Jeremia 20:7 - Iaai Bible 1901 (New Caledonia)

⁷ Iehova lö, u je hia but cubic nya, me oge me hmehmela: u hwege huk, me ame tom: iny taben ûhiö hnyi je bong hia, ame hlumö nya hnen ke at me ke at hnyi ta je bong hia.

Jeremia 20:7 ပူးပေါင်းရင်းမြစ်များ

II. Je Than 2:23

Ke e ame he ûheny e Beth-ela ai; ke ame he eû hnyi gethen, me ame o je wainda ûnyi hnyi taun, me hluma e, me ha, ka habe, Hadroû, ölö thö; hadroû, ölö thö.

Jobu 12:4

Oge me ûcû me at ame hluma gan hnen waeny, Waleji at ame hongot ka Khong, me e ame thu; Adre me hluma ge at ae wisa, me so hwakecin.

Jobu 30:9

Ke walang ang ödrin e sit hwahnök, Eke, inya ang taben ûhiö ködrin;

Salamo 119:51

E gan hmâ hna hlumö nya ge tavat bi gan: Ke so bi oge me ca hia but saû ûnyi hnyi ânyâm hnanyibu.

Isaia 8:11

Anyin a walang hna ha hnö Iehova könya me man ae hwege, me nö nya mʼ inye ca he ka vheno gethen deny tavat ang, me ha, ka habe,

Jeremia 15:10

Ekölö gak, bai lö, anyin a u je hnokoâ at ae iwatretra, ke at ivino me hmeledrany hia! oge ca hia but më ham mone hnân troban, ke haba khaca adre ca më ham mone könya hnân troban; ke so bi, ödra hia adre me hangö nya.

Jeremia 15:18

Anyin a ieû a e bala bi anyik vec, ke ba eny hnok aat, ke ame ca bemetu? hawa, u me he ka helâ me wagewe ame iyawo, a köiö ame hme?

Jeremia 17:16

Ke haba inya oge me ca ie ngâ he ka at tuö mamoe hotom; ke haba khaca, oge me ca hia but weny bonginy vec; e khanö u; e hnyi hnyimâkâm hofuc ame he but ûnyi hnyi li esongodik.

Jeremia 20:9

Ke oge me ha, ka habe, Oge me ca he ka hâiâ e, me fuc hmetu hnyi ien, ke haba, e bi û hnyi hnyekuk helâ me meic ae mot, adre hlöng hnyi hnyin je jeiok, ke iny sënyin dut anyin hokhnyok, ke pason.

Jeremia 29:26

A hia but Iehova otilö u hnân at bihut hwabö Jehoiada at bihut, mʼ öbun e he ka musi hnyi uma umö Iehova, ka tavat ae monu, me tavat adre me wiʼ ödra hnân perofeta, mʼ adre me hnʼ ödra ka hnyi utö hnân ce at hnyin, me je tö a fao.

Jeremia 38:19

Me Zedekia ame ha kö Jeremia, ka habe, Iny outen at Juda tavat adre hia but utut ka at Kaledaia, wâ adre nye he ka hnö nya ka hnyi je hnya-mödra mʼ adre me he ka hlumö nya.

Je tenge anyi Jeremi 3:14

Iny taben ûhiö ka tavat hia; ke adre me khumöngi nya hnyi je bong.

Ezekiela 3:14

Me hanu ame köp nya göranyai, me hum nya: ke oge me he but, ke iny vec me hmonyin, ke e hwege hnyamö Iehova huk.

Hosea 9:7

A o thö je bong bi hwaban, a o thö je bong he ka oûco; kʼ ame he Isaraela ka wâ e: at ae monu perofeta, ke monu at ae tren hanu, anyin ae se but ânyâm je hulo, ke gan hmâ ûöhûköti.

Jona 4:2

Me e ame hic kö Iehova me ha, ka habe, Iehova lö, hawa, ca hok e ke tiga inya bi hnyi ik hnyei? Anyin a wale oge me kec ehac Tasesa ai: anyin ae khanö nya a u Khong ae betenge, me betenge vec, me bec he ka hmonyin, ke gan hmâ so, ke at ame ietra ûnyi ae kong.

Mika 3:8

Ke hnathu a iny unöngötö ge man ûnyi ge hanu Iehova, ke ûnyi ge hna owisa, ke tang hwege he ka omanenâ kö Jekob hnen hna hanyâûâ, me kö Isaraela anyin hulo bi.

Luka 16:14

A long ut ta je ûnyi e ta je Faresaio, vat ae behnyekudra omjeû; me adre me hiâ e.

Luka 23:11

Ke haba Heroda me anyin je soja adre me hmiödra e, me hluma e, me okhavâ e ge ûkhaû ae hmanenang, me kunâ hmetu e kö Pilato.

Ta je huliwa 17:18

Me ame ivinö me keihen hnyat bemetâ a latö Epikureo, me hnyat Setoiko. Haingen keihen ka habe, Ieû ame he ka ha hnen at ang ame fuc bebehu? Ke haingen keihen, ka habe, Haba e, me helâ me at ame omanenâ ta je khong kanyua: anyin a e ame kheti Iesu ke möt hmetu.

Ta je huliwa 17:32

Adre me long möt hmetu ûnyi hnyi hna mok, me haba keihen adre me hiâ; ke haingen keihen, ka habe, Ohmun e he ka ling u hmetu ge ûnyi e hnyi ke ûen.

I. Korinito 9:6

Hawa, hake inya me Banaba ae ûcû köhmu thibi he ka hamöhmu degecâ huliwa hnyi unyin?

Heberu 11:36

kʼ adre me cubec keihen ge ûhiö me ûkûc, eke, adre me cö ʼdra me ip ödra hnyi uma ceat: