Jeremia 20:11 - Iaai Bible 1901 (New Caledonia)

¹¹ Ke e bi Iehova unyik helâ me taben vat ae hwege: anyin a wale ame he ka haûhaû but tavat adre me hnu nya, me ca tudra bi: adre me he ka hmehma gan hmâ, anyin a ca tudra bi, adre me ca he ka hnying anyidra hmehma nyiele balua.

Jeremia 20:11 ပူးပေါင်းရင်းမြစ်များ

Salamo 129:2

Adre hia but osehia oveci nya hwân kʼ iny tiga hidröu; Kʼ ödra ca hwege bi huk.

Salamo 35:26

E so e tha hmehma me lolo tavat adre me senyinâ hna okongu nya: E so e he hmehma me haikongoâ ka khavâ tavat adre me bi gan könya.

Salamo 40:14

E so adre me he ka hmehma me tha monumonu Tavat adre me elâm hanuk he ka ohia e: E so adre me he ka ohmetuhmeto me ohmehma Tavat adre me senyin ge hna okongu nya.

Salamo 47:2

Anyin a Iehova Beönua at hnân outen; E than ae gan hmâ hon hmeledrany hia thithö.

Salamo 6:10

Ame he ka hmehma me ot gan hmâ ta je iwahnaihmiony hia thithö mönya: Adre me ne ka hmetuhmetu, kʼ adre me he ka ie hmehma.

Salamo 65:5

Khong lö, at ame omeli ohmun, U me he ka thu kohmun ge ta je ûnyi hnân outen hnyi hwakecin ae wisa. U thibi at adre me labageju kâu ke ne o but hnyi je can hmeledrany, Me hnyi köiö hnyi dok ae sâkâû:

Salamo 66:5

Ai öbun ka wâ ta je huliwa anyin Khong; Hnân öbubuny gan hnyi hnen hna ânyâ hon ta je lakon at

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Isaia 41:14

Ca ot bi u Jekob a waahnyöng, ke öbun tavat Isaraela; haingö Iehova, ka habe, Oge me he ka hadruo u; ke haba at ûhomeli u, me Kabi Isaraela.

Isaia 45:16

Adre me he hia thithö ka hmehma me hlohlo: adre me he ka he me tha monumonu, tavat adre me bi idola.

Jeremia 1:18

Anyin a wâ bi, oge hia but wiö u hnyi bong ang me hnân taun adre up haginy, me hmolom fao, me hak bras, ûcon tavat hia, ûcon je than Juda, me je taben e, me anyin tavat bihut, me tavat aten hnyei.

Jeremia 1:19

Ke adre me he ka vat möu; ke adre me ca he ka hwege hom; anyin a tha inya möu he ka omeli u, haingö Iehova.

Jeremia 1:8

Ca he bi ka ot gadra: anyin a tha inya möu be ka omeli u, haingö Iehova.

Jeremia 15:15

Iehova lö, u je wâ but: ûnykûmi nya ju, me senö nya, me bi hwaban ka tavat cak, ka tavat adre me sedö nya, ca hom digic nya hnyi hnâm hna ling vec ae beûhmâ: khanö u thö a adre hia but haikongu nya can iâm.

Jeremia 15:20

Ke oge me he ka wiö u ka tavat ang hnân hak bras ae hwege; ke adre me he ka vat möu, ke ame ca he ka tudra: anyin a tha inya möu he ka tuö u, me omeli u, haingö Iehova.

Jeremia 17:18

E so e hmehma tavat adre mo sedö nya, ke ca hnö nya bi he ka hmehma: e so ödra hlohlo, ke ca hnö nya bi he ka hlohlo: oâ ju kodra bong ae kong, ke ohiʼ ödra but, me olo ohia.

Jeremia 22:22

Adre me he ka han tavat adre me tuö halem ta je mamoe ge ang, ke ame he je oûnykûmâm ka bâ; me u me he ka hmehma me hlohlo can ânyâm ta je monu hia thithö.

Jeremia 23:40

ke oge me he ka wiʼ öbun hnân haikongoâ nyiele balua, me hnân hmehma nyiele balua, a ca hnân he ka hnying.

Jeremia 32:18

at ame omanenâ tang betenge ka ta je dö a thauzan, me bi hwaban hulo anyin je kamen ka hnyi ûlainy ta je lakudra hwabödra: Khong ae gan hmâ me man. Iehova tuhan sabaoth ien:

Daniela 12:2

Ke se hia tavat adre me mokut eû hnyi kânâ adre me he ka hmak hmetu, keihen ka hnyi möt nyiele balua, ke keihen ka hnyi hmehma me ikikiâ nyiele balua.

Roma 8:31

Ieû ate me he ka ha hnyi ta je ûnyi e? A ne tha hien mʼ öta Khong, ia ûcûta?

II. Timoteo 4:17

Ke so bi ame tha tot mönya Than, me ham könya man; me me he ka ti manen dut gak hna khetâ hofuc, me me löng hia Aten ta je hnyei: ke iny möt bi ûnyi hnyi hnyimen liona.