Jeremia 20:12 - Iaai Bible 1901 (New Caledonia)

¹² Iehova tuhan sabaoth lö, at ame cubec tavat ae wisa at ame wâhmakhmeto je hna ûnykûme me je hnyok, e so oge me he ka wâ hnâm hna bi hwaban kodra; anyin oge hia but omanenâ köu hok hofuc.

Jeremia 20:12 ပူးပေါင်းရင်းမြစ်များ

II. Man Ûlabainy Je Than. 24:22

Haba Joasa than ame ca ûnykûme ibetengiö anyi Jehoiada a kamen, kʼ ame hlingâ nokon bi. Ke ame tiga he but ka mokcu, me haingen, ka habe, E na wâ ju Iehova me bi hwaban.

Salamo 11:5

Iehova ame cubec at ae wisa: Ke e ame hûkotiâ at ae kong, me at ame beûokonguny eû hnyi hnyekon.

Salamo 139:23

Khong lö, elölöm nya thö, me wâ thö hnyekuk: Cubic nya ju, me wâ thö je ûnykûmenök:

Salamo 17:3

U je hia but cubec hnyekuk; me sene nya hnyi lit; U je hia but cubic nya, ke ba wânâm; Oge me ip hmâ eû hnyi hnyekuk a gʼ ame ca he hnyimök ka hanyâûâ.

Salamo 54:7

Anyin a e ame hia but omeli nya hnyi je vec hia thithö; Ke a hia but wâ hnen li emakök ûnyi oge me wek ka ta je iwahnaihmiöny mönya.

Salamo 58:10

Ame he at wisa ka senyin, e ka wâ hna bi hwaban: E ame he ka hneû li can hnyi dren at ae kong.

Salamo 59:10

Ame he Khongon anyik betenge ka ûkhanö mönya Khong ame he ka hna könya ka wâ wek ge je iwahnaihmiony mönya.

Salamo 62:8

Tavat lö, labageju thö kâu hnyi je bong; Hingâlâ but je hnyekubun hnyi hnyimakan: Khong thibi hnöta hnabâ. [Sela.

Salamo 7:9

E na hu obiny ju monu anyin tavat ae kong, ke otethmâ ju at ae wisa: Anyin a Khong at ae wisa ame elâm ta je hnyok me ta je ûnykûme.

Salamo 86:4

Osenyinâ thö hanon athnyabaem; Anyin oge me ogöranyâ hanuk köu Than.

Isaia 37:14

Ke haba Hezekia ame kap tusi ûnyi hnyi hnyamen je ûthumetu me ame aû: me Hezekia ame he ka hnyi uma umo Iehova, me e ame ulolo e hnyi hnyimakö Iehova.

Isaia 38:14

Inya oge me fufuc helâ me wahalep me âiâ, Inya oge me tenge helâ me biny; e hanenak ut li emakök anyin bwela göranyai; Iehova lö, iny vec, u na he ju ka sing nya.

Jeremia 11:20

Ke Iehova tuhan sabaoth lö, at ame owisa wia, at ame cubec je ûnykûme me hnyok, e so oge me wâ hna bi hwaban kodra gam: anyin oge hia but omanenâ hok hofuc köu.

Jeremia 12:8

Haba ik hnyei me helâ me lioüa hnyi hnyot: e ame fuc hwege könya; anyin a wale, oge hia but hûkotiâ e.

Jeremia 17:10

Inya Iehova at ame elâm hnyok, oge me cubec ta je hna ûnykûme, he ka ve ham ka tavat hia helâ me dedra ta je gethen, me helâ me wan anyidra ta je huliwa.

Jeremia 17:18

E so e hmehma tavat adre mo sedö nya, ke ca hnö nya bi he ka hmehma: e so ödra hlohlo, ke ca hnö nya bi he ka hlohlo: oâ ju kodra bong ae kong, ke ohiʼ ödra but, me olo ohia.

I. Peteru 2:23

waleji adre oû, ke ame ca hnyi fuc bi; kʼ adre ovecâ, ke e ame ca ha ooti ödra hmetu; ke e ame ka hna e bi ka at owisa hnathoâ:

I. Peteru 4:19

Anyin a wale e so ka tavat adre me vec hoton weny Khong he ka ânyâ hwakecin ae so me hna je hanudrin kâu at ae hnathu, a At ame op.

Hna Omanenâ 18:20

U ma senyin dö gan drany lö, me öbun wakap, me ta je aposetolo, me ta je perofeta; anyin a Khong ame liia but bi hwaban kâu cabun bi.

Hna Omanenâ 2:23

Ke oge me he ka hlingâ lakon ge mok; ke ame he ta je ekalesia ka khanʼ ödra, ka habe, inya ang at ame elâm ta je ûnykûme me ta je hnyok: ke oge me he ka ve ham köbun hoton anyibun ta je huliwa.

Hna Omanenâ 6:10

ke adre me ha hwegiâ, ka habe, Tabony Than lo, at ae kap me hnathu, ke ne o but kehö u me ca he ka hnö me bi hwaban dröhmun hon tavat adre me laba eang hmeledrany?

I. Samuela 1:15

Haingö Hana ame thu, ka habe, Eba, than lö, inya momo ae vec hnyekon, ke oge ca ic waina bi me grâg, ke so bi oge me hingâlâ hnyekuk hnyi hnyimakö Iehova.