Jeremia 2:27 - Iaai Bible 1901 (New Caledonia)

²⁷ wale tavat adre me ha ka hnyiban utö, ka habe, Kamök u; me ka veto, U je hnöku nya: anyin adre me hotudra könya, me ca hnyimakodra bi; ke hnyi ûen anyidra vec, adre me he ka ha, ka habe, Todrö me omeli ohmun.

Jeremia 2:27 ပူးပေါင်းရင်းမြစ်များ

II. Man Ûlabainy Je Than. 29:6

Anyin a haba lakamötin ödrin e hia but ânyâ hwakecin ae monu, kʼ Ödrin e ânyâ ûnyi ae kong hnyi hnyimakö Iehova Khongutin, me hna degecâ e, me wia je hnyimaködrin ûnyi hnyi hnyaba Iehova, me hwio hotudrin kâu.

Isaia 26:16

Iehova lö, hnyi ûen vec adre hia but senö u, adre me hingâlâ hic, u ka hom ûhnyûkongu ödra.

Jeremia 10:8

Ke ödra tavat a hwakecin meno me monu hia: haba hna ûnö hnen je hnatheat wale thibi e a hnyiban utö.

Jeremia 18:17

Oge me he ka ovesei ödra hnyi hnyimakan iwahnaihmiony helâ me hnen ang hwei; oge me he ka hotuk me ca hnyimakök bi kodra, hnyi bonginy anyidra vec.

Jeremia 2:24

asinainy hnyot at ame khenenâ hnyebuba, ame bubune ang hnyi weny hnyekon; ie at ame he ka ohmeto e hnyi weny? ame ca he ka osēnyini ödra bi tavat adre me elâm e, adre me he ka wâ e hnyi anyin tehi.

Jeremia 22:23

At ame laba hnyi Lebanona lö, at ame bi umen uma hnyi je arasi, nakaem, e ka o vec köu, wale vec helâ me momo ame vec hnyekon e ka he ka hnokoâ.

Jeremia 3:9

Ke can ame hâhâ kâu he ka bi ûnyi monu, me ame ikiki but hnyei, ke e ame bi ûnyi monu me je veto, me hnyiban je utö.

Jeremia 30:7

Ekölö! anyin ae gan hmâ bong eling, ke ba ke bong a helâe: wale ûen vec kö Jekob; ke so bi, adre me he ka omelo e hnyin.

Jeremia 32:33

Ke adre me hia but wia könya hotudra, me ca hnyimakodra bi: eja ke ne oge ne nʼ ödra, me vesâ kong me ûne, me adre me ca he ka löng me kap hna ûnö.

Jeremia 37:3

Haba Zedekia than ame kunö Jukala nöku Selemia, me Zefania, nöku Maseia at bihut, kö Jeremia perofeta me ha, ka habe, Ö u hic dö hobi kohmun kö Iehova Khonguta.

Jeremia 42:2

me ha kö Jeremia perofeta, ka habe, Ö u kap ju hnöhmun hna khöû köu, ke u me he ka hic hobi kohmun kö Iehova a Khongom, ohmun je kolon ang; anyin a je wan biju ohmun ae wakhalet thibi, ke se hia ehac, ohmun manen köu:

Ezekiela 23:35

Anyin a wale, walang hna ha hnen Than Iehova, ka habe, Anyin a u je hia but hnying nya, me kunö nya ka hnyi hotom, anyin a wale ame he ka tabö u hwakecâm ae ikiki me ânyâm bi ûnyi monu.

Ezekiela 8:16

Me e ame hum nya ka hnyi hnyeuleny uma umö Iehova eiö hnyin, ke wâ bi, hnyi hwanumen uma umö Iehova, wanben poretiko me taben hut, helâke me twente faiv tavat adre me hotudra ka hnyi uma umö Iehova, me hnyimakodra deiö; ke adre me khudrung deiö ka seûno.

Daniela 9:7

Than lö, e unyâm wisa, ke e unyihmun hmehma, helâ me hnyi bong ang; wale a at Juda, ke at Jerusalema, ke at Isaraela hia, a tavat hakekeny ke sâkâu, hnyi je hnyei hia waleji u je obʼ ödra ka hnyin, can hnödra hna hanyâûâ waleji adre hanyâûâ gam.

Hosea 4:12

Kʼ ame labö he lakeik ka hnei unyin anyidra je ong uto, kʼ ame thumetu ödra anyidra uci: anyin adre me omonu ödra hnen bi ûnyi monu, kʼ adre me kec ûnyi hnyi hmelen Khongudrin he ka bi ûnyi monu.

Hosea 5:15

Oge me he ka he but me hmetu ka hnyi hnok, ke ne o but adre me ogâ anyidra monu, me elâm hnyi-makök: ke adre me he ka ti elom nya e ka hu vec gadra.

Hosea 7:14

Ke ame ca hia but tenge je hnyekudra könya, ke adre me kuku tenge bi hon hnödra je hna mokut: adre me ûkhacaköu ge hwit me waina, kʼ adre me ûkhin fuc mönya.