Jeremia 2:19 - Iaai Bible 1901 (New Caledonia)

¹⁹ Ame he ka thao u hnen bi ânyâm hulo, ke ame he ka û u hnen bi hnâm je hna kolu: anyin a wale khanö u thö me wâ ûnyi ae hiny me kong, wale ge hnâm hna digic Iehova a Khongom, ke u je outö nya, haingen Than Iehova tuhan sabaoth.

Jeremia 2:19 ပူးပေါင်းရင်းမြစ်များ

I. Je Than 18:18

Ke e ame thu, ka habe, Oge me ca omonoâ at Isaraela, ke so bi ûnyi gam me lap anyin kâmâm, waleji hnyi hnobun hna hna degecâ je hnanyibu anyi Iehova me hnu hoton bi je Baala.

II. Man Ûlabainy Je Than. 12:5

Haba Semaia a perofeta ame o kö Reoboama, me je taben hnyi Juda a hnyat ûkhacaköu hnyi Jerusalema ga Sisaka, me ha ködrin, ka habe, Walang hna ha hnö Jehova, ka habe, Öbun e hia but digic nya, anyin a wale oge hia but hna degeci öbun bi ka hnyi hnyamö Sisaka.

II. Man Ûlabainy Je Than. 21:10

Me haba at Edoma ödrin e hna degecâ at Juda ke ne o but hnyi bong ang: ke haba at Libena ödrin e hna degecâ a hnyi ûen minya e: anyin a e ame digic Iehova Khongon lakamen.

II. Man Ûlabainy Je Than. 25:16

Ke e ame tiga fuc kâu, me haingen than kâu, ka habe, Hawa, ohmun e hia but otilö u he ka hnyi hanen ûhnenamö anyin than? soju anyin a ieû adre me he ka hlingö u? Me haba perofeta ame um ju, me ha, ka habe, Oge me wâ but a Khong ame ûnykûme he ka ohiö u, can u je hia but ânyâ ûnyi eling, me ca long hnok hna nö u.

Salamo 36:1

AME ba eû hnyi hnyekuk ge hna hanyâûâ hnen at ae kong, ka habe, E ca hu hnyi li emakan, hna outen Khong.

Esodo 33:6

Ke haba lakon Isaraela adre me uny jut je theibidra hwân hnyi bucen Horeba.

Ta je Vejec 1:31

Anyin a wale adre me be ka an wan hwakecidra bi, Kʼ ame he ka sekudra hnen anyidra bi bihihwakecin.

Ta je Vejec 1:32

Anyin adre me he ka hlingʼ ödra hnen ihwiöiny tavat ae ba hnyekudra bi, Ke ame he ka hiʼ ödra hnen sot anyin tavat ae monu.

Ta je Vejec 5:22

Ame he ka hnok at ae kong hnen hwakecin bi ae kong, Ke adre me he ka noc e ge je toiny bi anyin hulo.

Isaia 3:9

Ame omanenʼ ödra hnen ta je hnyimakodra; ke adre me omanenâ anyidra hulo helâ me Sodoma, adre ca ikhâlâ bi. Ekölö ge hanudrin! anyin adre me hia but bi hwaban hulo kodra bi.

Isaia 5:5

Ke oge me he ka omanenâ walang ang köbun ûnyi oge me he ka ânyâ hnyi ik hnyei vine: oge me he ka hom degecâ haginy, mʼ adre me he ka an dö e; oge me he ka hagutâ haginy, mʼ adre me he ka uto but e:

Isaia 50:1

WALANG hna ha hnö Iehova, ka habe, Ewa tusiny thang faipoipo ge hinyöbun, waleji oge me degec e kâu? ke ewa at oge hia but ûcû öbun kâu unyin tavat oge me hom gufa gadra? Wâ bi, can hwakecibun ae kong adre ûcû öbun, kʼ adre me degec hinyöbun can hnobun hna hanyâûâ.

Jeremia 1:16

Ke oge me he ka ha hnok je hna owisa gadra, can anyidra ta je hulo hia; waleji hnyi hnödra hna digic nya, me leû utö ae bo so ka ke je khong, me hmi ka ta je huliwa anyin ta je hnyamödra bi.

Jeremia 13:22

Ke u je ne ha eû hnyi hnyekom, ka habe, Can ieû ame o könya ta je ûnyi ang? can ûganiny hwakecâm ae kong adre hai obiny ânyâm ûkhaû, me adre me okongoâ ohmâiny li cam.

Jeremia 2:17

Hawa, u je ca ânyâ hobi köu bi, hnyi hnâm hna digic Iehova a Khongom, waleji hnyi ûen e ame su u eû hnyi gethen?

Jeremia 3:22

Hmetu ju öbun tavat öbun e labö kolu, oge me he ka ometo hnobun je hna kolu. Wâ ju, öhmun e o but köu; anyin a u Iehova Khonguhmun.

Jeremia 4:18

Hnen dem je gethen me hnâm hna ânyâ hna ohwâdâ köu ta je ûnyi eling; wale ânyâm hulo: anyin ae hiny e; ame o but ka hnyi hnyekom.

Jeremia 5:22

Hawa, öbun e ca outö nya? haingö Iehova: ke öbun e ca be ka öbubuny gak, at ame ip öny hnân hnyigöulen köiö, hoton hnanyibu ae tethmâ, mʼ adre me ca he bi ka hanyâûâ e.

Jeremia 5:24

Ke adre me ca ha eû hnyi je hnyekudra, ka habe, Ate me he walang ang ka outö Iehova Khonguta, at ame ham we, wale a bân, me beliny hnyi ûen e; at ame tuö hobi köta je wikiny menu adre thu.

Jeremia 5:6

Anyin a wale ame he liona ûnyi hnyi hnyot ka hlingʼ ödra, ame he lukoiny sahac ka sei ödra, ame he lepad ka tuö anyidra je taun, ame he ka oloû usukiʼ ödra tavat adre me didrut ûnyi hnyi hnyin: anyin a ödra ibi ose ûkhin fuc, ke ödra ose hia kolu.

Jeremia 7:19

Hawa, adre me ohmönyini nya? haingö Iehova; ke ca ödra bi, me ame hmehma ta je hnyimakodra?

Jeremia 8:5

Anyin a ieû ame hmetuhmetu tavat ang wale Jerusalema ke ame labö kolu balua? adre me kât hmâ thoi ödra, höcö he ka hmetu.

Ezekiela 23:30

Adre me he ka ânyâ ta je ûnyi e köu anyin a u je hia but bi ûnyi monu hoton ta je hnyei, ke u kong ut ge anyidra je idola.

Ezekiela 39:24

Oge me ânyâ kodra hoton anyidra bo kong, me hnödra hna hanyâûâ; me oge me ikhâlâ hnyimakök gadra.

Hosea 11:7

E hwege lakeik he ka digic nya: eja ke ne adre ne hongot kö Beönua, me ba at a khaca ame he ka ogânâ e.

Hosea 13:9

Isaraela lö, walang hna hangö u, a gʼ ame ve u mönya, at hadruo u.

Hosea 14:1

ISARAELA lö, hmetu ju kö Iehova Khongom; anyin a u je ta but ge ânyâm hulo.

Hosea 4:16

Anyin a hia but Isaraela ûkhin fuc, helâ me man kau at ame hwen höcö: ke ame he Iehova walang ang ka ha ö ʼdra helâ me nokon mamoe hnyi dok ae lau.

Hosea 5:5

Ke haba bi gan anyin Isaraela ame ohnathoâ hnyi hnyimakan: anyin a wale ame he ka tha ta Isaraela me Eferaima hnyi anyidru hulo; kʼ ame he minya Juda ka ta unyidru.

Hosea 7:2

Ke adre me ca ûnykûme bi hnyi je hnyekudra, a inya oge me ûnykûme ta je hwakecidra hia ae kong: ke walang ang ame theling ödra hnen bi anyidra ta je huliwa; ke e bi hnyi hnyimakök.

Hosea 9:1

ISARAELA lö, ca senyin bi me hobâ helâ me je hnyei; anyin a u je hia but bi ûnyi monu me degec Khongom, u je hok at ge hwaban hnyi je hna huje hwit hia.

Amosa 8:10

Ke oge me he ka wia anyibun je bijeû ka hnyi tenge, me anyibun je khumöng hia ka hnyi, tenge thungaû; ke oge me he ka oâ ka hnyi ta je hnyin hia mano ae gan nân, me ohadreûâ ta je ban hia; ke oge me he ka wia e helâ me hwatenge can nokon a khaca, me obiny e helâ me bong vec.

Mika 1:5

Ame o but ta je ûnyi hia eling can hna hanyâûâ hnö Jekob, ke can je hulo anyin lap anyi Isaraela. Ie hna hanyâûâ hnö Jekob? hawa, ca Samaria bi? ke ie je dok ae gorany ga Juda? hawa, ca Jerusalema bi?

Zakaria 7:11

Ke ödra höcö long, me behânâ bajebenyidra, kʼ adre me hlöng je hnyikönyödra, mʼ adre me ca long bi.

Roma 3:18

E ba ot ka Khong hnyi hnyimakodra.

Owisa 10:13

Ke öbun e digic nya bi, me bi athnyaba ka je khong: anyin a wale oge me ca he hmetu ka omeli öbun.