Jeremia 2:31 - Iaai Bible 1901 (New Caledonia)

³¹ Do lö, wâ ju hofuc ho Iehova. Hawa, oge hia but helâ me hnyebuba ka at Isaraela? ame ne hnyei ae khömet? anyin a ieû ame ha lakeik, ka habe, Ohmun e monu, ohmun e ca he hmetu köu?

Jeremia 2:31 ပူးပေါင်းရင်းမြစ်များ

I. Je Than 11:22

Me haba Farao ame ha kâu, ka habe, Ie ûnyi ae hia gam unyik, mʼ u me elâm he ka he ka hnyi em hnyei? Ke haingen, ka habe, E ba: ke so bi ō u hnö nya but.

II. Man Ûlabainy Je Than. 31:10

Ke haba Azaria at bihut ae beönua hanen lap anyi Zadoka ame thu kâu, me ha, ka habe, Hwân hnyi ûen adre hwân ka hom jem je hut ka hnyi uma umö Iehova, ohmun e han me sekuhmun dö, ke gan hmâ bala biju: anyin a Iehova ame hia but ohnahicâ lakeiny; ke haba kolon, wale ta je ûnyi ang ae gan.

Jobu 21:14

Ke so bi ödrin e ha ka Khong, ka habe, Ûsâkâûö but möhmun; E ca bewehmun he ka khana dem je gethen.

Salamo 10:4

Haba at ae kong, ûnyi hnyi bi ganiny hnyimakan, ame ha, ka habe, E ame ca he ka elâm e. Ke haba hnen je hna ûnykûme hia, ka habe, E ba bi Khong.

Salamo 12:4

Waleji tavat adre me ha, ka habe, Ame he ka tuhmun ge je bohmöhmun; E unyihmun bi je esongodihmun; ia tuhöhmun?

Ta je Vejec 30:9

Wâ e nye sekuk dö, me ivino u, me ha, ka habe, Ia Iehova? Ke wâ iny nye theduoc, me venöu, Me ha monoâ ien Khonguk.

Isaia 45:19

Oge me ca ba ikhâlâ hnyi dok a menekholominy hnyei; oge me ca ha ka je mâtrâni Jekob, ka habe, Elâm baûö nya thö: inya Iehova at ame ha wisa, oge me haimemenâ ta je ûnyi ae ûcû.

Jeremia 2:20

Anyin a hwân ehac oge hia but thu degecâ ânyâm hna ûhûkâlâköuâ, me thamuâ hna cö u; ke haingâm, ka habe, Oge me ca he ka bi athnyaba; anyin a u me mokut hon je bucen hia ae beû, ke hmelen je ûö hia ae hât, he ka bi ûnyi monu.

Jeremia 2:25

Tuö ju li cam wâ e nye ba tangen hnyeûcam, me jeköwem wâ e nye beic: ke u je ha, ka habe, E ûnyi baû: e ba; anyin oge hia but betenge ge ta je atkanyua, ke oge me he bala ka hnu hotudra.

Jeremia 5:5

oge me he ka he ka tavat ae ûnyi hnathu, me fuc kodra; anyin ae khanʼ ödra gethen de Iehova, me hna owisa hnen Khongudrin. Ke haba tavat ang adre hia but tha thamuâ hnaûhûkâlâköuâ, me thu je wen.

Jeremia 5:6

Anyin a wale ame he liona ûnyi hnyi hnyot ka hlingʼ ödra, ame he lukoiny sahac ka sei ödra, ame he lepad ka tuö anyidra je taun, ame he ka oloû usukiʼ ödra tavat adre me didrut ûnyi hnyi hnyin: anyin a ödra ibi ose ûkhin fuc, ke ödra ose hia kolu.

Ezekiela 14:5

mʼ oge me he ka noc lap anyi Isaraela eû hnyi hnyekudra bi, anyin a ödra ûsâkâûö mönya hia ge anyidra je idola.

Hosea 13:6

Adre me ka sekudra hoton ö ʼdra jeû; e sekudra thö me ame bi gan je hnyekudra: anyin a wale adre me hnying nya.

Amosa 1:1

WALANG hofuc ho Amosa, wale at ame tha e me tavat tuö omeno hnyi Tekoa, ke walang wâhnen ge at Isaraela hnyi je bong bongu Uzia than Juda, me hnyi je bong bongu Jeroboama nöku Joasa than Isaraela, lo li huna ke tiga hia bi hwioi.

Mika 6:9

Ifuci Iehova ame hongot hnyi taun, kʼ ame he at ae metâ ka wâ iâm: long ju öbun öso, ke at ame muso e.

I. Korinito 4:8

E sekubun dut walang ang, öbun e tren omjeû walang ang, öbun e bi than ke hiʼ ohmun: e na hnathu ju bi than a öbun, möhmun e he minya ka hnyi than unyibun.

Deuteronomi 31:20

Ke iny ka hia but hum ödra ka hnyi hnyei waleji oge khemanyin ka lakamödra, ame di ge debai me hani; ke ödra ka hia but han sekon me pipikhenya; me adre me he ka hnyimakodra ka ke je khong, me bi athnyabaidrin, me höciö nya, me oûnyibâûâ hnok hna ûhihinyköu.

Deuteronomi 32:15

Ke haba Jesuruna ame pipikhenya bi, kʼ ame nyikâ can: U pipikhenya but, me gan unyâm, me habubut: Waleling me me degec Khong at a op e, Me oûnyibâûâ Kic at a omelö e.

Deuteronomi 32:18

U je hnying ge Kic, at ame hnöku u, Me ca ûnykûme hmetu ge Khong at ame up u.