Jeremia 20:9 - Iaai Bible 1901 (New Caledonia)

⁹ Ke oge me ha, ka habe, Oge me ca he ka hâiâ e, me fuc hmetu hnyi ien, ke haba, e bi û hnyi hnyekuk helâ me meic ae mot, adre hlöng hnyi hnyin je jeiok, ke iny sënyin dut anyin hokhnyok, ke pason.

Jeremia 20:9 ပူးပေါင်းရင်းမြစ်များ

Salamo 39:3

E kahwa hnyekuk eû hnyik; Inya oge me tiga ûnykûme, me ame ubâhlâ bala thö meic. Me oge me fuc dö ge bohmök;

Jeremia 23:29

Hawa, e ûcû hok hofuc me meic? haingö Iehova, ke helâ me hama at ame kot omomono kic?

Jeremia 23:9

Ge ta je perofeta. Ame vec eû hnyekuk me öbubuny hia je jeiok, oge me helâ me at ame monu ge grâk, me helâ me at ame ngâ ge waina; can ga Iehova me hwan hofuc ae kap.

Jeremia 4:19

Hnyekuk, hnyekuk! oge me vec ut eû hnyi hing hnyik; ame bwebwet hnyekuk eû hnyik; e ca khanönya he ka laba hnyibû; anyin a u je long ut, hanuk lö, ifucin trutru me hwan vat.

Jeremia 6:11

Anyin a wale, oge me unöngöt ge hmonyin anyi Iehova; iny sënyin dut ge hok hnyok: hingâlâ but e hon je thoth eû hnyi gethen, me hon wahidröu adre me tha ûkhacaköu: anyin adre me he ka tha hom baga me âiân momo, me hingat me at ae se hia hunainy.

Ezekiela 3:14

Me hanu ame köp nya göranyai, me hum nya: ke oge me he but, ke iny vec me hmonyin, ke e hwege hnyamö Iehova huk.

Ezekiela 3:3

Ke e ame ha könya, ka habe, Nokon at lö, ip ju eû hnyi hnyekom, ke öunöngötâ thö hnyekom ge tusi e adre vhec wale oge ham köu. Me oge me an e; ke haba hnebwiainy hnyi hnyimök me helâ me hani.

Amosa 3:8

A um dö kuku liona, ie at ame ca be ka outen? a hia but Iehova fuc, ie at ame ca he bi ka perofeta?

Jona 1:2

Todrö he thö Nineve ai, wale taun ae gan, me fuc hwege ûcon; anyin a o but hnyi hnyimakök anyidra monu.

Jona 1:3

Me haba Jona ame tpdrö me kec Tasesa ai ge hnyimakö Iehova; ke e ame he Jopa ai, me wâ ke hu ame he Tasesa ai: ke e ame bi hwaban hna houden e, me dit hnyi hnyin hu, he ka tha kec mʼ ödrin Tasesa ai, ame kec ge hnyimakö Iehova.

Luka 9:62

Haba Iesu ame ha kâu, ka habe, E ba at ame he ka ûcû ka hnyi dokhu dokhon Khong, ame inâ hnyamen ka hnyi hon ûnyi hnân wia kânâ, ke hwio hmetu bi.

Ta je huliwa 17:16

Ke haba Paulo ame tiga halubahingʼ ödru hnyi Athenai kʼ ame hmak hnyekon anyin a e ame wâ taun ae unöngöt ge ta je hnatheat.

Ta je huliwa 18:5

Ke ame o but Sila me Timoteo ûhedru Makedonia, me ame hwege thö hnyeku Paulo hnyi hofuc, kʼ ame ohnathoâ ka at Juda, ka habe, Iesu thibi a Keriso.

Ta je huliwa 4:20

anyin ae ca khanʼ ohmu he ka ca ha ta je ûnyi ohmu me wâ me long.