Jeremia 2:21 - Iaai Bible 1901 (New Caledonia)

²¹ Ke haba u, me oge me tä helâ me vine ame khulelau, hatong ae so: ieû gam u me hwio gak, ke u vine but ae monu me atkanyua?

Jeremia 2:21 ပူးပေါင်းရင်းမြစ်များ

Genese 18:19

Anyin a oge hia but wâhmakhmetoâ e, me me hamen he ka hûna ka lakon me anyin lap hwaban e, mʼ adre me he ka tuö de Iehova, he ka ânyâ wisa me owisa; me me he Iehova ka ohmâ kö Aberahama hna ha bânâ gan.

Genese 32:28

Me e ame ha, ka habe, adre me ca he hmetu ka hao u Jekob, ke Isaraela bi: anyin a u je hia but nâ hwegiâm me Khong me tavat, ke ne u hwege.

Salamo 105:6

Öbun ta je mâtrâni Aberahama a athnyabainy, Öbun je mâtrâni Jekob wale tavat a ûca.

Salamo 44:2

U je obâ aten je hnyei ge hnyamâm, me te hwabödra: U je okongoâ je hnyei, me obâ degeci ödra.

Salamo 80:8

U je hom vine ûnyi Aigupito: U je obâ je hnyei, me ta ju e hnyin.

Salamo 80:9

U je bi hnyimakan e, Me ame hwân dut me öunöngötâ hnyei.

Esodo 15:17

U ma he ka hum odra, me tʼ odra hnyi bucen, wale hwajekom, Iehova lö, wale hnâm u je ânyâ hnân hnyabam, Iehova lö, wale dok ae kap u je hia but ohmâ hnen li hnyamâm.

Isaia 1:21

Ekölö, momo hnyi gethen dut taun hnathu! waleji ae unöngöt ge wisa! ame laba ehac hnyi hwakecin ae wisa, ke walang ang bi tavat ûhlingö.

Isaia 27:2

Hnyi bong eling: hnyei vine ae kese, khumöng dö kâu.

Isaia 41:8

Ke haba u Isaraela lö a athnyabaik, ke Jekob at oge me ûca, mâtrâni Aberahama a hanok;

Isaia 5:4

Ieû ae khanʼ ödra ânyâ hmetu hnyi ik hnyei vine a oge ca hia but ânyâ hnyin e oge me halubahingen he ka wa wan vine, ke ieû ame wa, wan vineiny hnyot gan?

Isaia 60:21

Ke ame he ka wisa hia ânyâm tavat, adre me he ka hu hnyei nyiele balua; a bâtân oge tä, huliwa anyin li hnyamok, mʼ adre me he ka oganö nya.

Isaia 61:3

he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Jeremia 11:16

Haba Iehova ame hwenyi iâm, ka habe, Elaio ae hât, ae hmanenang, ke so wan: ke e ame hû meic hon e me gan hmâ hwan hwalung, ke hmetru but je anginy e.

Jeremia 11:17

Anyin a haba Iehova tuhan sabaoth at ame te u, ame ha ûnyi ae kong köu, can hulo anyin lapanyi Isaraela, me lap anyi Juda, waleji adre me ânyâ hobi kodra bi me ohmönyini nya, adre me leû utö ae bo so kö Baala.

Jeremia 5:10

Öliâ thö je hna up haginy, me hlingâ; ke ca he bi ka ohia hia: hom but je anginy, anyin a ca je ûnyi e anyi Iehova.

Je tenge anyi Jeremi 4:1

NAKAINY gol ae udrem but! a hwio but gol ae so! Adre hingâlâ je vetoiny dok ae kap hnyi je hna saû hia.

Ezekiela 15:2

Nokon at lö, ieû ûnuainy vine hon ta je ûö hia wale anginy vine unyin ta je ûöiny hnyot hia?

Mataio 21:33

Long ju ke ûhöûcû; Wale at tuhan uma ame belökö vine, me bi haginy igigilo, me hin thop hnân hlic vine, me otilâ tap ae beû goranyai, me hna ka tavat belök, me e ame he but ka hnyi ke hnyei bi.

Mareko 12:1

KE e ame hwân he ka fuc kodra a deny ta je ûhöûcû. Haba ke at ame ta hnyei vine, me the haginy igigilo, me hiny thop hnân hlec vine, me otilâ tap tue, me hna but ka tavat belök, me he but ka hnyi ke hnyei.

Luka 20:9

E ame hwân he ka ha ka tavat ûhöûcû ang, ka habe, Ame tā hnyei vine hnen ke at, kʼ ame hna ka tavat ödrin e belökâ hnyei, me he but ka hnyi hnyei ae sâkâu he ka laba beû hmâ eling.

Ioane 15:1

INYA eang vine ae hnathu, ke Kamök at ame belökâ.

Deuteronomi 32:32

Anyin a haba anyidra vine, me ûnyi hnyi vineiny Sodoma, Me ûnyi hnyi ta hnyeiny Gomora: Wan vine anyin ûö hnân mekiny je wan anyidra vine, Ke hiny anyidra je thi vine.

Deuteronomi 4:37

Ke can anyin e ame betenge ge lakâmâm, waleling me e ame ûca je mâtrânidrin hwabödrin, me hum u ûheny Aigupito ge maniny man ae hwege, kʼ ame tot unyâm;

Josua 24:31

Ke haba at Isaraela adre me bi athnyabai Iehova hnyi je bong hia bongu Josua, me je bong bongon wahingat a ûtangköu me Josua, hnyat adre hnyi wâ je huliwa hia anyi Iehova hobi kâu at Isaraela.