Jeremia 2:6 - Iaai Bible 1901 (New Caledonia)

⁶ Ke haba khaca, adre me ca ha ka habe, Ewa Iehova at ame suʼ öta ûnyi hnyei Aigupito; at ame hum öta hnyi hnyebuba, wanben hnyei a hnyei baga me hu je uthankong, hnyi hnyei ae hwahwacit me hmenon mok, hnyi hnyei ame ca vheno hnen at, ke ba at ame labā e?

Jeremia 2:6 ပူးပေါင်းရင်းမြစ်များ

II. Je Than 2:14

Ke e ame hom ûkhaû anyi Elia, wale a kolu gan, me kot wagewe, me ha, ka habe, Ewa Iehova Khongu Elia? ke a hia but kot wagewe me ame khekhe lo but, me Elisaia ame he hanyâûâ.

Jobu 3:5

E so ame he lit me hanon mok ka hom e: E so he ka tube e ge ûlâ; Me ootâ e ge menekholom hnyi jebigö.

Jobu 35:10

Ke ba at ame ha, ka habe, Ewa Khong at a up nya, At ame ham je khumöng hnyi hnyi nghet;

Salamo 23:4

Eke, oge ne vheno hnyigöulen bucen a hmenon mok, Me oge me ca he ka outen ûnyi ae kong; anyin a tha u mönya: Kʼ ame okahwö nya ânyâm utömhu me cem uci.

Salamo 77:5

Oge hia but ûnykûme ta je bong kâû adrem, Wale ta je huna adrem balua.

Esodo 20:2

Inya Iehova Khongom, at ame hum u ûhem hnyi hnyei Aigupito, ûnyi hnyi hnyaban ûthaluo.

Isaia 63:9

E ame tha vec mödra hnyi anyidra ta je vec hia, ke e ame omeli ödra ge angelainy hnyimakan: e ame ûcû ödra hnyi anyin ibetengiö, ke hnen hna betenge baû; ke ame hum ödra me kop ödra bala bi hnyi je bong ehac.

Isaia 64:7

Ke ba at ame hawâ iâm, me ka bwebwelâ e bi me me he ka kot u: anyin a u je hia but ikhâlâ hnyimâkâm gahmun, ke u je oauʼ öhmun hnen je hwakecin ae monu öhmun e ânyâ.

Jeremia 13:16

Hna but kö Iehova Khongubun hna ogânâ, e me tiga ca omenekhulumâ, ke e me tiga ca haû je cabun hon je bucen ae lit; ke öbun ka tiga halubahingen melam me e ame wia bi ka hnyi hmenon mok, me lit ae gan.

Jeremia 2:2

He thö, hongot dö hnyi je hnyikonyen Jerusalema, ka habe, Walang hna ha hnö Iehova, ka habe, Inya oge me ûnykûmi u wale ge hwakecâm ae menyik ku tiga hlu, me ânyâm betenge waleji hnyi hnâm hna ûköcö: waleji hnyi hnâm hna he hotuk hnyi hnyebuba, hnyi hnyei adre ca belökâ.

Jeremia 2:8

Haba tavat bihut adre me ca ha ka habe, Ewa Iehova? ke haba tavat adre me huliwan hnanyibu, me ca khanʼ ödra inya; ke haba tavat musi adre me ûkhin fuc mönya, ke haba je perofeta adre me perofeta ga Baala, me hnu hoton ta je ûnyi ae ba troban.

Jeremia 5:12

Adre hia but ivino Iehova, me ha, ka habe, Ca e bi; ke ame ca he ka o köta ûnyi ae kong; ke ate me ca he ka wâ hele vat me hmiâ:

Jeremia 5:2

Ke adre me ne he ka ha, ka habe, Kia inya Iehova; e hnathu, adre me khemanyin thoi.

Jeremia 51:43

A hnyot ut anyin je taun, hnyei ae hwahwacit, me hnyebuba, hnyei ae ba at ame he ka labā, kʼ ame ca he hnyin ke nokon at.

Hosea 12:13

Ke haba Iehova ame hum Isaraela ûheny Aigupito a deny perofeta, me tuö e a deny perofeta.

Hosea 13:4

Ke inya Iehova Khongom ûnyi hnyi hnyei Aigupito; kʼ ame ca he ka khanö u ke khong ke hake inya thibi, ke ba at ûhomeli ke hake inya ke.

Amosa 2:10

Ke oge me hum öbun minya ûnyi hnyi hnyei Aigupito, ke lili öbun hnyi hnyebuba fâte je huna, mʼ öbun e he ka hu hnyei iny at Amora.

Mataio 4:16

Haba tavat adre me laba hnyi menekholom Adre me wâ melam ae gan, Ke haba tavat adre me laba hnyi ke keihen hnyei a hmenon mok, Ame o but melam kodra.

Deuteronomi 1:19

Ke ûheta Horeba me ötin e vheno hnyebuba ae gan me hnân outen, waleji öbun e wâ, hnyi gethen ûheny hnyi bucen iny at Amora, hoton hnö Iehova Khonguta hna hûna köta, mʼ ate me o but Kadesi-banea.

Deuteronomi 32:10

E ame wâ e hnyi hnyebuba, Ke hnyi dok ae hnyot ke ba aten, ke je meno thibi adre me kuku; Me e ame igigilöâ, me nâ e, Kʼ ame tuö e helâ me wan li emakan.

Deuteronomi 8:2

Ke u ma he ka ûnykûme gethen hia waleji a hum u hnyin Iehova Khongom, hnyi je huna a fâte hnyi hnyebuba, me me oûhnyûkongi u, he ka cubic u, me me wâhmakhmetoâ ûnyi eû hnyi hnyekom, hawa, u me ne he ka tuö hnen je hna hûna, kʼ u je ne höcö bi.

Owisa 6:13

Ke haba Gideona ame ha kâu, ka habe, Tuhok lö, ame ne e but Iehova unyihmun, ieû can ame o kohmun ta je ûnyi hia eang? ke ewa anyin je ûöman hia wale a thumetu ohmun hnen lakamöhmun, ka habe, A ca hum ohmun Iehova ûheny Aigupito! ke walang ang a hia but Iehova digic ohmun bi, me hnʼ ohmun ka hnyi hnyamen at Midiana.