Jeremia 20:3 - Iaai Bible 1901 (New Caledonia)

³ Ke haba nyi Pasur ame hum Jeremia ûnyi hnyi utö adre ce at hnyin. Me Jeremia ame ha kâu, ka habe, Ame ca he Iehova ka ha hmetu iâm me Pasur, ke jia bi a Magora-misabibi.

Jeremia 20:3 ပူးပေါင်းရင်းမြစ်များ

Genese 17:15

Haba Khong ame ha kö Aberahama, ka habe, Haba Sarai âiâm, u me ca he hmetu ka hawâ, Sarai, kʼ ama Sara bi ien.

Genese 17:5

Ke adre me ca he hmetu ka hwenyi iâm, me, Aberama, ke Aberahama bi iâm; anyin a oge hia but wiö u me kamen ta je hnyei ae se.

Genese 32:28

Me e ame ha, ka habe, adre me ca he hmetu ka hao u Jekob, ke Isaraela bi: anyin a u je hia but nâ hwegiâm me Khong me tavat, ke ne u hwege.

Salamo 31:13

Anyin oge hia but long hna bifuco hnen tavat ae se, Kʼ adre me öbubuny hnyi je ke keihen hia: Ke adre me tiga tha fakatau nya, Me adre me sihnök he ka ohia anyik möt.

Isaia 8:3

Ke oge me he but ka perofeta momo; ke e ame erkin me hnokoâ da. Haba Iehova ame ha könya, ka habe, Hwenyi ien ju Mahera-salala-hasa-baza.

Jeremia 19:2

ke he thö ka hnyi hnyigöulen bucen anyin nöku Hinom, ae hnyi homagouleny Harsith, ke khetâ thö eling ta je hofuc oge me he ka ha köu:

Jeremia 19:6

anyin a wale, wâ bi, ame he ka o je bong, haingö Iehova, ke adre me ca he hmetu ka ha ka dok ang Tofet me hnyigöulen bucen anyin nöku Hinom, ke so bi, Thopiny hlingö at.

Jeremia 20:10

Anyin a oge hia but long hna ûhaikonguny hnen tavat ae se hia, me hna öbubuny hnyi je ke keihen hia. Haingödrin a je hing waek, tavat adre me tuö hnok hna haûhaû, ka habe, Haikongoâ ju e, mʼ ohmun e he ka hnyi haikongoâ; ame ne he ka hmehmela mʼ ate me he ka hwege hon, mʼ ate me he ka bi hwaban kâu.

Jeremia 29:29

Ke haba Zefania at bihut ame aû tusi eling, ke ame löng Jeremia perofeta.

Jeremia 46:5

Anyin a ieû oge me wâ e? adre me ot me hmetuhmetu; ke adre kot anyidra je taben, adre me kec hwege me ca hwio bi: e hu ûnyi hnân ootâ igigilo, haingö Iehova,

Jeremia 6:25

Ca he but ka hnyi ta hnyei, ke ca vheno gethen; anyin ae hu hele vat eling anyin iwahnaihmiony, me hnân ootâ hnyi je ke keihen hia.

Jeremia 7:32

Anyin a wale, wâ bi, ame he ka o je bong haingö Iehova, ke adre me ca he hmetu ka haiö Tofet, me hnyigöulen bucen anyin je laku Hinom, ke so bi hnyigöulen bucen hnân hlingâ at: anyin adre me he ka khon komok hnyi Tofet ke ne o but ame ba but hnen.

Je tenge anyi Jeremi 2:22

U je hia but hawâ helâ me hnyi bonginy ûkhacaköu ae ûnyi hnathu, ta je ûnyi hnân ooti nya igigilö, Ke ba at ame kec mot me kolon hnyi bonginy hmonyin anyi Iehova: A hia but oâûâ hnen iwahnaihmiony mönya tavat waleji oge me kap me hat.

Ezekiela 13:9

Ke ame he hnyamok ka ve e me je perofeta tavat adre me wâ ûnyi ae ûnyi baû, me bi khong thoi; adre me ca he ka hnyi hanen ûhnenamö anyin lakeik, ke adre me ca he ka sihnalimidra hnyi tusiny lap anyi Isaraela, ke adre me ca he ka o ka hnyi hnyei Isaraela; ke ame he ka khanʼ öbun a inya Iehova.

Ta je huliwa 16:30

me hum ödru but hnyou ai, me ha ka habe, Li than lö, ieû hanymök oge me he ka ânyâ me inye mödrut?