Jeremia 2:26 - Iaai Bible 1901 (New Caledonia)

²⁶ Ame hmehma at venöu at ka wâ e, helâe ame he ka hmehma lap anyi Isaraela; walödra e ta je than, me ta je taben, me tavat bihut, me ta je perofeta;

Jeremia 2:26 ပူးပေါင်းရင်းမြစ်များ

Ezera 9:7

E gan anyihmun hulo hwan hnyi ûen lakamöhmun ke ne o but huyi bong ang; ke can anyihmun je monu, me adre me hnʼ ohmun, me latuhömun, me tavat bihut unyihmun, ka hnyi hnyamen je thaniny je hnyei, ka hnyi hele vat, me ka hnyi hwenbâ, me ka tavat söh, me he ka hmehma, helâ me hnyi bong ang.

Salamo 97:7

E so e hmehma but hia thithö tavat adre me bi athnyabainy je hnatheat, Me hobeluʼ ödra bi ge ta je idola: Khudrung ju kâu, öbun ta je khong hia thithö.

Isaia 1:29

Ke adre me he ka hmehma ge je iwajo öbun e weny, ke öbun e he ka monumonu can ta hnyei öbun e ûca.

Isaia 44:11

Wâ bi, ame he ka hmehma je lawaeny hia; ke je at, tavat adre me huliwan: e so adre me oûkhacaköu ödra hia, e so adre me ûtitilen; adre me he bi ka ot, adre me he ka tha hmehma.

Isaia 44:9

E ûnyi baû hia tavat adre me bi hnatheat; ke ba troban anyidra ta je ûnyi adre me hnyok kâu: ke ame ca bwele tavat adre me ohnathu ödra, ke ca khanʼ ödra bi; mʼ adre me he ka hmehma but.

Jeremia 2:36

Anyin a ieû u me labö ngenu monu gan me wia dem je gethen? u me he ka hmehma ge Aigupito, helâji me hnâm hna hmehma ge Asuria.

Jeremia 22:22

Adre me he ka han tavat adre me tuö halem ta je mamoe ge ang, ke ame he je oûnykûmâm ka bâ; me u me he ka hmehma me hlohlo can ânyâm ta je monu hia thithö.

Jeremia 32:32

can ta je hulo hia anyin lakon Isaraela, me lakon Juda, waleji adre me mâdrâ he ka ohmönyini nya, ödra, me latuhödra, me anyidra je taben, me anyidra tavat bihut, me anyidra je perofeta, me at Juda, me aten Jerusalema.

Jeremia 4:9

Haingö Iehova, ka habe, Hnyi bong eling ame he ka aû but hnyekon than, me hnyekon je taben; ke ame he tavat bihut ka uthmâhmâ, kʼ ame he ta je perofeta ka lâiâ.

Jeremia 48:27

Ke hawa, u je ca hlumö Isaraela? adre me wâ e unyin tavat venöu? anyin a u je hâiâ e me u je nyinyikâ bâm kâu.

Ezekiela 16:54

mʼ u me he ka hom ânyâm hmehma, me hmehma hia ge hnâm hna ânyâ, waleji u je otubweli ödra.

Ezekiela 22:26

Haba anyin tavat bi hut adre me hia but hanyâûâ anyik hnanyibu, me okongoâ hnok je hna okabâ: adre ca hia but ve bongon ûnyi ae kap me ûnyi ae monu, ke adre me ca hia but ve okhana tavat ge ûnyi ae bo kong me ûnyi ae bo so, me mûko je emaködra ge anyik je sabath, ke inya at adre okongoâ hnyi wan-bödra.

Zakaria 5:4

Oge me he ka kunâ e, haingö Iehova tuhan sabaoth, ke e ame he ka dit hnyi hnyin uma umen at venöu, me uma umen at ame khemanyinâ thoiâ iök: ke e ame he ka laba hnyi hnyin umen uma, me ohia e, tha e me ûtoiny, me je vetoiny.

Roma 6:21

Ke ieû wan ae bu köbun ehac hnyi ta je ûnyi öbun e hmehman walang ang? anyin a haba obiny ta je ûnyi eling, me mok.