Jeremia 20:13 - Iaai Bible 1901 (New Caledonia)

¹³ Khumöng dö kö Iehova, oganö Iehova thö: anyin a e ame hia but hûgûnâ hanon at ae theduoc ûnyi hnyi hnyamen tavat ae kong.

Jeremia 20:13 ပူးပေါင်းရင်းမြစ်များ

Salamo 34:6

Ame hongot dö at eang ame hom vec, kʼ ame long ut Iehova, Me omelo e ûnyi hnyi anyin ta je vec hia thithö.

Salamo 69:33

Anyin a Iehova ame long tavat ae theduoc, Kʼ ame ca hûkotiâ hnyat e ame ca.

Salamo 72:4

E ame he ka owisa tavat ae vec hnyi hnyei, E ame he ka omelo lakon tavat ae ba ta ûnyi, Me thu omomono at ame ûokonguny.

Isaia 25:4

Anyin a u thibi hnabâ ka at ae vec, me hnabâ ka at ae theduoc hnyi anyin hmak, me hnedrong hnyi weneû, me hna baelelu hnyi kahwa, e ka helâ me weneû anyin tavat ae hwege hnyimakodra ka hnyi hna up veto.

Jeremia 15:21

Ke oge me he ka hûgûnö u ûnyi hnyi hnyamen tavat ae kong, ke oge, me he ka ûco melam ûnyi hnyi hnyamen tavat a ödra wathethot.

Jeremia 31:7

Anyin a walang hna ha bnç Iehova, ka habe, Khumöng senyin dö ga Jekob, me hongot dö ge hnyei ae beönua: haimemenâ thö, ogânâ thö, me ha, ka habe, Iehova löomelö thö lakem, a je kolon hnyi Isaraela.