Jeremia 2:34 - Iaai Bible 1901 (New Caledonia)

³⁴ Ke adre me wâ minya hnyi obiny ânyâm je ûkhaû dren tavat ae theduoc ae ba hnyikongudrin; oge ca wâ e hnyi dek adre thu ka hnyin, ke hon je ûnyi e hia.

Jeremia 2:34 ပူးပေါင်းရင်းမြစ်များ

II. Je Than 21:16

Ke haba khaca, Manase ame hingâlâ dra ae ba hnyikongon e ti gan, ke ne o but ame ti unöngötö Jerusalema gan hnyi je ke keihen hia; me anyin minya hulö wale ame okûâ hwakecin ae kong anyin at Juda, wale he ka ânyâ ûnyi ae kong hnyi hnyimakö Iehova.

II. Je Than 24:4

me can minya dra ae ba hnyikongon, waleji e ame hingâlâ; anyin a e ame ounöngötâ Jerusalema ge dra ae ba hnyikongon: ke ame höcö Iehova he ka hna degecâ.

Esodo 22:1

A NE be at ka venâu kau, ame ne mamoe, me hlingâ e, ame ne ûco; me ame he ka ham thabûng ta kau me hwaban ke kau, me je mamoe a vak me hwaban ke mamoe.

Esodo 22:2

Adre ne kât at hnyi ûen e ame tiga venöu, ke adre kot moko e, me ba dra hnân bi hwaban.

Isaia 57:5

öbun tavat ame ka öûjöngöi öbun hnyi hmelen je iwajo me je ûö hia thithö ae hât; tavat adre me hlingâ je wanakat hnyi hnyigöulen je bucen hmelen je hmakat hnyi kic.

Isaia 59:3

Anyin ae kong ut je hnyamöbun ge dra, me je banyöbun hnen hulo; ame ha thoi hnen je esongodibun, ke ame fuc monu je bohmöbun.

Isaia 59:7

Ke ame wadring je cadra ka hnyi hulo, kʼ adre me logot hingâlâ dra ae ba hnyikongon: je ûnykûme ae kong je ûnykûmenödra; ke eû hnyi anyidra je hna cit gethen hnaûhango me ûokonguny.

Jeremia 19:4

Anyin adre hia but hna degeci nya me okebongonâ bi dok ang, me leû utö eang ae bo so ka ke je khong, waleji ae ca khanʼ ödra, ödra me je lakamödra me je than Juda; ke adre hia but öunöngötâ dok ang ge dra dren tavat ae ba hnyikongudrin:

Jeremia 2:33

U je ti theibi u bi he ka ûköcö! anyin a wale u je nâ je momo ae kong ge je hwakecâm.

Jeremia 6:15

Hawa, ödra hmehma can ta je ûnyi ae ikiki adre me ânyâ? e ba, ke ba ong hmehma gadra, ke ca khanʼ ödra hmehma: anyin a wale adre me he ka tha ta me tavat adre me ta: hnyi ûen oge me he ka senʼ ödra adre me he ka haû, haingö Iehova.

Jeremia 7:31

Ke adre me op ta je dok ae göranyin Tofet, ae hnyin hnyigöulen bucen anyin je laku Hinom, me adre me thong je lakudra baga me hlu hnyi meic; waleji oge ca ûkhûnöng, ke oge ca ûnykûme.

Jeremia 7:6

öbun e ne ca ovecâ atkanyua, me at a mok kamen, me safac, me ca hingâlâ bi dra ae ba hnyikongon hnyi dok ang, me ca hnu hoton ke je khong, mʼ adre me okongu öbun:

Jeremia 8:12

Hawa, adre me hmehma hwaban hnödra hna ânyâ ûnyi ae ikiki? e ba, ödra ca hmehma bi, ke ca khanʼ ödra bi he ka hmehma: anyin a wale adre me he ka tha ta me tavat adre me ta: hnyi ûen adre me senʼ ödra, adre me he ka haû, haingö Iehova.

Je tenge anyi Jeremi 1:9

E hnyi obiny anyin ûkhaû anyin ikiki; e ame ca ûnykûme obiny kâu; Anyin a wale hnân lâiâ hna oûhnyûkongoâ e; e ba at ame otubwelâ e: Iehova lö, wâ bi anyik vec; anyin ame bi gan iwahnaihmiöny.

Je tenge anyi Jeremi 4:14

Adre me ngenu helâ me wadröu hnyi je gethen, adre me kong ut ge dra, Me me ca khana at he ka kâlâ je khaûödra.

Ezekiela 20:31

ke öbun ka hom anyibun ta je bwihlany, ke öbun ka ovheno ta je lakubun hnyi wanben meic, hawa öbun e okongu öbun bi ge anyibun ta je idola ke ne o but hnyi bong ang? ke hawa, öbun e he bi ka hnei nya, lap anyi Isaraela? Haingen Than Iehova, ka habe, Kia inya inya a öbun e ca he ka hnei nya:

Ezekiela 22:25

Anyin je perofeta adre me si hnân hnyi wanben, helâ me liona ame kuku ame oloû kia haniny: adre hia but an at; adre me hûgûnâ omjeû, me ta je ûnyi ae ûnyi hnathu; adre hia but osehia je safaciny hnyi wanben e.

Ezekiela 23:45

Ke ame he tavat ae wisa ka bi hwaban ködru helâ me hna bi hwaban ka momo hnyi gethen, me hna bi hwaban ka omomo adre me hingâlâ dra; anyin a ödru li at bi ûnyi monu, ke e hnyi li hnyamödru dra.

Ezekiela 24:7

Anyin a e hnyi wanben e dra e ame hingölö; e ame hingâlâ e hon kic ae ba leûnen; kʼ ame ca hingâlâ e hon kânâ me me iyong ge sesâ;

Ezekiela 9:9

Me e ame ha könya, ka habe, E ti gan hmâ hulo anyin lap Isaraela me Juda, ke ame unöngötö hnyei ge dra, kʼ ame unöngötö taun ge hna ohwalö je hna owisa: anyin a haingodra, ka habe, Iehova ame hia but hna degecâ hmeledrany, ke ame ca wâ bi Iehova.