Jeremia 20:5 - Iaai Bible 1901 (New Caledonia)

⁵ Ke haba khaca oge me he ka hna tang omjeûiny taun ang, me ta je troban gan, me ta je ûnyi ae ûnyi hnathu hnyin, eke, ta je omjeû anyin je than Juda hia, oge me he ka ham ka hnyi hnyamen ta je iwahnaihmiony mödra, ke adre me he ka sei ödra, me hum ödra, me tha he mödra Babulona ai.

Jeremia 20:5 ပူးပေါင်းရင်းမြစ်များ

II. Man Ûlabainy Je Than. 36:10

Kʼ a o hmetu huna, haba Nebukaneza a than ame ûkhûnöng, me adre me hom e Babulona ai, tha e me ta je kaiainy uma umö Iehova, me otilö Zedekia, liamekeiny me Jehoiakin hnân thaniny Juda me Jerusalema.

Isaia 39:6

Wâ bi, ame he ka o ta je bong, me adre me he ka tha hom Babulona ai ta je ûnyi hnyi umâm uma, me ta je ûnyi a hip hnen lakâmâm ke ne o but hnyi bong ang: ke ame he ka ba kolon ame ha Iehova.

Jeremia 12:12

Ame he but tavat sei hon je dok hia ae gorany hnyi hnyebuba: anyin a hele vat anyi Iehova ame han, hwân hnyi ke obiny hnyei ke ne o but hnyi ke obiny, ke ba bi hnahic ka ke at.

Jeremia 15:13

Oge me he ka ham manâm man me tang omjehem hnân söh ke ca ge hwaban, ke can bi ânyâm je hulo hia hnyi je hnyigöulâm hia.

Jeremia 17:3

Anyik bucen hnyi utkânâ lö, oge me he ka ham ânyâm ta je ûnyi me je tang omjehem hia, hnân söh, me ânyâm je dok ae gorany hnyi ta je hnyigöulâm hia thithö, can hulo.

Jeremia 3:24

Ke haba hna hmehman ame ohia huliwa anyin lakamöta hwân kʼ öta tiga hidröu; wale haledra je hnahat mamoe me kau, je lakudra obaga me wahlu.

Jeremia 32:24

wâ bi je kânâ adre hlu goranyai, adre me o but hnyi taun he ka hûgûnâ e; ke adre me hna taun ka at Kaledaia, tavat adre me vat më, can hele vat, me hmiâ, me mok ae cap: ke ame hwâdâ thö hnâm hna ha; ke, wâ bi, u je wâ.

Jeremia 39:2

ke haba hnyi huna a eleveni Zedekia hnyi tehi a vakiny, hnyi bong a naniny tehi, adre me thö hmouca haginy taun:)

Jeremia 39:8

Ke haba at Kaledaia adre me thong uma umen than, me je uma umen tavat ge meic, me kia hna up haginy Jerusalema.

Jeremia 4:20

Adre me hongot ûhangö me ûhangö; anyin adre söh hia thö hnyei: adre ie söh umök je uma mano, me anyik je hak mano helâ me thuthubadecmak.

Je tenge anyi Jeremi 1:10

Haba iwahnaihmiöny ame inâ hnyamen ka hnyi anyin ta je ûnyi hia ae kese: Anyin e ame hia but wâ je wanaithila a gʼ adre me hia but dit ka hnyi anyin dok ae kap, Waleji u je ha a gʼ adre me ca he ka dit ka hnyi ânyâm ûkhacaköu.

Je tenge anyi Jeremi 1:7

Hnyi bonginy vec me hmak, Jerusalema ame ûnykûme Ta je ûnyi gan ae kese hwân hnyi je bong kâû ehac: Hnyi ûen ame ta anyin tavat ka hnyi hnyamen iwahnaihmiöny, ke ba at ame hadruâ e, Ame wâ e hnen je iwahnaihmiöny, adre me hlumâ ta je hna okongoâ e.

Je tenge anyi Jeremi 4:12

Ame ca ûnykûme je thaniny hnyei me tavat adre me labâ hmeledrany, A gʼ ame he ka dit hnyi homagouleny Jerusalema iwahnaihmiöny bi ke at ame tot metâ.

Ezekiela 22:25

Anyin je perofeta adre me si hnân hnyi wanben, helâ me liona ame kuku ame oloû kia haniny: adre hia but an at; adre me hûgûnâ omjeû, me ta je ûnyi ae ûnyi hnathu; adre hia but osehia je safaciny hnyi wanben e.

Daniela 1:2

Ke haba Than ame hnö Jehoiakima than Juda ka hnyi hnyamen, tha e me ke je omjehen uma umen Khong; me e ame sukhöûnâ ka hnyi hnyei Sinara ka hnyi uma umen khongon: ke e ame ip je omjehen ka hnyi uma omjeû umen khongon.

Hosea 13:15

Eja ke ne a ne se hia but e unyin je liamekeiny, ame he bi ka o ang hwei wale ang anyi Iehova unyi hnyi hnyebuba, me me hwahwacit anyin pupua, me hme belen an: e ame he ka soh tang omjeû hia ae hmanenang.