Jeremia 2:36 - Iaai Bible 1901 (New Caledonia)

³⁶ Anyin a ieû u me labö ngenu monu gan me wia dem je gethen? u me he ka hmehma ge Aigupito, helâji me hnâm hna hmehma ge Asuria.

Jeremia 2:36 ပူးပေါင်းရင်းမြစ်များ

II. Man Ûlabainy Je Than. 28:16

Ke haba hnyi ûen eling Ahaza than ame ûkhûnöng ka je than Asuria he ka hadruâ e.

Isaia 20:5

Ke adre me be ka ot me hmehma can at Aithiope wale adre me geju kodra, me can at Aigupito wale adre me hobeluâ.

Jeremia 2:18

Ke walang ang ieû u me ânyâ hnyi gethen ûheny Aigupito, he ka ijem köiöiny Sihora? ke ieû u me ânyâ hnyi gethen ûheny Asuria, he ka ijem köiöiny Wagewe?

Jeremia 2:23

U ma kâmâu he ka ha, ka habe, Iny ca monu, kʼ oge me ca hnu hoton ta je Baala? wâ ju dem gethen hnyi hnyigöulen bucen, khanö u thö hnâm hna ânyâ: u nak kamela ame he logot, ame he monu hnyi dem gethen:

Jeremia 2:33

U je ti theibi u bi he ka ûköcö! anyin a wale u je nâ je momo ae kong ge je hwakecâm.

Jeremia 22:20

Ölö thö Lebanona ai me hongot; ke hongot dö goranyai hnyi Basana: me hongot hnyi Abarima; anyin adre hia but ohia je oûnykûmâm.

Jeremia 22:22

Adre me he ka han tavat adre me tuö halem ta je mamoe ge ang, ke ame he je oûnykûmâm ka bâ; me u me he ka hmehma me hlohlo can ânyâm ta je monu hia thithö.

Jeremia 31:22

Ke ne o but kehö u me he ka he monu, u hlu ame labö kolu? anyin a Iehova ame hia but op ûnyi ae teb ûnyi hnyi hnyei, ame he momo ka ton ge baga.

Jeremia 37:7

Walang hna ha hnö Iehova, Khongu Isaraela, ka habe, Ha thʼ öbu ka than Juda, at a kunʼ öbu könya ka hnei nya, ka habe, Wâ bi, haba utbavat anyi Farao tavat adre me o he ka hadruʼ öbun, adre me he ka hmetu Aigupito ai ka hnyi idra.

Jeremia 46:12

A long ut ta je hnyei ânyâm hmehma, kʼ ame unöngötö hnyei ge ûtengiâm: anyin a at ae hwege ame haû ge at ae hwege, kʼ ödru me tha ta ju.

Je tenge anyi Jeremi 4:17

Ame dit je emaköhmun ge hnöhmun hna elâm ûhadruöhmun ae ûnyi baû. Hnyi hnöhmun hna hmak ohmun e hia but hmâkâ ke hnyei ae ca khana he ka omeli.

Je tenge anyi Jeremi 5:6

Ohmun e hia but ham hnyam me nom ka at Aigupito, Me at Asuria, me me hnyi sekuhmun.

Ezekiela 16:28

U je hia but minya bi ûnyi monu me at Asuria, anyin a u me ca hmâ; eke, u je hia but bi ûnyi monu mödra, ke so bi u je ca sekon bi.

Ezekiela 29:7

Ödra ka köt u hnen hnyam, me u me hmetru, me ovec-hmwiâ je bajebenyidra hia: ke ödra ka ci gam u me hmetru, me öbubunyâ je jevadra hia.

Hosea 10:6

Ke adre me he minya ka hom e Asuria ai hnân bwihlany kö Jareba than: ame he Eferaima ka hmehma, ke ame he Isaraela ka hmehma ge hnen hna ûhnenamö.

Hosea 12:1

EFERAIMA ame an ang, me wadring hoton ang hwei: e ame osehia thoi me öba wan hnyi je bong; ke ödrin e ûhi-hinyköu me at Asuria, me hok wakaco Aigupito ai.

Hosea 14:3

Ame ca he Asuria ka omeli ohmun; ohmun e ca he ka tabâ je hors: ke ohmun e ca he hmetu bi ka ha ke je huliwa anyin je hnyamöhmun, ka habe, Obun je konguhmun: anyin ame wâ unyâm betenge ge tavat a mokcu kamödra.

Hosea 5:13

Ke a wâ but Eferaima anyin mok ke a wâ but Juda hnân aat, me haba Eferaima ame he Asuria ai, kʼ ame ûkhûnöng kö Jareba than; ke ca khana bi he ka omeli u, me ometo hnobun aat.

Hosea 7:11

Ke e ûcû Eferaima me biny ae ûnyibaû me ba hnyekon: adre me hongot ka Aigupito, me he Asuria ai.