ge ang.

Jeremia 17:4

Ke haba u, u me ka he ka hamâm bi degec em hnyei waleji oge? ham köu; ke oge me he ka kunö u he ka bi athnyaba ka je iwahnaihmiony möu, hnyi hnyei ae ca khanö u: anyin a öbun e hia but hû meic eû hnyi hnyekuk, ke ame he bala bi ka möt.

Jeremia 21:5

Ke haba inya oge me he ka vat möbun ge hnyam adre hai me beny ae hwege, me hnyi hmonyin me wathethot, me hmonyin ae gan hmâ.

Jeremia 23:19

Wâ bi, ame o but weneû anyi Iehova, wale anyin hmönyin, eke, weneû ame khenyo: e ame he hwege hon ban tavat ae kong.

Jeremia 23:2

Anyin a wale walang hna ha hnö Iehova Khongu Isaraela ge tavat tuö mamoe tavat adre me tuö lakeik, ka habe, Öbun e hia but oveseâ halek je mamoe, me obʼ ödra, me ca senʼ ödra; wâ bi, oge me he ka bi hwaban ûkongon anyibun ta je huliwa, haingö Iehova.

Jeremia 23:5

Wâ bi, ame he ka o je bong, haingö Iehova, ke oge me he ka oâ kö Davita? Khûen ae wisa, ke e ame he ka than me; musi me so, me ânyâ ûnyi ae wisa me ûnyi ae ûcû hnyi hnyei.

Jeremia 36:7

Adre ne he ka he la ka ha hnödra hna khöû hnyi hnyimakö Iehova, me ve hmetu ûnyi hnyi dedra je gethen ae kong; anyin ae gan hmâ hmonyin me wathethot ame ha Iehova hon hnyei ang.

Jeremia 4:4

Peritomoni öbun dö kö Iehova, ke hom but ong unen hnyekubun, öbun tavat Juda me aten Jerusalema: wâ e nye gâ but anyik hmonyin helâ me meic, me hlâ, ke ba at ame he ka ume, can ûkongon anyibun ta je huliwa.

Jeremia 44:22

me me ca khanö Iehova hmetu bi he ka hokhnyokâ ûkongon anyibun ta je huliwa me ta je ûnyi ae ikiki öbun e ânyâ; anyin a wale a hnyot dö ibun hnyei, ke hnân lâiâ, me hnân hangâ, ke ba but at ame labā, helâ me hnyi bong ang.

Jeremia 5:14

Anyin a wale walang hna ha hnö Iehova Khongon sabaoth, ka habe, Anyin a öbun e ha hofuc e, wâ bi, oge me he ka wia hok hofuc hnyi hnyimâm me me meic bi, ke hnyei ang, me me utö, ke e ame he ka ön ödra.

Jeremia 5:28

Ödra pipikhenya me habubut; eke, adre me beönua hnyi hulö: adre me ca ivinö, wale ivino hobi kâu at a mokcu kamen, mʼ adre me he ka sot; ke adre me ca owisa ge wisainy at ae theduoc.

Jeremia 7:20

Anyin a wale, walang hna ha hnen Than Iehova, ka habe, Wâ bi, ame he ka hingölö, but anyik hmonyin me anyik wathethot hon dok ang; hnyi hon at me hon meno, me hon je ûöiny hnyot, me hon wan kânâ; ke ame he ka ubâhlâ, kʼ ame ca he bi ka mok.

Jeremia 7:5

Anyin a öbun e ne ti ânyâwia debun je gethen, me je hwakecibun; öbun e ne ti owisa ka ke at me ke at;

Je tenge anyi Jeremi 4:11

Haba Iehova ame ohwâdâ anyin hmönyin, me hingâlâ anyin wathethot ae gan; Ke e ame hia but hû meic hnyi Ziona, waleji ame thong degecâ je taben e.

Ezekiela 22:31

Anyin a wale oge hia but hingâlâ anyik hmonyin hudra; oge hia but ohiʼ ödra ge bâhlân anyik wathethot: oge hia but bi hwaban kodra dedra je gethen, haingen Than Iehova.

Levitiko 26:28

me oge me he bi nya ka hna degeci öbun hnyi hmönyin: ke oge me he minya ka oseven kuc öbun can anyibun je hulö.

Nahuma 1:6

Ie at ame he ka tot hnyi hnyimakan anyin hmonyin? ke ie at ame he ka tot e ka ubâhlâ anyin wathethot? ame hingâlâ anyin hmonyin helâ me meic, ke e ame thö je kic.

Zefania 1:18

E ca khana bi anyidra sileva me gol he ka omeli ödra hnyi bonginy hmonyin anyi Iehova; ke adre me he ka thong degecâ hnyei hia ge meicin anyin ciâ: anyin a e ame he ka bi obiny, eke, obiny ae mweimwei ka tavat hia adre me laba hnyi hnyei.

Zefania 3:5

At ae wisa Iehova hnyi wanben e; e ame ca he ka ânyâ hulö; e ame oâ hna owisa ka hnyi melam hnyi je hnyomakatu, e ame ca haû bi; ke haba at ae ca wisa bi, me ca khana bi hmehma.

Luka 1:69

Kʼ ame otilâ thö faoiny ûhomeli hobi köta Hnyi lap anyi Davita a athnyabainy:

Roma 13:4

anyin a e athnyabainy Khong unyâm hobi kâu so. Ke u je ne mâdrâ hwakecin ae kong, ot ju; anyin a e ame ca vadren bâûâ hele vat: anyin a e athnyabainy Khong, at ame bi hwaban ge hmonyin ka at ae kong hwakecin.

Deuteronomi 32:22

Anyin adre hû meic hnyi anyik hmö nyin, Ke ame thong ke ne o but dok ae dit hmönyin, Me an hmeledrany me troban, Me thong ta je taben je bucen.