Jeremia 2:20 - Iaai Bible 1901 (New Caledonia)

²⁰ Anyin a hwân ehac oge hia but thu degecâ ânyâm hna ûhûkâlâköuâ, me thamuâ hna cö u; ke haingâm, ka habe, Oge me ca he ka bi athnyaba; anyin a u me mokut hon je bucen hia ae beû, ke hmelen je ûö hia ae hât, he ka bi ûnyi monu.

Jeremia 2:20 ပူးပေါင်းရင်းမြစ်များ

I. Je Than 12:32

Ke Jeroboama ame hûna he ka bijeûâ hnyi tehi a eitiny, hnyi bong a fiftininy tehi, helâ me bijeû hnyi Juda, ke e ame ölö ka hnyi taben hut; me e ame ânyâ helâe hnyi Beth-ela, me bi hut ka li nokon kau wale e ame ânyâ: ke e ame ip hnyi Beth-ela tavat bihut hnyi dok ae görany wale e ame ânyâ.

I. Je Than 14:23

Ke ödrin e ânyâ minya hobi ködrin je dok ae görany, me je veto ame tot, me je Aseira, hon je dok ae hut hia, me hmelen je ûö ae hât hia thithö;

Salamo 107:14

E ame hum ödra ûnyi hnyi menekholom me hmenon mok, Me thu je hna cʼ ödra.

Salamo 2:3

E so ate me thamuâ hnödru je hna ca, Me degec gata hnödru je hna hûkâlâ.

Salamo 78:58

Anyin a adre me ohmönyinâ e ge anyi dra je dok ae gorany, Me ociâ e ge anyidra je hnatheat,

Esodo 19:8

Kʼ ame thu tavat hia me ha, ka habe, Ohmun e he ka ânyâ ta je ûnyi hia ame ha Iehova. Haba Mose ame thumetu Iehova hofuc hwan tavat.

Esodo 24:3

Ke Mose ame he me thumeto ta je hofuc ho Iehova, me ta je hna owisa hia; ke ame thu hnen tavat hia hnyi hofuc a khaca, ka habe, Ohmun e he ka ânyâ ta je hofuc hia a ba hnö Iehova.

Esodo 3:8

kʼ oge me utut ang he ka hûgûnʼ ödra ûnyi hnyi hnyamen at Aigupito, me hum ödra ûnyi hnyi hnyei eling ka hnyi ke hnyei ae so me au, a hnyei ame di hnyin debai me hane; a hnen at Kanana, me at Heth, me at Amora, me Perizi, me Hivi, me Jebusi.

Isaia 1:21

Ekölö, momo hnyi gethen dut taun hnathu! waleji ae unöngöt ge wisa! ame laba ehac hnyi hwakecin ae wisa, ke walang ang bi tavat ûhlingö.

Isaia 10:27

Ke hnyi bong eling adre me he ka hom honen hok ûnyi hnyi hon bajebenyâm, me anyin bi hna ûhûkâlâköuâ ûnyi hnyi hon nyem, ke adre me he ka ohia hna ûhûkâlâköuâ, can wakaco hnân hû.

Isaia 14:25

Ke oge me he ka oamâmâ at Asuria hnyi ik hnyei, me uto e hmelen li cak hon anyik je bucen: me ame he ka hia hna ûhûkâlâköuâ ûnyi gadra, me honen hok ûnyi hnyi hon je bajebenyidra.

Isaia 9:4

Anyin a u je hia but thu anyin ûnyi hnân ûhûkâlâköuâ ae hmak, me uciny abenyin, me osö anyin at ame okongoâ e, helâke hnyi bong bongon Midiana.

Jeremia 13:27

Oge hia but wâ hwakecâm ae ikiki, wale hnâm je hna bi ûnyi monu, me hwâm hwakuku helâ me hors, me ûganiny hnâm hna bi ûnyi monu hon je dok ae hut hnyi ta hnyei. Ekölö gam Jerusalema! u me ca he ka bo so; ke ne o but kehö?

Jeremia 17:2

ke haba ta je lakudra adre me ûnykûme anyidra ta je taben hut, me anyidra je Aseira hnyi je ûö ae hât hon je hut ae gorany.

Jeremia 2:31

Do lö, wâ ju hofuc ho Iehova. Hawa, oge hia but helâ me hnyebuba ka at Isaraela? ame ne hnyei ae khömet? anyin a ieû ame ha lakeik, ka habe, Ohmun e monu, ohmun e ca he hmetu köu?

Jeremia 3:13

Ke so bi, ogâ thö ânyâm hulo, a u je ânyâ hwakecin ae ikiki kö Iehova Khongom, me he monu unyin je atkanyua hmelen ta je ûö hia ae hât: ke öbun e ca long hok hofuc haingö Iehova.

Jeremia 30:8

Ke hnyi bong eling haingö Iehova tuhan sabaoth, oge me he ka thamuâ hna ûhûkâlàköuâ ûnyi hnyi hon nyem, me thu omomono je hna cö u; ke ame ca he hmetu ta je atkanyua ka thaluâ e:

Jeremia 5:5

oge me he ka he ka tavat ae ûnyi hnathu, me fuc kodra; anyin ae khanʼ ödra gethen de Iehova, me hna owisa hnen Khongudrin. Ke haba tavat ang adre hia but tha thamuâ hnaûhûkâlâköuâ, me thu je wen.

Ezekiela 16:28

U je hia but minya bi ûnyi monu me at Asuria, anyin a u me ca hmâ; eke, u je hia but bi ûnyi monu mödra, ke so bi u je ca sekon bi.

Ezekiela 16:31

ke anyin a u je op ânyâm dok ae nua hnyi je hna saû hia, me ânyâ ânyâm dok ae gorany hnyi je gethen hia; ke ca ûcû bi me momo hnyi gethen u bi, u me hûkotiâ hwaban.

Ezekiela 16:41

Ke adre me he ka thong degecâ umâm je uma ge meic, me bi hwaban köu hnyi hnyimakan omomo ae se hia; kʼ oge me he ka thao u mʼ u me ca he hmetu ka bi ûnyi monu, ke u me ca he hmetu ka hawâ at ge hwaban.

Ezekiela 20:28

Anyin a hnyi ûen oge me hum ödra ka hnyi hnyei, waleji oge me hinöbeny göranyai he ka ham kodra, kʼ adre me wâ je hut hia ae beû, ke je ûö hia ae hlau, me adre me hudo eling anyidra je hut, me ham eling anyidra bwihlany at ame okûâ hmonyin, ke adre me obosoâ anyidra bo so, ke adre me hingâlâ eling hudiny anyi dra ic.

Ezekiela 23:5

Ke tiga anyik momo Ahola, me e ame bi ûnyi monu; kʼ ame betenge ge je laweny, a at Asuria, tavat adre me laba hakekenyâ,

Hosea 1:2

Hnyi ûen Iehova ame bân ka fuc kö Hosea, me haingö Iehova kö Hosea, ka habe, He thö ka hok momo hnyi gethen ke lakon gethen: anyin ae gan hmâ bi ûuyi monu ge tavat, a gʼ adre me digic Iehova.

Hosea 2:5

Anyin a hiny-ödrin ame bi ûnyi monu: momo a hnöku ödrin ame ânyâ ûnyi hnân hmehma; anyin a haingen, ka habe, Oge me he ka hnu hoton lawek, tavat adre me ha ök, me belik köiö, me leûnen mamoe,, me lino, me wakaco, me belik.

Hosea 3:3

me haingök ka momo, ka habe, U me he ka laba halubahing nya hnyi ta je bong ae se hia; u ma ca he ka bi ûnyi monu, ke u me ca he ka âiân ke baga bi: me oge me he bi nya ka helâe köu.

Hosea 4:13

Kʼ adre me bi hut hon ban je bucen, ke leû utö ae bo so hon je dok ae gorany, ke hmelen je iwajo, ke je libene, ke je ela, anyin ae so hmenon: anyin a wale ame bi ûnyi monu lakubun wahlu, kʼ ame venöu laöiöbun.

Hosea 9:1

ISARAELA lö, ca senyin bi me hobâ helâ me je hnyei; anyin a u je hia but bi ûnyi monu me degec Khongom, u je hok at ge hwaban hnyi je hna huje hwit hia.

Levitiko 26:13

Inya Iehova Khongubun, at ame hum öbun ûnyi hnyi hnyei Aigupito, möbun e ca he ka bi athnyaba ködra; ke oge thu hnödra hna hûkölʼ öbun, me wiʼ öbun he ka tot wia.

Nahuma 1:13

Ke walang ang oge me he ka thu anyin hna ûhûkâlâköuâ walethö hom, ke thamuâ je hna cö u.

Deuteronomi 12:2

Öbun e be ka ti ohia ta je dok hia adre me bi athnyabainy hnyin je khongudrin hnyi je hnyei öbun e he ka hu, walʼ ethö hon je bucen ae beû, me je dok ae görany, me hmelen je ûö hia ae hat:

Deuteronomi 15:15

Ke u me he ka ûnykûme a gʼ adre thaluö u hnyi hnyei Aigupito, ke Iehova Khongom ame omeli u; anyin a wale, inya oge me hûna köu hofuc e hnyi bong ang.

Deuteronomi 26:17

U je hia but ha muâ hnyi bong ang a haba Iehova me e Khongom, ke ûcû köu he ka vheno deny je gethen, me tuö hnen je hna hûna, me anyin je hnanyibu, me hnen je hna owisa, me löng hoton hwan hofuc:

Deuteronomi 4:20

Ke a hia but Iehova hum öbun, me su öbun ûheny hnyi hnyin inyâ fao, a ûheny Aigupito, mʼ öbun e lakeiny ae hu hwajekhon, helâ me hnyi bong ang.

Deuteronomi 4:34

Ke hawa, hwakecin Khong he ka he me hom hnyei hnân hobi kâu ûnyi hnyi ke hnyei, ge je ûcûbic, me je haten, me je ûnyi hnân lâiâ, me vat, me hnyam ae hwege, me benyin adre hai, me je ûnyi ae gan hnân outen, hoton ta je ûnyi hia waleji a ânyâ Iehova Khongubun hobi köbun hnyi hnvimaköbun hnyi Aigupito?

Deuteronomi 5:27

U ma hakekenyâ me löng hofuc hia ame he Iehova Khonguta ka ha: ke u me he biju ka omanenâ kohmun hofuc hia ame he Iehova Khonguta ka ha köu: kʼ ohmun e he ka löng me ânyâ.

Josua 1:16

Ke ödrin e thu kö Josua, ka habe, ohmun e ha ka tha ânyâ hia hnâm hna hûna kohmun, me he ka hnyi dok u me kunʼ ohmun kâu.

Josua 24:24

Me ame ha tavat kö Josua, ka habe, Öhmun e he ka bi athnyabai Iehova Khonguta, me long hwan hofuc

Josua 24:26

Ke Josua ame sihnalimen ta je hofuc ang hnyi tusiny hnanyibu anyin Khong; ke e ame hom ke veto ae gan me otilâ eû hmelen iwajo hnyi baten dok ae kap anyi Iehova.

Hna Omanenâ 17:1

KE ame o thö ke at hnyin je angela a seven hnyat ae hu gadrin je kaia a seven, kʼ ame ha könya, ka habe, Aiö u, oge me he ka omanenâ köu hna bi hwaban ka momo hnyi gethen, at ae nua, kʼ ame laba hon je köiö ae se hia;

Owisa 10:6

Ke haba lakon Isaraela adre me ânyâ hmeto bi ûnyi ae kong hnyi hnyimakö Iehova, me bi athnyaba ka je Baala, me Aseira, me je khongon Suria, me je khongon Zidona, me je khongon Moaba, me je khongon laku Amona, me je khongon at Filisiti; ke adre me digic Iehova me ca bi athnyabainy.

Owisa 2:11

Ke haba lakon Isaraela ödrin e ânyâ ûnyi ae kong hnyi hnyimakö Iehova, me bi athnyabainy je Baala:

Owisa 2:13

Ke ödrin e hna degeci Iehova, me bi athnyaba ka Baala, me Aseira.

I. Samuela 12:10

Ke ödrin e tenge kö Iehova me ha, ka habe, Ohmun e hia but monu, anyin a ohmun e hia but hna degeci Iehova, me bi athnyaba ka je Baala, me Aseira: ke u me he walang ang ka omeli ohmun ûnyi hnyi hnyamen je iwahnaihmiony möhmun, mʼ ohmun e he ka bi athnyabaem.